ព័ត៌មានអន្ដរជាតិ
ទីក្រុងហូជីមិញ កំពុងប្រកាសអាសន្ន (មានវីដេអូ)
មន្ទីរពេទ្យភាគច្រើនត្រូវការអុកស៊ីសែនយ៉ាងហោចណាស់ ១៧០ តោនក្នុងមួយថ្ងៃ ប៉ុន្តែគ្រឿងបរិក្ខារក្នុងទីក្រុងហូជីមិញអាចផ្គត់ផ្គង់បានត្រឹមតែ ១៥០ ប៉ុណ្ណោះ ខណៈចំនួនអ្នកជំងឺកូវីដដែលត្រូវការអុកស៊ីសែនកំពុងកើនឡើង ។
មន្ត្រីទីក្រុងបាននិយាយថា ពេលនេះការផលិតអុកស៊ីសែន ១០០ ភាគរយគឺសម្រាប់គោលបំណងឧស្សាហកម្ម ខណៈបច្ចុប្បន្នទីក្រុងហូជីមិញមានគ្រឿងបរិក្ខារចំនួន ៥ ប៉ុណ្ណោះដែលផ្តល់អុកស៊ីសែនវេជ្ជសាស្ត្រប្រហែល ១៥០ តោនក្នុងមួយថ្ងៃ ។
ចំណែកគណៈកម្មាធិការប្រជាជនទីក្រុងបាននិយាយថា បច្ចុប្បន្នកន្លែងព្យាបាលកូវីដបានរាយការណ៍ពីតម្រូវការអុកស៊ីសែន ១៧០ តោនក្នុងមួយថ្ងៃ ខណៈតួលេខព្យាករណ៍អាចនឹងកើនឡើងដល់ ៣៥០ តោនឯណោះក្នុងពេលខាងមុខនេះ ។
ទន្ទឹមនោះក្នុងរយៈពេលថ្មីៗនេះ ជាពិសេសរយៈពេលចាប់តាំងពីដើមខែធ្នូមក មន្ទីរពេទ្យជាច្រើនជួបប្រទះនឹងស្ថានការណ៍ដ៏លំបាកក្នុងការទទួលបានអុកស៊ីសែន ខណៈពេលនេះអ្នកផ្គត់ផ្គង់ក៏បានរាយការណ៍ផងដែរពីករណីដែលមិនមានអុកស៊ីសែនបម្រុងសម្រាប់ស្ថានភាពសង្គ្រោះបន្ទាន់ ។
ដូច្នេះទើបសាលាក្រុងហូជីមិញបានស្នើឲ្យរដ្ឋាភិបាលចាត់ក្រសួងឧស្សាហកម្ម និងពាណិជ្ជកម្មកាត់បន្ថយបរិមាណអុកស៊ីសែនផ្គត់ផ្គង់សម្រាប់ផលិតកម្មឧស្សាហកម្ម ជាពិសេសដែកថែបក្នុងរយៈពេល ៣ ខែខាងមុខ ដើម្បីធានាប្រភពអុកស៊ីសែនវេជ្ជសាស្ត្រសម្រាប់កន្លែងព្យាបាលជំងឺកូវីដ ។
រហូតមកដល់ពេលនេះ នៅក្នុងរលកឆ្លងកូវីដកំពុងបន្តដែលបានវាយប្រហារប្រទេសវៀតណាមនៅចុងខែមេសា, ទីក្រុងហូជីមិញដែលធ្លាប់ជាចំណុចកណ្តាលផ្ទុះកូវីដបានកត់ត្រាករណីឆ្លងជិត ៤៩៨,០០០ ករណី និងមានអ្នកស្លាប់ ១៩,៤៤១ នាក់ ខណៈអស់រយៈពេលមួយខែមកនេះ បានរាយការណ៍ពីចំនួនអ្នកស្លាប់ដោយសារកូវីដខ្ពស់បំផុត ពោលជាមធ្យមប្រហែល ៦០ នាក់ក្នុងមួយថ្ងៃ ៕
សូមទស្សនាវីដេអូ!
ប្រែសម្រួលដោយ ៖ ជីវ័ន្ត
ប្រភព ៖ VNExpress
ចុចអាន ៖ វៀតណាម ត្រៀមបន្តគម្រោងសាងសង់រោងចក្រនុយក្លេអ៊ែរឡើងវិញ ក្រោយផ្អាក ១០ ឆ្នាំ
-
ព័ត៌មានជាតិ៧ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៥ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៥ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ចរាចរណ៍២៤ ម៉ោង ago
បឋម៖ រថភ្លើងបុករថយន្ដក្រុងដឹកអ្នកដំណើររបួសច្រើននាក់
-
ព័ត៌មានជាតិ៥ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
សេដ្ឋកិច្ច៦ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៥ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
ព័ត៌មានអន្ដរជាតិ៣ ថ្ងៃ ago
លម្អិតហេតុការណ៍រន្ធត់ កប៉ាល់ដឹកកុងតឺន័រ បុកបាក់ស្ពាននៅទីក្រុង Baltimore