ព័ត៌មានអន្ដរជាតិ
កិច្ចពិភាក្សារវាងលោក បៃដិន និង ពូទីន តឹងតែងខ្លាំង
ប្រធានាធិបតីសហរដ្ឋអាមេរិក លោក ចូ បៃដិន និងប្រធានាធិបតីរុស្ស៊ី វ្លាឌីមៀរ ពូទីន ក្នុងជំនួបពិភាក្សាគ្នាតាមទូរសព្ទនៅថ្ងៃព្រហស្បតិ៍បានព្រមានគ្នាទៅវិញទៅមកជុំវិញភាពតានតឹងនៅអ៊ុយក្រែន ប៉ុន្តែមានសុទិដ្ឋិនិយមមួយចំនួនដែលកិច្ចពិភាក្សាការទូតនាខែមករាខាងមុខអាចនឹងជួយបន្ថូរបន្ថយ។
ក្នុងជំនួបតាមទូរសព្ទរយៈពេល៥០នាទី កិច្ចសន្ទនាលើកទី២របស់មេដឹកនាំកំពូលទាំងពីរ លោក បៃដិន បានលើកឡើងថា លោកត្រូវការឃើញរុស្ស៊ីបន្ថយការបង្កើតកម្លាំងយោធានៅព្រំដែនជិតអ៊ុយក្រែន ខណៈលោក ពូទីន លើកឡើងថា ការគំរាមកំហែងទណ្ឌកម្មរបស់ទីក្រុងវ៉ាស៊ីតោន និងសម្ព័ន្ធមិត្តអាចនាំឲ្យបែកបាក់ទំនាក់ទំនង។ ការហៅទូរសព្ទនេះស្នើឡើងដោយលោក ពូទីន។
មន្ត្រីសេតវិមានទទួលបន្ទុកសារព័ត៌មាន លោកស្រី Jen Psaki បានឲ្យដឹងថា ៖«លោកប្រធានាធិបតី បៃដិន បានរំលឹកឡើងវិញពីវឌ្ឍនភាពសំខាន់ៗនៅក្នុងកិច្ចសន្ទនាទាំងនោះអាចកើតបរិយាកាសថយចុះជាងកើនឡើង»។
មន្ត្រីទទួលបន្ទុកនៅវិមានក្រឹមឡាំង លោក Yuri Ushakov បាននិយាយថា ការហៅទូរសព្ទនេះបានបង្កើតជាគោលដ៏ល្អសម្រាប់កិច្ចពិភាក្សានាពេលអនាគត។
ការផ្លាស់ប្តូរសំដីរបស់មេដឹកនាំទាំងពីរបានកំណត់ដំណាក់កាលសម្រាប់ការជួបគ្នាកម្រិតទាបរវាងប្រទេសទាំងពីរ ក្នុងនោះមានជំនួបសន្តិសុខអាមេរិក-រុស្ស៊ីថ្ងៃទី៩-១០ ខែមករា បន្ទាប់មកជំនួបរុស្ស៊ី-ណាតូថ្ងៃទី១២ ខែមករា ហើយការធ្វើសន្និសីទធំមាននៅទីក្រុងមូស្គូ វ៉ាស៊ីនតោន និងប្រទេសអឺរ៉ុបផ្សេងទៀតថ្ងៃទី១៣ ខែមករា។
ទោះជាមានកិច្ចពិភាក្សាការទូត ក៏ទំហំនៃការពិភាក្សានេះត្រូវបានមន្ត្រីរបស់ប្រទេសទាំងពីរចាត់ទុកថា ធ្ងន់ធ្ងរ។ គ្មានភាគីណាមួយបញ្ជាក់លំអិតពីវឌ្ឍនភាពសំខាន់ឆ្ពោះទៅរកដំណោះស្រាយឡើយ។
សម្រាប់អាមេរិក លោក បៃដិន បានបញ្ជាក់ជាថ្មីអំពីការគំរាមដាក់ទណ្ឌកម្មមិនធ្លាប់របស់លោកអាចកើតមាន ប្រសិនបើរុស្ស៊ីឈ្លានពានអ៊ុយក្រែន។
មន្ត្រីជាន់ខ្ពស់អាមេរិកម្នាក់និយាយថា ៖«លោក បៃដិន បានដាក់ចេញផ្លូវពីរ»ក្នុងនោះមានការទូត។
«ផ្លូវមួយទៀតគឺជាផ្លូវដែលផ្តោតលើការទប់ស្កាត់រួមទាំងការចំណាយ និងផលវិបាកធ្ងន់ធ្ងរ ប្រសិនបើរុស្ស៊ីបន្តលុកលុយលើអ៊ុយក្រែន»។
ជំនួយការនិយាយថា លទ្ធភាពអាចរាប់បញ្ចូលទាំងវិធានការដែលអាចកាត់ផ្តាច់ទំនាក់ទំនងរុស្ស៊ីប្រកបដោយប្រសិទ្ធភាពពីសេដ្ឋកិច្ចសកល និងប្រព័ន្ធហិរញ្ញវត្ថុ ខណៈមានការបំពាក់អាវុធបន្ថែមទៀត អង្គការសន្ធិសញ្ញាអាត្លង់ទិកខាងជើង សម្ព័ន្ធយោធាអឺរ៉ុប។
ចំណែក លោក Ushakov បាននិយាយថា ៖«លោក ពូទីន បានឆ្លើយតបវិញភ្លាមៗដា ទណ្ឌកម្មណាមួយពេលឥឡូវនេះ ឬពេលក្រោយអាចនាំឲ្យបែកបាក់ទំនាក់ទំនងទាំងស្រុងរវាងប្រទេសទាំងពីរ»។
លោកបន្ថែមថា ៖«ប្រធានាធិបតីរបស់យើងក៏បានលើកឡើងដែរថា វាអាចនឹងក្លាយជាកំហុសមួយដែលអ្នកជំនាន់ក្រោយរបស់យើងអាចឃើញថា កំហុសដ៏ធំមួយ»៕
ប្រែសម្រួល៖ វីរបុត្រ
ប្រភព៖ reuters
-
ព័ត៌មានជាតិ៥ ថ្ងៃ ago
អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា
-
ព័ត៌មានជាតិ៣ ថ្ងៃ ago
ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ
-
ព័ត៌មានជាតិ៣ ថ្ងៃ ago
បណ្ឌិត គិន ភា៖ «ហេតុអីមិនបន្ទោសអ្នកបោកគេ បែរជាបន្ទោសអ្នកត្រូវគេបោកទៅវិញ?»
-
ព័ត៌មានជាតិ៤ ថ្ងៃ ago
កម្ពុជានឹងមានភ្លៀងធ្លាក់ ១៥% ដល់ថ្ងៃទី ២៧ ដំណាច់ខែមីនា
-
ជីវិតកម្សាន្ដ១ សប្តាហ៍ ago
ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»
-
សេដ្ឋកិច្ច៥ ថ្ងៃ ago
មន្ត្រីជាន់ខ្ពស់ធនាគារជាតិ៖ ក្រដាសប្រាក់ ៥ម៉ឺន រៀល មានគូសឆ្នូតកណ្តាលអាចប្តូរយកប្រាក់ថ្មីបានដោយឥតគិតថ្លៃ
-
ព័ត៌មានជាតិ៤ ថ្ងៃ ago
ដីជាង ៤៣ ហិកតា នៅភូមិសាស្ត្រភ្នំ ១៥០០ ត្រៀមដាំស្ដារព្រៃឈើឡើងវិញ
-
សន្តិសុខសង្គម៤ ថ្ងៃ ago
បឋម៖ អគ្គិភ័យកំពុងឆេះផ្ទះពលរដ្ឋក្នុងបុរីពិភពថ្មីកំបូល