Connect with us

ព័ត៌មានអន្ដរជាតិ

សិង្ហបុរី ប្រកាសថា ខ្លួននឹងស៊ើបអង្កេតករណីកប៉ាល់កុងតឺន័រ Dali បុកជាមួយស្ពាន Francis Scott Key

បានផុស

នៅ

អាជ្ញាធរដែនសមុទ្រ និងកំពង់ផែសិង្ហបុរី ហៅកាត់ថា MPA បាននិយាយនៅថ្ងៃអង្គារ ទី២៦ ខែមីនា ថា ខ្លួននឹងស៊ើបអង្កេតករណីកប៉ាល់កុងតឺន័រ Dali ដែលចុះបញ្ជីក្នុងប្រទេសសិង្ហបុរី បុកជាមួយស្ពាន Francis Scott Key នៅទីក្រុង Baltimore រដ្ឋ Maryland សហរដ្ឋអាមេរិក កាលពីវេលាម៉ោង ១ និង ៣០នាទីរំលងអាធ្រាតឈានចូលថ្ងៃទី២៦ ខែមីនា (ម៉ោងក្នុងតំបន់) ។ នេះបើយោងតាមការផ្សាយរបស់សារព័ត៌មាន CNA របស់សិង្ហបុរី នាងវេលាយប់ ថ្ងៃទី២៦ ខែមីនា ឆ្នាំ ២០២៤ ។

រូបថតដោយ÷ AFP
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

យោងតាមនាយកដ្ឋានពន្លត់អគ្គីភ័យ Baltimore បានឱ្យដឹងថា មនុស្សរហូតដល់ ២០ នាក់ ក៏ដូចជារថយន្តជាច្រើនគ្រឿងអាចនឹងធ្លាក់ចូលទៅក្នុងទឹក ។

អាជ្ញាធរបាននិយាយថា MPA កំពុងទាក់ទងជាមួយឆ្មាំឆ្នេរសមុទ្រអាមេរិក និងក្រុមហ៊ុនគ្រប់គ្រងកប៉ាល់ ដើម្បីផ្តល់ជំនួយចាំបាច់ ។ជាមួយគ្នានេះ MPA បានសង្កត់ធ្ងន់ថា “ក្នុងនាមជាម្ចាស់ទង់ជាតិ MPA នឹងផ្តល់កិច្ចសហប្រតិបត្តិការពេញលេញដល់ឆ្មាំឆ្នេរសមុទ្រអាមេរិកក្នុងការស៊ើបអង្កេតរបស់ខ្លួន ហើយ MPA ក៏នឹងកំពុងស៊ើបអង្កេតឧប្បត្តិហេតុនេះផងដែរ” ។

យោងតាមទិន្នន័យតាមដានកប៉ាល់បានបង្ហាញថា កប៉ាល់ Dali ត្រូវបានចុះឈ្មោះជាមួយក្រុមហ៊ុន Grace Ocean Pte Ltd ដែលជាក្រុមហ៊ុនបុត្រសម្ព័ន្ធជាមួយ Synergy Marine Group ។ ហើយកប៉ាល់នេះត្រូវបានជួលដោយក្រុមហ៊ុនដឹកជញ្ជូនរបស់ដាណឺម៉ាក Maersk នៅមុនពេលមានគ្រោះថ្នាក់។

សូមជម្រាបជូនថា MPA បានបង្ហាញថា Dali គឺជាកប៉ាល់កុងតឺន័រមានទម្ងន់សរុប ៩៦ម៉ឺនតោន ដែលប្រតិបត្តិការជាមួយសមាជិកនាវិក ២២នាក់ នៅថ្ងៃកើតហេតុ។

យោងតាមគេហទំព័ររបស់ MPA បានឱ្យដឹងថា ប្រទេសសិង្ហបុរីគឺជាប្រទេសមួយក្នុងចំនោមការចុះបញ្ជីកប៉ាល់ដ៏ធំបំផុតរបស់ពិភពលោកដែលមាននាវាជាង ៤.៤០០ គ្រឿង។ ថ្វីបើ Dali បានចុះបញ្ជីនៅក្នុងប្រទេសសិង្ហបុរី ក៏ពិតមែន ប៉ុន្តែនៅក្នុងករណីបុកស្ពាន Francis Scott Key នៅទីក្រុង Baltimore នេះ សិង្ហបុរីពុំមានទំនួលខុសត្រូវឡើយ ដោយ Dali និងក្រុមហ៊ុនធានារ៉ាប់រង ជាអ្នកទទួលខុសត្រូវដោយខ្លួនឯងរាល់ការខូចខាតទាំងអស់ ៕

ប្រែសម្រួលដោយ÷ ប៉ោ កុសល

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានជាតិ៤៧ វិនាទី មុន

រដ្ឋមន្ត្រីក្រសួងកសិកម្ម៖ យុត្តិធម៌​សម្រាប់​មន្ដ្រី​ស្អាតស្អំ មិន​អាច​កាត់​ថ្លៃ​បាន​ទេ

ព័ត៌មានអន្ដរជាតិ៣ នាទី មុន

សិង្ហបុរី ប្រកាសថា ខ្លួននឹងស៊ើបអង្កេតករណីកប៉ាល់កុងតឺន័រ Dali បុកជាមួយស្ពាន Francis Scott Key

ព័ត៌មានជាតិ៤៩ នាទី មុន

លោក តាន់ ហ្សង់ហ្វ្រង់ស័រ៖ ដោះស្រាយបញ្ហាព្រំដែន ត្រូវការតែអ្នកជំនាញមុតស្រួច មិនត្រូវការអ្នកជាតិនិយម អ្នកនយោបាយឡើយ

ព័ត៌មានអន្ដរជាតិ៣ ម៉ោង មុន

អាមេរិក ដាក់ទណ្ឌកម្មក្រុមហ៊ុនជួរមុខ ចិន ដែលមានចិត្តចង់កម្ទេចហេដ្ឋារចនាសម្ព័ន្ធសំខាន់ៗ

ព័ត៌មានជាតិ៣ ម៉ោង មុន

អភិបាលខេត្តកំពង់ចាម ចុះពិនិត្យវឌ្ឍនភាពការសាងសង់ផ្លូវ និងដោះស្រាយបញ្ហាប្រឈមមួយចំនួនជូនពលរដ្ឋ

ព័ត៌មានជាតិ៣ ថ្ងៃ មុន

អ្នកឧកញ៉ា គួច ម៉េងលី÷ បើមិននាំខ្លួនមេខ្លោងក្រុមហ៊ុន CIC Plc មកផ្ដន្ទាទោសទេ ពលរដ្ឋនឹងលែងជឿប្រព័ន្ធយុត្តិធម៌កម្ពុជា

ព័ត៌មានជាតិ២៤ ម៉ោង មុន

ទ្រព្យសកម្មរបស់ក្រុមហ៊ុន CIC Plc ប្រមាណ ៩០% នៃចំនួនទឹកប្រាក់សរុប ត្រូវបានប្រមូលមកវិញ

ព័ត៌មានអន្ដរជាតិ៦ ថ្ងៃ មុន

Breaking News! បណ្ដាញសង្គម Facebook មានបញ្ហានៅទូទាំងពិភព​លោកជាថ្មី

កីឡា៧ ថ្ងៃ មុន

ជើងឯកម៉ុងហ្គោលី Erdene​ អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត

ជីវិតកម្សាន្ដ៥ ថ្ងៃ មុន

ខេមរៈ សិរីមន្ត ៖ «ទោះខ្ញុំមិនមែនជាអ្នកធំ តែសុំធ្វើកិច្ចការធំខ្លះជូនជាតិតាមវិជ្ជាជីវៈសិល្បៈ បង្ហាញទៅពិភពលោក»

Sokha Hotels

ព័ត៌មានពេញនិយម