ព័ត៌មានអន្ដរជាតិ

ថៃគ្រោងទិញយន្តហោះចម្បាំងបំបាំងកាយទំនើបបំផុត F-35 ពីអាមេរិក

បានផុស

៣ years មុន

នៅ

ថ្ងៃសុក្រ ៣១ ធ្នូ ២០២១

ដោយ

កងទ័ពជើងអាកាសថៃកំពុងសម្លឹងមើលការទិញយន្តហោះបំបាំងកាយ F-35 ផលិតដោយសហរដ្ឋអាមេរិកចំនួន៨គ្រឿង ដែលប្រភេទយន្តហោះចម្បាំងទំនើបបំផុតក្នុងពិភពលោកដើម្បីបង្កើនសមត្ថភាពការពារជាតិរបស់ខ្លួន។ នេះជាការឲ្យដឹងពីអគ្គមេបញ្ជាការលោក Napadej Dhupatemiya។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Napadej បាននិយាយថា កងទ័ពជើងអាកាសត្រូវការយន្តហោះចម្បាំងថ្មី ដោយសារយន្តហោះចម្បាំងប្រភេទ F-5 និង F-16 មានអាយុកាលច្រើន បន្ទាប់ពីប្រើប្រាស់ជាង៣០ឆ្នាំហើយ។ ដោយសារកាន់តែចាស់ ការថែទាំក៏ចំណាយប្រាក់ច្រើន ហើយក៏ការប្រើប្រាស់ទំនងជាអាចកើតមានហានិភ័យទៀត។

លោកបានឲ្យដឹងថា យន្តហោះចម្បាំងបំបាំងកាយ F-35 ដែលផលិតដោយក្រុមហ៊ុនការពារជាតិសហរដ្ឋអាមេរិក Lockheed Martin ជាជម្រើសល្អបំផុតនាឥឡូវនេះដែលតម្លៃបានធ្លាក់មកត្រឹម៨២លានដុល្លារអាមេរិកក្នុងមួយគ្រឿងចុះពីតម្លៃ១៤២លានដុល្លារអាមេរិកក្នុងមួយគ្រឿងនៅពេលប្រភេទម៉ូដែលចេញដំបូងត្រូវប៉ាន់ក្នុងទីផ្សារ។

លោក Napadej ឲ្យដឹងថា យន្តហោះចម្បាំងថ្មី Saab Gripen ដែលផលិតនៅប្រទេសស៊ុយអែតតម្លៃ៨៥លានដុល្លារក្នុងមួយគ្រឿងក៏ជាផលិតផលរបស់ក្រុមហ៊ុន Lockheed Martin។ វាអាស្រ័យលើការចចារ ដែលក្នុងមួយគ្រឿងៗអាចចុះតម្លៃក្រោម៧០លានដុល្លារអាមេរិក។

លោក Napadej បន្តថា គម្រោងថវិកាទិញយន្តហោះចម្បាំង F-35 នឹងស្ថិតនៅក្នុងគម្រោងឆ្នាំ២០២៣ដែលចាប់ផ្តើមពីខែតុលា ហើយកងទ័ពជើងអាកាសបានត្រៀមខ្លួនឆ្លើយសំនួរទាំងអស់ ប្រសិនបើត្រូវការធ្វើសន្និសីទកាសែតស្តីពីការទិញ។