Connect with us

ព័ត៌មានអន្ដរជាតិ

សេដ្ឋីនី​​​ Elizabeth Holmes​ ប្រឈម​ជាប់​គុក​២០​ឆ្នាំ​ពី​បទ​វិនិយោគក្លែង​បន្លំ

បានផុស

នៅ

ស្ថាបនិក និង​នាយក​ប្រតិបត្តិ​ក្រុមហ៊ុន Theranos ដែល​មាន​តម្លៃ៩​ប៊ី​លាន​ដុល្លារ​អាមេរិក សេដ្ឋីនី Elizabeth Holmes ត្រូវបានកាត់ទោសពីបទបោកប្រាសអ្នកវិនិយោគ បន្ទាប់ពីសវនាការត្រូវបានធ្វើឡើងរយៈពេលមួយខែពេញនៅរដ្ឋកាលីហ្វញ៉ា សហរដ្ឋអាមេរិក។

ព្រះរាជអាជ្ញាបាននិយាយថា លោកស្រីបានកុហកអំពីបច្ចេកវិទ្យាដែលលោកស្រីនិយាយថាអាចរកឃើញជំងឺតាមរយៈតំណក់ឈាមពីរបីតំណក់ប៉ុណ្ណោះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ចៅក្រមបានរកឃើញកំហុសរបស់លោកស្រី Holmes តាមការបទចោទប្រកាន់៤ករណីក្នុងនោះមានការសមគំនិតប្រព្រឹត្តក្លែងបន្លំលើអ្នកវិនិយោគ និងការលួចបន្លំ៣ផ្សេងទៀត។

ស្ត្រីអាយុ៣៧ឆ្នាំអាចប្រឈមនឹងជាប់ពន្ធនាគាររហូតដល់២០ឆ្នាំ។ លោកស្រី Holmes ប្រឈមនឹងបទចោទប្រកាន់សរុប១១ករណី និងមិនទាន់ត្រូវបានរកឃើញពីកំហុសនៃការចោទប្រកាន់៤ពាក់ព័ន្ធនឹងក្លែងបន្លំសាធារណៈ។

សាលក្រម​បំបែក​ត្រូវបានធ្វើឡើង បន្ទាប់ពីចៅក្រមបាននិយាយថា គណៈវិនិច្ឆ៍យ ដែលបានពិភាក្សាអស់រយៈពេល៧ថ្ងៃ អាចប្រកាសសាល​ក្រមមួយផ្នែក បន្ទាប់ពីមិនអាចសរុបជាមួយបទចោទប្រកាន់៣ផ្សេងទៀត។

ក្រុមហ៊ុនបានសន្យាថា ខ្លួននឹងធ្វើបដិវត្តន៍ឧស្សាហកម្មថែទាំសុខភាព ប៉ុន្តែការអះអាងរបស់ក្រុមហ៊ុនបានចាប់ផ្តើមមានបញ្ហាត្រូវដោះស្រាយនៅឆ្នាំ២០១៥ បន្ទាប់ពីការស៊ើបអង្កេតរបស់ Wall Street Journal មួយបានបង្ហាញថា បច្ចេកវិទ្យាតេស្តឈាមស្នូលមិនដំណើរការទេ។

សាក្សីប្រមាណ៣០នាក់ ព្រះរាជអាជ្ញាបានស្វែងរកភស្តុតាងថា លោកស្រី Holmes បានដឹងថា ផលិតផលដែលលោកស្រីកំពុងលក់ទៅអ្នកវិនិយោគគឺជាការបោកប្រាស់ ប៉ុន្តែនៅតែបន្តដើម្បីភាពជោគជ័យរបស់ក្រុមហ៊ុន។

នៅសវនាការ នាយកមន្ទីរពិសោធជាច្រើននាក់បានឆ្លើយថា ពួកគេបានប្រាប់លោកស្រី Holmes អំពីបញ្ហានៅក្នុងបច្ចេកវិទ្យារបស់ក្រុមហ៊ុន Theranos ប៉ុន្តែពួកគេត្រូវបានណែនាំឲ្យថយចុះការព្រួយបារម្ភ។ ពួកគេបន្ថែមថា ជាមួយគ្នានេះ លោកស្រី Holmes បានប្រាប់អ្នកវិនិយោគថា បច្ចេកវិទ្យាដំណើរការតាមផែនការ៕

ប្រែសម្រួល៖ វីរបុត្រ
ប្រភព៖ BBC

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម