មកថ្មីទៀតហើយ! លើកនេះជា វីរុសបំប្លែងខ្លួន កូនកាត់ Delta ជាមួយ Omicron (មានវីដេអូ)

វីរុសកូវីដបំប្លែងខ្លួនប្រភេទថ្មីមួយទៀតត្រូវបានរកឃើញដោយក្រុមអ្នកវិទ្យាសាស្ត្រមកពីនាយកដ្ឋានវិទ្យាសាស្ត្រជីវសាស្រ្តនៃសាកលវិទ្យាល័យ Cyprus ។

អ្នកស្រាវជ្រាវលោក Leondios Kostrikis បាននិយាយនៅក្នុងសេចក្តីថ្លែងការណ៍មួយដែលត្រូវបានចេញផ្សាយដោយសារព័ត៌មាន Cyprus Times ថា វីរុសបំប្លែងខ្លួនថ្មីនេះជាប្រភេទកូនកាត់នៃពូជ Delta ជាមួយនឹង Omicron ហើយត្រូវបានគេហៅថា “Deltacron” ។

អ្នកវិទ្យាសាស្ត្របាននិយាយថា ក្រុមស្រាវជ្រាវបានពិនិត្យសំណាកចំនួន ២៥ ពីអ្នកជំងឺដែលបានឆ្លង Delta ជាមួយនឹងវីរុសបំប្លែងខ្លួន Omicron ហើយការរកឃើញនេះពិតជាមានសារៈសំខាន់ ។

ទន្ទឹមនោះ លំដាប់នៃករណី Deltacron ទាំង ២៥ ត្រូវបានបញ្ជូនទៅមូលដ្ឋានទិន្នន័យអន្តរជាតិដើម្បីធ្វើការតាមដានការផ្លាស់ប្តូររបស់វីរុស ។

ចំណែករដ្ឋមន្ត្រីសុខាភិបាលស៊ីបលោក Michalis Hadjipantela បានប្រាប់ទីភ្នាក់ងារសារព័ត៌មាន CNA ថា វីរុសកូវីដបំប្លែងខ្លួនថ្មីនេះមិនមែនជាមូលហេតុនៃការព្រួយបារម្ភសម្រាប់អាជ្ញាធរនោះទេ ព្រោះវាគឺជាការរួមបញ្ចូលគ្នានៃវីរុសបំប្លែងខ្លួនចំនួន ២ ដែលមានស្រាប់រួចទៅហើយនៅក្នុងប្រទេស ៕

សូមទស្សនាវីដេអូ!

ប្រែសម្រួលដោយ ៖ ជីវ័ន្ត

ប្រភព ៖ Sputnik

ចុចអាន ៖ ទាំងវ៉ាក់សាំង Sinopharm និង Sinovac សុទ្ធតែការពារការចូលមន្ទីរពេទ្យ និងជំងឺធ្ងន់ធ្ងរពី Omicron