Connect with us

ព័ត៌មានអន្ដរជាតិ

អ៊ីស្រាអែល ចូលឆែកឆេរការិយាល័យ Al Jazeera ក្រោយសម្រេច បិទការផ្សាយ

បានផុស

នៅ

ក្រោយអ៊ីស្រាអែលសម្រេចបិទបញ្ឈប់ការផ្សាយក្នុងស្រុករបស់ទូរទស្សន៍ Al Jazeera ស្រាប់តែអាជ្ញាធរបានឆ្មក់ចូលឆែកឆេរបន្ទប់សណ្ឋាគារមួយក្នុងទីក្រុងហ្ស៊េរុយសាឡិម ដែលសារព័ត៌មានកាតាមួយនេះ ប្រើធ្វើជាការិយាល័យរបស់ខ្លួន។ នេះបើតាមការចុះផ្សាយរបស់ Reuters កាលពីថ្ងៃអាទិត្យទី៥ខែឧសភា។

(រូបថត៖ AFP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើមចមនៃការបិទ Al Jazeera ត្រូវបានអ៊ីស្រាអែលអះអាងថា គឺបណ្តាលមកពីទូរទស្សន៍នេះ ផ្សាយព័ត៌មានដែលគំរាមកំហែងដល់សន្តិសុខជាតិ ហើយគណរដ្ឋមន្ត្រីរបស់លោក Benjamin Netanyahu ប្រកាសថា ដរាបណាសង្គ្រាមនៅហ្គាហ្សា មិនបញ្ចប់ នោះគ្មានថ្ងៃទូរទស្សន៍ Al Jazeera ត្រូវអនុញ្ញាតឲ្យបើកឡើងវិញឡើយ។

តាមការលើកឡើងរបស់អ៊ីស្រាអែល, ពេញមួយសង្គ្រាមជាមួយក្រុមហាម៉ាស បណ្តាញនេះបានរិះគន់ប្រតិបត្តិការយោធារបស់ខ្លួននៅហ្គាហ្សា ហើយលោក Netanyahu បានបង្ហោះសារលើប្រព័ន្ធផ្សព្វផ្សាយសង្គម ក្រោយការបោះឆ្នោតគណៈរដ្ឋមន្ត្រីជាឯកច្ឆ័ន្ទថា Al Jazeera ជាបណ្តាញញុះញង់ ដូច្នេះនឹងត្រូវបិទនៅក្នុងប្រទេសអ៊ីស្រាអែល។

(រូបថត៖ AFP)

សេចក្តីថ្លែងការណ៍របស់រដ្ឋាភិបាលទីក្រុងហ្ស៊េរុយសាឡិមបានឲ្យដឹងថា រដ្ឋមន្ត្រីទំនាក់ទំនងរបស់អ៊ីស្រាអែល បានចុះហត្ថលេខាលើបទបញ្ជាឲ្យធ្វើសកម្មភាពភ្លាម។ វិធានការរួមមានការបិទការិយាល័យរបស់ Al Jazeera ក្នុងប្រទេសអ៊ីស្រាអែល, រឹបអូសឧបករណ៍ផ្សាយ, កាត់ផ្តាច់ប៉ុស្តិ៍ពីក្រុមហ៊ុនខ្សែកាបនិងផ្កាយរណប ព្រមទាំងបិទគេហទំព័រ។

ជាការឆ្លើយតប Al Jazeera និយាយថា ទង្វើនេះគឺជាសកម្មភាពឧក្រិដ្ឋកម្ម ហើយការចោទប្រកាន់ថា បណ្តាញនេះគំរាមកំហែងសន្តិសុខអ៊ីស្រាអែល គឺរឿងការកុហកដ៏គ្រោះថ្នាក់ និងគួរឲ្យអស់សំណើចជាទីបំផុត ដោយធ្វើឲ្យអ្នកកាសែតរបស់ខ្លួនប្រឈមនឹងហានិភ័យ ហើយខ្លួនសូមរក្សាសិទ្ធិក្នុងការចាត់វិធនការផ្លូវច្បាប់ទាំងអស់។

(រូបថត៖ AFP)

ពាក់ព័ន្ធបញ្ហាបិទនេះ ការិយាល័យសិទ្ធិមនុស្សអង្គការសហប្រជាជាតិ ក៏រិះគន់ផងដែរ ដោយបានបង្ហោះសារលើបណ្តាញសង្គម X ថា “យើងសោកស្តាយ ចំពោះសេចក្តីសម្រេចរបស់គណៈរដ្ឋមន្ត្រីក្នុងការបិទ Al Jazeera នៅប្រទេសអ៊ីស្រាអែល។ ប្រព័ន្ធផ្សព្វផ្សាយសេរីនិងឯករាជ្យ ពិតជាមានសារៈសំខាន់ណាស់ ក្នុងការធានានូវតម្លាភាពនិងគណនេយ្យភាព។ ឥឡូវនេះ មានការរឹតត្បិតកាន់តែតឹង លើសេចក្តីរាយការណ៍ពីហ្គាហ្សា។ សេរីភាពនៃការបញ្ចេញមតិគឺជា សិទ្ធិ​មនុស្ស​សំខាន់ យើងសូម​ជំរុញ​ឲ្យ​រដ្ឋាភិបាល​លុប​ចោល​បម្រាមនេះវិញ”។

សូមបញ្ជាក់ថា ប្រទេសកាតាបានបង្កើត Al Jazeera ក្នុងឆ្នាំ១៩៩៦ ហើយចាត់ទុកទូរទស្សន៍នេះ ជាមធ្យោបាយមួយដើម្បីលើកមុខមាត់របស់ខ្លួនលើឆាកអន្តរជាតិ៕

អត្ថបទ៖ សុខ សុវណ្ណ

ចុចអាន៖ សភា អ៊ីស្រាអែល អនុម័តច្បាប់ឲ្យបិទទូរទស្សន៍ Al Jazeera

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

សេចក្ដីជូនដំណឹង៣ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ព័ត៌មានជាតិ៣ ម៉ោង មុន

អ្នកវិភាគ និង​មេ​សហជីព​នៅ​កម្ពុជា​ ៖ សហជីព​ដែល​ប្រព្រឹត្ត​ខុសច្បាប់​ត្រូវតែ​កាត់ទោស​

ព័ត៌មានជាតិ៤ ម៉ោង មុន

លោក​ហេង សួរ និង​នាយិកា​ADB​ប្រចាំ​នៅ​កម្ពុជា​ពិភាក្សា​លើ​វឌ្ឍនភាព​ស្តីពី​ការអភិវឌ្ឍ​ជំនាញ​នៅ​កម្ពុជា

ព័ត៌មានជាតិ៤ ម៉ោង មុន

ស្ដេចប្រដាល់ហ្វីលីពីន សន្យានៅចំពោះមុខសម្ដេចធិបតី ថា នឹងជួយលើកស្ទួយគុនខ្មែរ

សេចក្ដីជូនដំណឹង៥ ម៉ោង មុន

កម្មការិនីរោងចក្រកាត់ដេរម្នាក់នៅស្រុកអង្គស្នួល ខេត្តកណ្តាល ឈ្នះរង្វាន់១២៥លានរៀលពីភេសជ្ជៈប៉ូវកម្លាំង ខារ៉ាបាវ

ព័ត៌មានជាតិ១៦ ម៉ោង មុន

Breaking News! ព្រែកជីកហ្វូណនតេជោ នឹងបើកការដ្ឋានសាងសង់ផ្លូវការនៅ ខែសីហា  

សេចក្ដីជូនដំណឹង៣ ម៉ោង មុន

ក្រុមហ៊ុន ហនុមាន ប៊ែវើរីជីស បោះជំហានឆ្ពោះទៅកាន់វិសាលភាពអន្តរជាតិជាមួយម្ចាស់ជើងឯកប្រដាល់ពិភពលោក ម៉ានី ប៉ាគីអាវ!

ជីវិតកម្សាន្ដ១៨ ម៉ោង មុន

ទេព បូព្រឹក្ស ប្រកាសដាក់បទ«ទេវរាជ» ប្រកួតពានរង្វាន់អន្តរជាតិ និងស្នើឱ្យទស្សនាបទនេះតាម YouTube វិញ

ព័ត៌មានជាតិ៨ ម៉ោង មុន

បង្កើតផ្លូវថ្មីតភ្ជាប់ពីផ្លូវជាតិលេខ១ រហូតដល់គល់ស្ពានព្រែកប្រា-ចាក់អង្រែ

ព័ត៌មានជាតិ១៧ ម៉ោង មុន

បង្ហើប​តម្លៃ​ស្នាក់នៅ​បន្ទប់​សណ្ឋាគារ​ប្រណិត​ឋានសួគ៌​បូកគោ​ នៅ​លើ​កំពូល​ភ្នំ​បូកគោ

Sokha Hotels

ព័ត៌មានពេញនិយម