សុខភាព
ថ្នាំ Molnupiravir មិនមែនចេះតែប្រើៗទេ ប្រយ័ត្នខុសការណែនាំ
កាលពីដើមឆ្នាំថ្មីនេះ គ្រប់គ្នាច្បាស់ជាបានឃើញព័ត៌មានលើបណ្ដាញសង្គមពីចំនួនមនុស្សជាច្រើននាក់នាំគ្នាទៅទិញថ្នាំ Molnupiravir សម្រាប់ប្រើប្រាស់ ចំពេលករណីវិជ្ជមានវីរុសបំប្លែងអូមីក្រុងកំពុងកើនមាន។ ថ្នាំ Molnupiravir អាចទប់ស្កាត់ការចូលសម្រាកព្យាបាលនៅមន្ទីរពេទ្យ កាត់បន្ថយហានិភ័យស្លាប់ និងការពារការបំប្លែងខ្លួនថ្មីរបស់វីរុសកូវីដ-១៩ តែយើងមិនគួរចេះតែប្រើតាមគ្នា មិនបានដឹងពីការណែនាំថាគួរប្រើបែបណា ឬក្រុមមនុស្សណាអាចប្រើបាន ឬអត់នោះទេ។
បើតាមព័ត៌មានសំខាន់នៃការចេញវេជ្ជបញ្ជាប្រើថ្នាំ Molnupiravir របស់ FDA សហរដ្ឋអាមេរិក ឲ្យដឹងថា ថ្នាំនេះអនុញ្ញាតឲ្យប្រើប្រាស់សម្រាប់ព្យាបាលជំងឺកូវីដ-១៩ កម្រិតស្រាលទៅមធ្យមចំពោះមនុស្សពេញវ័យដែល៖
- មានលទ្ធផលវិជ្ជមាននៃវីរុសកូវីដ-១៩
- មានហានិភ័យខ្ពស់ក្នុងការវិវត្តទៅជាករណីធ្ងន់ធ្ងរ រួមទាំងការសម្រាកព្យាបាលនៅមន្ទីរពេទ្យ ឬប្រឈមនឹងស្លាប់
- អ្នកជំងឺដែលមិនអាចទទួលបានជម្រើសនៃការព្យាបាលកូវីដ-១៩ ផ្សេងទៀតដែលអនុញ្ញាតប្រើប្រាស់ដោយ FDA សហរដ្ឋអាមេរិក។
ស្របពេលគ្នានេះដែរ FDA សហរដ្ឋអាមេរិកក៏បានណែនាំបន្ថែមពីការប្រើប្រាស់ថ្នាំ Molnupiravir ថា ថ្នាំនេះមិនត្រូវបានអនុញ្ញាតឲ្យប្រើចំពោះអ្នកជំងឺដែលមានអាយុតិចជាង ១៨ ឆ្នាំទេ។ Molnupiravir មិនត្រូវបានអនុញ្ញាតឲ្យប្រើលើសពី ៥ ថ្ងៃជាប់ៗគ្នាដែរ។
FDA អាមេរិកបន្តថា Molnupiravir ក៏មិនត្រូវបានអនុញ្ញាតឲ្យប្រើការពារមុនឆ្លង ឬក្រោយព្យាបាលជាសះស្បើយពីជំងឺកូវីដ- ១៩ទេ។ ម៉្យាងវិញទៀត ស្ត្រីពពោះ ក៏មិនអាចប្រើថ្នាំនេះសម្រាប់ព្យាបាលកូវីដ-១៩បានដែរ ព្រោះអាចប៉ះពាល់ដល់ការលូតលាស់កូនក្នុងផ្ទៃបាន។
ទោះជាឥឡូវនេះ មានថ្នាំព្យាបាលកូវីដ-១៩ ដែលមានសមត្ថភាពក្នុងការកាត់បន្ថយករណីធ្ងន់ធ្ងរ ឬចូលសម្រាកក្នុងមន្ទីរពេទ្យ យើងគ្រប់គ្នាគួរតែចាក់វ៉ាក់សាំងកូវីដ -១៩ និងបន្តអនុវត្តវិធាការសុខាភិបាលតាមការណែនាំពីក្រសួងសុខាភិបាល៕
ចុចអាន៖ស្ត្រីពពោះអាចប្រើថ្នាំ Molnupiravir ព្យាបាលកូវីដ បានឬអត់?
-
កីឡា១ សប្តាហ៍ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៦ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ២ ថ្ងៃ ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានអន្ដរជាតិ៦ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានជាតិ៧ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ១ សប្តាហ៍ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានជាតិ៥ ថ្ងៃ ago
សម្តេច ហ៊ុន សែន ៖ ហេតុអ្វីបានជាមកដល់ពេលនេះហើយមានមន្ត្រីយើងប្រព្រឹត្តបែបនេះ ដោយពាក់ស្បែកជើងចូលក្នុងព្រះវិហារ?
-
កីឡា២ ថ្ងៃ ago
ជើងឯកម៉ុងហ្គោលី Erdene អរគុណបុរសធ្លាប់ដឹកដៃ ឈឿង ល្វៃ ធ្វើឲ្យក្តីស្រមៃក្លាយជាការពិត