Connect with us

ព័ត៌មានអន្ដរជាតិ

យុវជន​​ជប៉ុន​​ប្តឹង​​​​ម្ចាស់​​រោង​​ចក្រ​​នុយក្លេអ៊ែរ Fukushima​ ព្រោះ​​កើត​​មហារីក​

បានផុស

នៅ

យុវជន​៦​នាក់​បាន​ដាក់​ពាក្យ​ប្តឹង​ក្រុម​ហ៊ុន​រោង​ចក្រ​​ថាមពល​នុយក្លេអ៊ែរ Fukushima បន្ទាប់​ពី​កើត​​ជំងឺ​មហា​រីកក្នុង​រយៈ​ពេល​ប៉ុន្មាន​ឆ្នាំ​នេះ ក្រោយ​ពេលគ្រោះ​មហន្តរាយ​នុយក្លេអ៊ែរ​កាល​ពី​ឆ្នាំ​២០១១។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដើម​បណ្តឹង​ដែល​មាន​អាយុ​ចន្លោះ​ពី​៦​ទៅ​១៦​ឆ្នាំនៅ​ពេល​​កើត​មាន​គ្រោះ​មហន្តរាយ​បាន​និយាយ​ថា ពួក​គេកើត​មាន​ជំងឺ​មហា​រីក​ពី​ការ​ប៉ះ​ពាល់​វិទ្យុ​សកម្ម។

មេ​ធាវី​របស់​ពួក​គេ​បាន​និយាយ​ថា ពួកគេទាំងអស់បានទទួលការវះកាត់ដើម្បីដកផ្នែក ឬក្រពេញទីរ៉ូអ៊ីតចេញ។ ទោះ​បី​ជាយ៉ាង​ណា ពួក​គេ​ប្រហែល​ជាលំបាក​ក្នុង​ការ​បញ្ជាក់​ថា វិទ្យុ​សកម្ម​​ជា​​ដើម​ហេតុ​​​បណ្តាល​ឲ្យ​កើត​មាន​ជំងឺ​មហា​រីក។

ពាក្យ​បណ្តឹង​របស់​ពួក​គេ​បាន​ទាម​ទារ​ប្រាក់​សំណង​ជំងឺ​ចិត្ត​ចំនួន ៥.៤​លាន​ដុល្លារ​អាមេរិក​ពី​ក្រុម​ហ៊ុន Tokyo Electric Power Company (Tepco) ដែល​ជា​ប្រតិបត្តិករ​រោង​ចក្រ​នុយក្លេអ៊ែរ។

អ្នក​នាំ​ពាក្យ Tepco បាន​និយាយ​ថា ក្រុម​ហ៊ុន​ដឹង​ពី​ករណី​​​បណ្តឹង ហើយ​នឹង​ដោះ​ស្រាយ​នៅ​ពេល​ពួក​គេ​បាន​ឃើញ​ព័ត៌មាន​លំអិត​ពី​ពាក្យ​បណ្តឹង។

គ្រោះ​មហន្ត​រាយ​នុយក្លេអ៊ែរ​ Fukushima បាន​កើត​ឡើង​កាល​ពី​ថ្ងៃ​ទី​១១ ខែ​មីនា ឆ្នាំ​២០១១ នៅ​ពេល​មាន​​​គ្រោះ​រញ្ជួយ​ដី​ដ៏​អាក្រក់​​បាន​វាយ​ប្រហារ​ភាគ​ខាង​​ជើង​​ផ្នែក​ខាង​លិច​ប្រទេស​ជប៉ុន​ដែល​បង្ក​ឲ្យ​កើត​មាន​ព្យុះ ស៊ូណាមិ បណ្តាល​​ឲ្យ​រលាយ​នុយក្លេអ៊ែរ។

វា​ជាគ្រោះ​ថ្នាក់​ថាមពល​នុយក្លេអ៊ែរ​ដ៏​អាក្រក់​បំផុត​គិត​ចាប់​តាំង​ពី​គ្រោះ​មហន្តរាយ Chernobyl នៅ​ឆ្នាំ​១៩៨៦​នៅ​ប្រទេស​អ៊ុយក្រែន ​ប៉ុន្តែត្រូវបានគេចាត់ទុកថា មិនសូវមានការខូចខាតដល់ប្រជាជន​ក្នុង​តំបន់ខ្លាំង​ទេ​ ដោយ​សារ​បរិមាណអ៊ីយ៉ូតវិទ្យុសកម្មទាបបំផុតត្រូវបានបញ្ចេញ។

ទោះ​បី​ជា​យ៉ាង​ណា ឥទ្ធិពល​រយៈ​ពេល​នៃ​វិទ្យុ​សកម្ម​នៅ​តែ​ជា​បញ្ហា​នៃ​ការ​ពិភាក្សា។ ក្រុម​អ្នក​ជំនាញ​អង្គការ​សហ​ប្រជា​ជាតិ​មួយ​បាន​សន្និដ្ឋាន​កាល​ពី​ឆ្នាំ​មុន​ថា គ្រោះ​មហន្តរាយ​មិនបាន​នាំ​ឲ្យ​ប៉ះ​ពាល់​ដល់​សុខភាព​ប្រជា​ជន​ដោយ​ផ្ទាល់​នោះ​ទេ។ របាយការណ៍​អង្គការ​សុខភាព​ពិភព​លោក​កាល​ពី​ឆ្នាំ​២០១៣​​បាន​និយាយ​ថា គ្រោះ​មហន្តរាយ​​នឹង​មិន​បណ្តាល​ឲ្យ​មាន​ការ​កើន​ឡើង​ជំងឺ​មហា​រីក​នៅ​ក្នុង​តំបន់​នោះ​ទេ៕

ប្រែ​សម្រួល៖ វីរបុត្រ
ប្រភព៖ BBC

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម