ព័ត៌មានអន្ដរជាតិ

ព្រឹទ្ធសភាអាមេរិកប្រហែលអនុម័តទណ្ឌកម្មលើរុស្ស៊ីសប្តាហ៍នេះ

បានផុស

៤ years មុន

នៅ

ថ្ងៃចន្ទ ៣១ មករា ២០២២

ដោយ

ព្រឹទ្ធសភាអាមេរិកកាន់តែខិតជិតដល់ការអនុម័យច្បាប់ដើម្បីដាក់ទណ្ឌកម្មលើប្រទេសរុស្ស៊ីហើយជុំវិញភាពតានតឹងជាមួយអ៊ុយក្រែន ក្នុងនោះមានទាំងវិធានការដែលប្រហែលជាមានប្រសិទ្ធភាព មុនពេលសកម្មភាពផ្ទុះអាវុធណាមួយកើតមានឡើងទៀតផង។ នេះបើយោងតាមសមាជិកព្រឹទ្ធសភាឈានមុខពីរនាក់បាននិយាយកាលពីថ្ងៃអាទិត្យ។

សមាជិកសភា លោក Bob Menendez មកពីគណបក្សប្រជាធិបតេយ្យជាប្រធានគណកម្មាធិការទំនាក់ទំនងអន្តរជាតិ និងលោក James Risch សមាជិកព្រឹទ្ធសភាកំពូលរបស់គណបក្សសាធារណៈសង្ឃឹមថា សេចក្តីសម្រេចអាចធ្វើឡើងនាសប្តាហ៍នេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Menendez បាននិយាយថា ៖«ខ្ញុំអាចចាត់ទុកថា រឿងនេះយើងស្ថិតនៅលើបន្ទាត់តែមួយ»។ ការប្រើភាសារបស់លោកនេះគឺប្រៀបទៅនឹងការលេងបាល់ទាត់ដល់ប្រអប់ទីដែលជិតរកគ្រាប់បាល់បាន។

លោកបានឲ្យដឹងថា មានការតាំងចិត្តទ្វេភាគីខ្លាំងណាស់ដើម្បីជួយគាំទ្រអ៊ុយក្រែន និងដាក់ទណ្ឌកម្មលើប្រទេសរុស្ស៊ី ប្រសិនបើប្រទេសរុស្ស៊ីធ្វើសកម្មភាពយោធាលើអ៊ុយក្រែន។ ពេលសួរថាតើកិច្ចព្រមព្រៀងអាចនឹងកើតមាននៅសប្តាហ៍នេះ? លោកឆ្លើយថា ៖«ខ្ញុំជឿថា យើងនឹងទៅដល់ទីនោះ»។

ជំនួយការព្រឹទ្ធសភា បានឲ្យដឹងថា មន្ត្រីជាន់ខ្ពស់របស់រដ្ឋបាលប្រធានាធិបតី ចូ បៃដិន នឹងធ្វើសន្និសីទសង្ខេបមួយសម្រាប់សមាជិកព្រឹទ្ធសភាអាមេរិកទាំងអស់នាថ្ងៃព្រហស្បតិ៍។ មេដឹកនាំសភាបានស្នើឲ្យធ្វើសន្និសីទពីស្ថានភាព។

រុស្ស៊ី បានកំពុងបង្កើនកម្លាំងទ័ពនៅព្រំដែនជាប់អ៊ុយក្រែនរយៈពេលប៉ុន្មានខែមកហើយ និងបានទាមទារឲ្យអង្គការណាតូដកកម្លាំងទ័ព និងគ្រឿងសព្វាវុធចេញពីតំបន់អឺរ៉ុបខាងកើត និងហាមអ៊ុយក្រែនចូលជាសមាជិកសម្ព័ន្ធភាពយោធាណាតូដែលដឹកនាំដោយអាមេរិក។

ប្រធានាធិបតីអ៊ុយក្រែន លោក Volodymyr Zelenskiy គាំទ្រចំពោះចំណាត់ការភ្លាមៗ និងបានរិះគន់ចំពោះប្រទេសលោកខាងលិចចំពោះការរង់ចាំដាក់ទណ្ឌកម្មដ៏អាក្រក់បន្ថែមទៀត។

ច្បាប់ព្រឹទ្ធសភានឹងដាក់គោលដៅសំខាន់លើធនាគាររុស្ស៊ី និងបំណុលរបស់រុស្ស៊ី ព្រមទាំងបន្ថែមជំនួយយោធាអាមេរិកទៅអ៊ុយក្រែន។ ទណ្ឌកម្មខ្លះអាចមានប្រសិទ្ធភាពមុនពេលសកម្មភាពយោធាណាមួយរបស់រុស្ស៊ីបានកើតឡើងថែមទៀត៕

ប្រែសម្រួល៖ វីរបុត្រ
ប្រភព៖ reuters