ព័ត៌មានអន្ដរជាតិ

Pacquiao នឹងកម្ចាត់គ្រឿងញឿនដោយវិធីត្រឹមត្រូវ បើជាប់ឆ្នោតប្រធានាធិបតី

បានផុស

៤ years មុន

នៅ

ថ្ងៃពុធ ១៦ កុម្ភៈ ២០២២

ដោយ

វីរបុរសប្រដាល់សកលហ្វីលីពីន និងជាបេក្ខភាពប្រធានាធិបតី Manny Pacquiao បានឲ្យដឹងថា លោកស្វាគមន៍សម្រាប់ការស៊ើបអង្កេតអន្តរជាតិលើសង្គ្រាមគ្រឿងញៀនហូរឈាមរបស់លោកប្រធានាធិបតី Rodrigo Duterte ប្រសិនបើលោកឈ្នះឆ្នោត និងបានសន្យាប្រយុទ្ធនឹងគ្រឿងញៀនដោយវិធីត្រឹមត្រូវ ប៉ុន្តែមិនមែនជាការបាញ់សម្លាប់តាមផ្លូវនោះទេ។

ការលើកឡើង ក្នុងសប្តាហ៍នេះជាមួយអ្នកកាសែតបរទេស លោក Pacquiao អតីតជើងឯកប្រដាល់សកលពិភពលោកច្រើនប្រភេទទម្ងន់ និងធ្លាប់ជាសម្ព័ន្ធមិត្តជិតស្និទ្ធជាមួយលោកប្រធានាធិបតីបានលើកឡើងថា លោកនឹងបើកចំហដើម្បីចូលរួមនៅតុលាការឧក្រិដ្ឋកម្មអន្តរជាតិវិញ (ICC) ដែលលោក Duterte បានដកហ្វីលីពីនជាឯកតោភាគីពីឆ្នាំ២០១៨។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទោះបីជាយ៉ាងណា ជើងខ្លាំងលើសង្វៀនរហស្សនាម Pacman នៅក្នុងការស្ទង់មតិកំពុងតាមពីក្រោយ៥០%នៃបេក្ខភាពលេចធ្លោម្នាក់គឺលោក Ferdinand Marcos Jr មុនពេលការបោះឆ្នោតជ្រើសរើសប្រធានាធិបតីចូលមកដល់នាខែឧសភាខាងមុខ។

អាណត្តិប្រធានាធិបតីរបស់លោក Duterte ត្រូវបានល្បីល្បាញដោយសង្គ្រាមគ្រឿងញៀនដែលបានសម្លាប់ឈ្មួញគ្រឿងរាប់ពាន់នាក់។

ក្រុមសិទ្ធិមនុស្ស និងអ្នករិះគន់បាននិយាយថា អ្នកអនុវត្តច្បាប់បានប្រហារជីវិតជនសង្ស័យគ្រឿងញៀនដោយមិនបានស៊ើបអង្កេត និងចាត់នីតិវិធីត្រឹមត្រូវទេ ប៉ុន្តែប៉ូលិសបាននិយាយថា អ្នកដែលត្រូវបានសម្លាប់ទាំងនោះមានអាវុធ និងបំពានដិកាចាប់ខ្លួន។

លោក Pacquiao អាយុ៤៣ឆ្នាំបានព្យាយាមផ្តាច់ខ្លួនចេញពីលោក Duterte បាននិយាយថា លោកនឹងបន្តសង្គ្រាមប្រឆាំងគ្រឿងញៀនខុសច្បាប់តាមវិធីត្រឹមត្រូវ ដែលជនសង្ស័យត្រូវតែកាត់ទោសដោយយុត្តិធម៌ និងមាននីតិសម្បទា។

កាលពីថ្ងៃចន្ទ ទី១៤ ខែកុម្ភៈនេះលោកមានប្រសាសន៍ថា ៖«នៅពេលខ្ញុំនិយាយពីវិធីត្រឹមត្រូវ គឺមានន័យថា យើងនឹងមិនសម្លាប់ពួកគេតាមផ្លូវនោះទេ។ ពួកគេមានសិទ្ធិការពារខ្លួននៅតុលាការ»។

«ខ្ញុំជឿថា មានការសម្លាប់ក្រៅប្រព័ន្ធតុលាការ»។ Pacquiao បាននិយាយពីការបង្ក្រាប និងបន្តថា «យើងគួរផ្តល់យុត្តិធម៌ដល់អ្នកដែលត្រូវបានរំលោភបំពាន»៕

ប្រែសម្រួល៖ វីរបុត្រ
ប្រភព៖ Reuters

Related Topics:Manny Pacquiao