Connect with us

ព័ត៌មានអន្ដរជាតិ

បទឈប់បាញ់ចាប់ផ្តើមមិនដល់៣០នាទីផង ស្រាប់តែរុស្ស៊ីបាញ់សន្ធាប់ ហើយមានការផ្ទុះអគារ កប់មនុស្ស២០០នាក់ទៀត

បានផុស

នៅ

អភិបាលរងក្រុង Mariupol លោក Sergei Orlov បានប្រាប់កម្មវិធី PM របស់វិទ្យុ BBC Radio 4 កាលពីយប់ថ្ងៃសៅរ៍ទី០៥ខែមីនាថា បទឈប់បាញ់ដែលបានព្រមព្រៀងគ្នារវាងរុស្ស៊ីនិងអ៊ុយក្រែន ដើម្បីជម្លៀសជនស៊ីវិលចេញពីទីក្រុងនេះ គឺមានអាយុកាលមិនដល់៣០នាទីផង។

This image has an empty alt attribute; its file name is b8ead459-3f52-4ad1-9aab-7b6dddde2a5e.jpg

ការផ្អាកបាញ់រយៈពេលប្រាំម៉ោងដែលត្រួតពិនិត្យដោយកាកបាទក្រហម គឺត្រូវបានអនុវត្ត ដើម្បីអនុញ្ញាតឲ្យជនស៊ីវិលចាកចេញពីទីក្រុង Mariupol និង Volnovakha ដែលជាទីក្រុងតូចនៅភាគខាងជើងប្រទេសអ៊ុយក្រែន។

ទោះបីជាយ៉ាងណាក៏ដោយ លោក Orlov និយាយថា មិនយូរប៉ុន្មានបន្ទាប់ពីបទឈប់បាញ់ចាប់ផ្តើម ទីក្រុងរបស់គាត់បានស្ថិតនៅក្រោមការបាញ់ផ្លោងយ៉ាងសន្ធាប់ ហើយសាលារៀន សាលាមត្តេយ្យ និងឡានក្រុងដែលត្រូវបានប្រើដើម្បីជម្លៀសជនស៊ីវិល គឺត្រូវរងការវាយប្រហារ។

This image has an empty alt attribute; its file name is 6886b999-1c16-4205-894d-9f87e5da7ea6.jpg

ស្របពេលជាមួយគ្នានោះ លោក Orlov បានចោទប្រកាន់កងកម្លាំងរុស្ស៊ីពីបទ “អំពើប្រល័យពូជសាសន៍”។ លោកក៏​បាន​អំពាវនាវ​សុំ​ជំនួយ​យោធា​បន្ថែម​ទៀត រួម​ទាំង​តំបន់​គ្មាន​ការ​ហោះហើរផងដែរ។

ទោះបីជាយ៉ាងណាក៏ដោយ រុស្ស៊ីមិនបានធ្វើអត្ថាធិប្បាយលើការបាញ់ផ្លោងជាថ្មីនេះទេ។

មានរបាយការណ៍ថា ការបំផ្ទុះអគារមួយបានកើតឡើង ខណៈជនស៊ីវិលកំពុងត្រូវបានជម្លៀសចេញពីទីក្រុង Mariupol ស្របនឹងកិច្ចព្រមព្រៀងបទឈប់បាញ់ ចាប់ផ្ដើមអនុវត្ត។

This image has an empty alt attribute; its file name is 55a0926b-aaa4-464d-8ce3-3b27523d5d40.jpg

ក្រុមសកម្មប្រយុទ្ធ អ៊ុយក្រែន មកពីកងវរសេនាតូច “Azov” បានទម្លាក់គ្រាប់បែក បណ្តាលឲ្យអគារនៅមហាវិថី Meotida ក្នុងទីក្រុង Mariupol ដួលរលំ បណ្តាលឲ្យមនុស្សរហូតដល់ ២០០នាក់ រួមទាំងកុមារដែលកំពុងលាក់ខ្លួននៅក្នុងបន្ទប់ក្រោមដីផងដែរ ត្រូវកប់នៅក្រោមគំនរបាក់បែក៕

This image has an empty alt attribute; its file name is d9d7120d-613f-4c20-8047-52d93fdf6c3a.jpg

ប្រែសម្រួល៖ Vann Vann

ប្រភព៖ BBC, Sputnik

ចុចអាន៖ លោក ពូទីន ថា ទណ្ឌកម្មរបស់លោកខាងលិច ស្មើនឹង ការប្រកាសសង្គ្រាម

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម