លោក ពូទីន ថា ទណ្ឌកម្មរបស់លោកខាងលិច ស្មើនឹង ការប្រកាសសង្គ្រាម (មានវីដេអូ)

លោក វ្ល៉ាឌីមៀរ ពូទីន បានហៅការដាក់ទណ្ឌកម្មរបស់ប្រទេសលោកខាងលិចលើរុស្ស៊ីថា ស្មើនឹងការប្រកាសសង្រ្គាម។ លោកទទូចថា ការលុកលុយរបស់លោកលើអ៊ុយក្រែន គឺត្រូវបានជំរុញដោយតម្រូវការដើម្បីការពារប្រជាជនរុស្ស៊ីនៅក្នុងប្រទេសនេះ។

ក្នុងការអត្ថាធិប្បាយផ្សាយតាមទូរទស្សន៍រដ្ឋ ប្រធានាធិបតីរុស្ស៊ីរូបនេះបាននិយាយថា ទីក្រុងមូស្គូ ចង់ឲ្យប្រទេសអ៊ុយក្រែនគ្មានយោធា, លុបបំបាត់ឥទ្ធិពល Nazi និងមានឋានៈអព្យាក្រឹត។

លោក​លើកឡើង​ថា “ទណ្ឌកម្ម​ទាំង​នេះ គឺជា​វិធីសាស្ត្រ​ក្នុង​ការ​ប្រយុទ្ធ​ប្រឆាំង​នឹង​រុស្ស៊ី។ ការដាក់ទណ្ឌកម្មដែលអ្នកអាចមើលឃើញ គឺស្មើនឹងការប្រកាសសង្រ្គាម ប៉ុន្តែអរគុណដែលវាមិនបានឈានដល់សង្រ្គាមពិតប្រាកដ ប៉ុន្តែយើងដឹងថា ការគំរាមកំហែងទាំងនេះចង់មានន័យយ៉ាងម៉េច”។

អ្វី​គ្រប់​យ៉ាងដំណើរការទៅតាម​ផែនការ​នៅ​ក្នុង​ប្រទេស​អ៊ុយក្រែន ហើយ​​កងទ័ព​រុស្ស៊ី​នឹងបំពេញ​គោលបំណង​របស់​ខ្លួន។

លោកពូទីនក៏បាននិយាយផងដែរថា លោកមិនមានផែនការដាក់ច្បាប់អាជ្ញាសឹក ឬប្រកាសដាក់ច្បាប់ក្នុងគ្រាអាសន្ននៅប្រទេសរុស្ស៊ីទេ ព្រោះបច្ចុប្បន្នគឺមិនចាំបាច់៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ Sky

ចុចអាន៖ សាធារណរដ្ឋឆែក ត្រៀមបញ្ជូនកាំភ្លើងយន្ត រាប់រយដើម ទៅជួយ អ៊ុយក្រែន