មកដឹងលក្ខណៈពិសេសរបស់ ប្រអប់ខ្មៅ ដែលបំពាក់ក្នុងយន្តហោះ

បន្ទាប់ពីមានហេតុការណ៍ធ្លាក់យន្តហោះជាបន្តបន្ទាប់ ក៏ដូចជាការធ្លាក់យន្តហោះ Boeing 737 ដែលដឹងអ្នកដំណើរ ១៣៣ នាក់នាពេលថ្មីៗនេះរបស់ក្រុមហ៊ុនអាកាសចរណ៍ China Eastern  Airlines របស់ចិនធ្វើឲ្យពិភពលោកភ្ញាក់ផ្អើលជាថ្មី ។

រហូតមកដល់ពេលនេះគ្មានអ្នកណាម្នាក់នៅលើយន្តហោះរស់រានមានជីវិតឡើយ ហើយឧបករណ៍កត់ត្រាការហោះហើរក៏ត្រូវបានរកឃើញផងដែរ ។

ឧបករណ៍កត់ត្រាការហោះហើរដែលគេស្គាល់ថា “ប្រអប់ខ្មៅ” គឺជាប្រអប់ថតសម្លេងមួយដែលមានតួនាទីសំខាន់ នៅពេលមានហេតុការណ៍យន្ដហោះធ្លាក់ ។

ប្រអប់ខ្មៅនេះមាននាទីចាប់យកព័ត៌មាននានា រួមទាំងថតសំឡេង ដំណើរការយន្តហោះ ទិន្នន័យអ្នកបើកបរ និងសំឡេងកាប៊ីននៅក្នុងយន្ដហោះដែលជាជំនួយដល់អ្នកអង្កេត នៅពេលដែលមានករណីធ្លាក់យន្ដហោះ ។

ទន្ទឹមនោះ ប្រអប់ខ្មៅធ្វើឡើងពីអាលុយមីញ៉ូមដែលមានកម្រាស់ប្រមាណ ២.៥៤ សង់ទីម៉ែត្រ ហើយវាធន់នឹងការប៉ះទង្គិចដោយអាចទ្រាំទ្រទៅនឹងល្បឿនធ្លាក់ចុះដល់ទៅ ៣,៤០០ ដងនៃទំនាញផែនដី ។

មិនតែប៉ុណ្ណោះ វាអាចទ្រាំទ្រនៅសីតុណ្ហភាពប្រមាណ ១,០០០ អង្សាសេរយៈពេល ១ ម៉ោង និងអាចស្ថិតក្នុងទឹកប្រៃជម្រៅ ៦ គីឡូម៉ែត្ររយៈពេល ៣០ ថ្ងៃផងដែរ ៕

ប្រែសម្រួលដោយ ៖ ជីវ័ន្ត

ប្រភព ៖ Wikipedia

ចុចអាន ៖ រកឃើញប្រអប់ខ្មៅ ពីយន្តហោះចិន ដែលធ្លាក់