រកឃើញប្រអប់ខ្មៅ ពីយន្តហោះចិន ដែលធ្លាក់

យោងតាមទីភ្នាក់ងារសារព័ត៌មានរដ្ឋចិន Xinhua បានឲ្យដឹងថា ក្រុមអ្នកស៊ើបអង្កេតអាកាសចរណ៍ចិន បានរកឃើញប្រអប់ខ្មៅមួយ ពីយន្តហោះរបស់ក្រុមហ៊ុនអាកាសចរណ៍ China Eastern ដែលបានធ្លាក់នៅភាគខាងត្បូងប្រទេសចិន កាលពីថ្ងៃចន្ទទី២១ខែមីនា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ប្រអប់ខ្មៅ ដែលកត់ត្រាទិន្នន័យជើងហោះហើរសំខាន់ៗ អាចផ្តល់តម្រុយអំពីមូលហេតុដែលយន្តហោះ Boeing 737-800 ធ្លាក់បុកភ្នំក្បែរទីក្រុង Wuzhou ក្នុងតំបន់ស្វយ័ត Guangxi Zhuang។

ប្រអប់ខ្មៅនេះ ចាប់យកព័ត៌មាននានារួមទាំងដំណើរការយន្តហោះ ទិន្នន័យអ្នកបើកបរ និងសំឡេងកាប៊ីនផងដែរ។

នាយកសុវត្ថិភាពអាកាសចរណ៍ នៃរដ្ឋបាលអាកាសចរណ៍ស៊ីវិលចិន លោក Zhu Tao បាននិយាយកាលពីថ្ងៃអង្គារទី២២ខែមីនាថា “យន្តហោះនេះ ត្រូវរងការខូចខាតយ៉ាងធ្ងន់ធ្ងរ ធ្វើឲ្យការស៊ើបអង្កេតមានការលំបាកយ៉ាងខ្លាំង”។

“ការស៊ើបអង្កេតទើបតែចាប់ផ្តើមទេ ហើយវានៅតែមិនទាន់អាចកំណត់ច្បាស់ពីមូលហេតុនៃគ្រោះថ្នាក់នេះ”៕

ប្រែសម្រួល៖ Vann Vann

ប្រភព៖ SCMP

ចុចអាន៖ មិនមានអ្នកនៅរស់ទេ ក្នុងហេតុការណ៍ធ្លាក់យន្តហោះនៅ ចិន