ដឹងគោលដៅពិតរបស់ រុស្ស៊ី ហើយ ពិតជាមានមហិច្ឆតាខ្ពស់ណាស់ (មានវីដេអូ)

យោងតាមសារព័ត៌មាន TASS, អនុប្រធានក្រុមប្រឹក្សាសន្តិសុខនៃសហព័ន្ធរុស្ស៊ី លោក Dmitry Medvedev ដែលជាជំនិតរបស់លោក វ្ល៉ាឌីមៀរ ពូទីន និងជាអតីតប្រធានាធិបតីរុស្ស៊ី បាននិយាយកាលពី​ថ្ងៃអង្គារទី​៥ ខែ​មេសាថា គោលដៅរបស់រុស្សី គឺបង្កើតទ្វីបអឺរ៉ាស៊ីបើកចំហ ពីទីក្រុង Lisbon ទៅដល់ Vladivostok ហើយ “លទ្ធិអ៊ុយក្រែននិយម” គឺជាលទ្ធិក្លែងក្លាយដែលមិនមាននោះទេ។

អឺរ៉ាស៊ី គឺជាការដាក់រួមបញ្ចូលគ្នារវាងទ្វីបអ៊ីរ៉ុប និង ទ្វីបអាស៊ី។ អឺរ៉ាស៊ី លាតសន្ធឹងពីភាគខាងលិច ទៅភាគខាងកើត ពី​មហា​សមុទ្រ អាត្លង់ទិច ទៅ មហាសមុទ្រ បាស៊ីហ្វិក។

ដូច្នេះ បើយោងតាមលោក Medvedev, គោលដៅដ៏សំខាន់បំផុតនៃអ្វីដែលគេហៅថា “ប្រតិបត្តិការពិសេស” នៅអ៊ុយក្រែនគឺ ត្រូវផ្លាស់ប្តូរការបង្ហូរឈាម និងមនសិការមិនពិត ក្នុងចំណោមជនជាតិអ៊ុយក្រែននាពេលបច្ចុប្បន្ននេះ។

លោក​បាន​កត់​សម្គាល់​ថា នេះ​គឺ​ត្រូវ​បាន​ធ្វើ​ឡើង​ដើម្បី​ជា​ប្រយោជន៍​ដល់​សន្តិភាព​របស់​ជន​ជាតិ​អ៊ុយក្រែន ​ជំនាន់​ក្រោយ​ៗ។

លោក Medvedev បាននិយាយថា “គោលដៅគឺដើម្បីសន្តិភាពរបស់ប្រជាជនអ៊ុយក្រែនជំនាន់ក្រោយ និងជាឱកាសដើម្បីកសាងទ្វីបអឺរ៉ាស៊ីដោយបើកចំហ ពីទីក្រុង Lisbon ទៅ Vladivostok”។

ក្នុងពេលជាមួយគ្នានេះ លោកបានទទួលស្គាល់ថា កាតព្វកិច្ចនៃការគ្មានយោធា និងការលុបបំបាត់លទ្ធិណាស៊ីនិយមនៅអ៊ុយក្រែន ដែលកំណត់ដោយប្រធានាធិបតីរុស្ស៊ី លោក Vladimir Putin គឺស្មុគស្មាញ ហើយមិនអាចធ្វើបានភ្លាមៗឡើយ។

បញ្ហាទាំងនេះ នឹងត្រូវបានដោះស្រាយ មិនត្រឹមតែនៅលើសមរភូមិប៉ុណ្ណោះទេ៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ SKY

ចុចអាន៖ នាយករដ្ឋមន្ត្រីប៉ូឡូញស្តីឲ្យលោក Macron ជុំវិញការពិភាក្សាជាមួយ Putin ថា “គ្មាននរណាទៅចរចាជាមួយ ហ៊ីត្លែរ ឬ ប៉ុល ពត ទេ”