ព័ត៌មានអន្ដរជាតិ
អតីតនាយករដ្ឋមន្ត្រីស្រីលង្កា ភៀសខ្លួនទៅមូលដ្ឋានទ័ពជើងទឹក ខណៈអ្នកនយោបាយ រត់ចេញពីប្រទេស
រដ្ឋមន្ត្រីការពារជាតិស្រីលង្កា លោក Kamal Gunaratne បានប្រាប់ប្រព័ន្ធផ្សព្វផ្សាយកាលពីថ្ងៃពុធទី១១ខែឧសភាថា អតីតនាយករដ្ឋមន្ត្រី Mahinda Rajapaksa បានជិះយន្តហោះទៅកាន់មូលដ្ឋានទ័ពជើងទឹក Trincomalee សម្រាប់ហេតុផលសន្តិសុខ។
រដ្ឋមន្ត្រីការពារជាតិស្រីលង្កានិយាយថា អតីតនាយករដ្ឋមន្ត្រីរូបនេះ នឹងត្រូវនាំទៅកាន់ទីតាំងដែលគាត់ចង់នៅ ពេលដែលស្ថានការណ៍ក្នុងប្រទេសវិលមករកភាពប្រក្រតីឡើងវិញ។
លោក Gunaratne បន្តថា យោធានឹងផ្តល់សន្តិសុខដល់លោក Rajapaksa គ្រប់ពេលដែលត្រូវការ ព្រោះក្នុងនាមជាអតីតប្រធានាធិបតី គាត់មានសិទ្ធិទទួលបានការពារសន្តិសុខអស់មួយជីវិត។
លោក Rajapaksa បានបម្រើការជាប្រធានាធិបតីស្រីលង្កាចាប់ពីឆ្នាំ ២០០៥ ដល់ ២០១៥ ហើយបានស្បថចូលកាន់តំណែងជានាយករដ្ឋមន្ត្រីនៅឆ្នាំ ២០១៩។ លោកបានលាលែងពីតំណែងកាលពីថ្ងៃចន្ទ ដោយសារការតវ៉ាបានប្រែក្លាយទៅជាអំពើហិង្សានៅក្នុងប្រទេស។
ឧប្បត្តិហេតុហិង្សាជាច្រើន បានកើតឡើងនៅក្នុងប្រទេស បន្ទាប់ពីក្រុមគាំទ្ររដ្ឋាភិបាលបានប៉ះទង្គិចជាមួយក្រុមបាតុករប្រឆាំងរដ្ឋាភិបាលកាលពីថ្ងៃចន្ទ ដែលបណ្តាលឲ្យមនុស្សចំនួន ៨ នាក់ស្លាប់ និងជាង ២០០ នាក់ផ្សេងទៀតរងរបួស។
បម្រាមគោចរត្រូវបានដាក់នៅថ្ងៃចន្ទ ហើយបានពង្រីកជាច្រើនដងរហូតដល់ព្រឹកថ្ងៃព្រហស្បតិ៍។
កាលពីព្រឹកថ្ងៃអង្គារ ប្រព័ន្ធផ្សព្វផ្សាយស្រីលង្ការាយការណ៍ថា អ្នកនយោបាយមួយចំនួនបានភៀសខ្លួនចេញពីកោះនេះ ទៅក្រៅប្រទេស ខណៈការតវ៉ាប្រឆាំងរដ្ឋាភិបាលក្នុងប្រទេស នៅតែបន្តឡើងកម្តៅ៕
ប្រែសម្រួល៖ Vann Vann
ប្រភព៖ ANI
ចុចអាន៖ ស្ថានការណ៍កាន់តែវឹកវរ! បាតុករដុតកម្ទេច ផ្ទះមេដឹកនាំ ស្រីលង្កា
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ