អនុប្រធានាធិបតីអាមេរិក Mike Pence ចាក់វ៉ាក់សាំងផ្សាយផ្ទាល់តាមទូរទស្សន៍

អនុប្រធានាធិបតីសហរដ្ឋអាមេរិកលោក Mike Pence បានចាក់វ៉ាក់សាំងការពារជំងឺកូវីដ១៩ផ្សាយផ្ទាល់តាមទូរទស្សន៍ហើយប្រាប់ទស្សនិកជននិងវេជ្ជបណ្ឌិតថា “ខ្ញុំមានអារម្មណ៍ធម្មតា”។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

សេតវិមានបាននិយាយថា គោលបំណងនៃសកម្មភាពនេះគឺដើម្បីជួយផ្សព្វផ្សាយអំពីសុវត្ថិភាពនិងប្រសិទ្ធភាពនៃវ៉ាក់សាំងនិងកសាងទំនុកចិត្តក្នុងចំណោមប្រជាជនអាមេរិក។

ភរិយារបស់លោក Pence និងលោកឧត្តមសេនីយ៍ Jerome Adams ក៏ទទួលបានការចាក់វ៉ាក់សាំងនៅឯសេតវិមានផ្សាយតាមទូរទស្សន៍ផងដែរ។

កាលពីថ្ងៃចន្ទ សហរដ្ឋអាមេរិកបានចាប់ផ្តើមការចាក់វ៉ាក់សាំងរបស់ក្រុមហ៊ុន Pfizer / BioNTech។

ក្នុងនាមជាវ៉ាក់សាំងដំបូងបង្អស់ដែលត្រូវបានអនុម័តនៅសហរដ្ឋអាមេរិក វាបានផ្តល់ការការពាររហូតដល់៩៥ភាគរយប្រឆាំងនឹងជំងឺកូវីដ១៩។

វ៉ាក់សាំងចំនួន៣លានដូសដំបូងត្រូវបានចែកចាយដល់ទីតាំងនានានៅទូទាំងរដ្ឋចំនួន៥០របស់សហរដ្ឋអាមេរិក។

ទន្ទឹមនឹងនេះ វ៉ាក់សាំងទីពីរដែលត្រូវបានបង្កើតឡើងដោយក្រុមហ៊ុន Moderna បានបោះជំហានកាន់តែកៀកទៅនឹងការទទួលបានការយល់ព្រមជាបន្ទាន់បន្ទាប់ពីវាត្រូវបានអនុម័តដោយក្រុមអ្នកជំនាញ។

គួរបញ្ជាក់ថា មនុស្សជាង៣១០,០០០នាក់បានស្លាប់ដោយសារជំងឺកូវីដនៅសហរដ្ឋអាមេរិកខណៈករណីជាង១៧លានករណីត្រូវបានកត់ត្រានៅក្នុងប្រទេសនេះចាប់តាំងពីរោគរាតត្បាតចាប់ផ្តើម៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ មកដឹងថ្ងៃចាប់ផ្ដើមចាក់វ៉ាក់សាំងកូវីដនៅអឺរ៉ុប

ចុចអាន៖ ចិនកំពុងផលិតវ៉ាក់សាំងកូវីដ ទ្រង់ទ្រាយធំ