ព័ត៌មានអន្ដរជាតិ

លោក បៃដិន ជួបព្រះចៅអធិរាជជប៉ុន ក្នុងដំណើរទស្សនកិច្ចបើកផែនការសេដ្ឋកិច្ចតំបន់

បានផុស

៤ years មុន

នៅ

ថ្ងៃចន្ទ ២៣ ឧសភា ២០២២

ដោយ

ចាប់ផ្តើមដំណើរទស្សនកិច្ចនៅប្រទេសជប៉ុន នាថ្ងៃចន្ទ ទី២៣ ខែឧសភានេះ ប្រធានាធិបតីសហរដ្ឋអាមេរិក លោក ចូ បៃដិន ជួបព្រះចៅអធិរាជជប៉ុន Naruhito ជាមួយនឹងការបើកផែនការសេដ្ឋកិច្ចតំបន់ដើម្បីទប់ទល់ឥទ្ធិពលចិន ក៏ដូចជាការបញ្ជាក់ជាថ្មីជាមួយសម្ព័ន្ធមិត្តអាស៊ីដ៏សំខាន់មួយនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ដំណើរទស្សនកិច្ចរបស់រយៈពេលពីរថ្ងៃរបស់លោក ចូ បៃដិន ក្នុងនោះជួបមេដឹកនាំជប៉ុន ឥណ្ឌា និងអូស្ត្រាលី ដែលជាតំបន់ “Quad” នឹងដាក់ឲ្យដំណើរការនាល្ងាចថ្ងៃចន្ទនេះអំពីក្របខណ្ឌសេដ្ឋកិច្ចឥណ្ឌូ-ប៉ាស៊ីហ្វិក ដែលជាផែនការដ៏ធំទូលាយមួយដែលផ្តល់នូវសសរស្តម្ភសេដ្ឋកិច្ចដល់ការចូលរួមរបស់ខ្លួនជាមួយអាស៊ី។

លោក ចូ បៃដិន បានអញ្ជើញទៅដល់ព្រះរាជវាំងជាកន្លែងដែលព្រះចៅអធិរាជ Naruhito ទទួល ហើយព្រះអង្គ និងមេដឹកនាំអាមេរិកបានស្វាគមន៍គ្នាទៅវិញទៅមកមុនពេលចូលទៅខាងក្នុង។

បន្ទាប់មក លោក ចូ បៃដិន នឹងជួបពិភាក្សាជាមួយនាយករដ្ឋមន្ត្រីជប៉ុន លោក Fumio Kishida ជាអ្វីដែលប្រទេសទាំងពីរត្រូវបានរំពឹងពិភាក្សាអំពីផែនការរបស់ប្រទេសជប៉ុនដើម្បីពង្រឹងសមត្ថភាពយោធា និងឈានដល់ការឆ្លើយតបទៅនឹងកម្លាំងកើនឡើងរបស់ប្រទេសចិន។

សម្ព័ន្ធមិត្តសំខាន់ទាំងពីរក៏ត្រូវបានគេរំពឹងធ្វើការអះអាងជាថ្មីអំពីចំណង់មិត្តភាពរបស់ពួកគេនៅក្នុងការឆ្លើយតបទៅនឹងការវាយប្រហាររបស់រុស្ស៊ីនៅប្រទេសអ៊ុយក្រែន ដោយយល់ព្រមថា វិធានការឯកតោភាគីនៅក្នុងស្ថានភាពបច្ចុប្បន្នដោយកម្លាំងគឺមិនអាចទទួលយកបានទេ៕

ប្រែសម្រួល៖ វីរបុត្រ
ប្រភព៖ Reuters

Related Topics:សហរដ្ឋអាមេរិក