ព័ត៌មានអន្ដរជាតិ

លោក Tedros ជាប់ឆ្នោតជាប្រធាន WHO ៥ឆ្នាំបន្តទៀត

បានផុស

២ years មុន

នៅ

ថ្ងៃពុធ ២៥ ឧសភា ២០២២

ដោយ

លោក Tedros Adhanom Ghebreyesus ត្រូវបានបោះឆ្នោតដោយទទួលបានសំឡេងភាគច្រើនដើម្បីក្លាយជាអគ្គនាយកអង្គការសុខភាពពិភពលោក (WHO) រយៈពេល៥ឆ្នាំបន្តទៀត។ នេះបើយោងតាមប្រធានមហាសន្និបាតសុខភាពពិភពលោកបាននិយាយកាលពីថ្ងៃអង្គារ៍ ទី២៤ ខែឧសភា។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការបោះឆ្នោតដោយសន្លឹកឆ្នោតសម្ងាត់ដែលត្រូវបានប្រកាសដោយលោក Ahmed Robleh Abdilleh មកពីប្រទេស Djibouti ក្នុងកិច្ចប្រជុំធំប្រចាំឆ្នាំត្រូវបានគេមើលឃើញជាទម្រង់មួយដោយសារ លោក Tedros ជាបេក្ខភាពឈរឈ្មោះតែម្នាក់គត់។

មន្ត្រី និងប្រតិភូបានចាប់ដៃគ្នា និងស្វាគមន៍លោក Tedros ដែលជាអតីតរដ្ឋមន្ត្រីក្រសួងសុខាភិបាលប្រទេសអេត្យូពី ដែលបានដឹកនាំទីភ្នាក់ងាររបស់អង្គការសហប្រជាជាតិឆ្លងកាត់ពេលវេលាដ៏លំបាកបំផុតដែលវាយប្រហារដោយជំងឺរាតត្បាតកូវីដ-១៩។

ថ្លែងទៅកាន់មហាសន្និបាតភ្លាមៗ បន្ទាប់ពីជាប់ឆ្នោតជាថ្មី លោក Tedros មានប្រសាសន៍ថា ការផ្តោតជាចម្បងរបស់អង្គការសុខភាពពិភពលោកគឺការត្រៀមលក្ខណៈគ្រាអាសន្ន និងធ្វើឲ្យទីភ្នាក់ងារល្អប្រសើរ។

«ជំងឺរាតត្បាតនេះមិនធ្លាប់មានពីមុនទេ និងមានមេរៀនជាច្រើនដែលយើងបានរៀនសូត្រ ហើយយើងនឹងបន្តរៀនសូត្រទៀត»។ លោកបានលើកឡើង និងបន្តថា «ប៉ុន្តែទន្ទឹមជាមួយគ្នានេះ យើងមិនអាចផ្អាក រៀន និងអនុវត្តបានទេ…ផ្ទុយទៅវិញជំរុញការរៀនសូត្រ។ យើងកំពុងនិយាយ ខណៈពេលកំពុងរៀនអនុវត្ត»។

អគ្គនាយក WHO ដែលជាប់ឆ្នោតជាថ្មីបានស្រក់ទឹកភ្នែក នៅពេលនិយាយដល់វិបត្តិនៅប្រទេសអ៊ុយក្រែននាពេលបច្ចុប្បន្ននេះ ហើយការស្លាប់របស់ប្អូនប្រុសលោកដោយសារជំងឺកុមារចំពេលសង្គ្រាម និងភាពក្រីក្ររាប់ទសវត្សរ៍កន្លងទៅហើយ។

លោកមានប្រសាសន៍ថា ៖«នៅពេលខ្ញុំបានទៅអ៊ុយក្រែន ជាពិសេសនៅពេលបានឃើញក្មេងៗ… វាជាទិដ្ឋភាពតាំងពី៥០ឆ្នាំមុន ដែលបានកើតឡើងក្នុងខួរក្បាលខ្ញុំ។ ឃើញដូច្នេះ ញាប់ញ័រ។ ក្លិន សំឡេង និងរូបភាពនៃសង្គ្រាម នោះជាអ្វីដែលខ្ញុំមិនចង់ឲ្យកើតមានចំពោះនរណាម្នាក់ទេ»៕

ប្រែសម្រួល៖ វីរបុត្រ
ប្រភព៖ Reuters