កុមារអាមេរិកអាយុត្រឹម១០ឆ្នាំ គំរាមបាញ់សម្លាប់រង្គាលនៅសាលារៀន

កុមារអាយុ១០ឆ្នាំម្នាក់នៅរដ្ឋ Florida ត្រូវបានចាប់ខ្លួនកាលពីថ្ងៃអាទិត្យទី២៩ខែឧសភា បន្ទាប់ពីរងការចោទប្រកាន់ថា បានផ្ញើសារគំរាមបាញ់សម្លាប់រង្គាល ក្នុងសាលារៀនរបស់គាត់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការចាប់ខ្លួនកុមារាឈ្មោះ Daniel Issac Marquez កើតឡើងត្រឹមតែប្រាំថ្ងៃប៉ុណ្ណោះ បន្ទាប់ពីកុមារ ចំនួន១៩នាក់ និងគ្រូបង្រៀន២នាក់ ត្រូវបានសម្លាប់នៅសាលាបឋមសិក្សា Robb ក្នុងទីក្រុង Uvalde រដ្ឋតិចសាស់ ដោយខ្មាន់កាំភ្លើងឈ្មោះ Salvador Ramos អាយុ ១៨ ឆ្នាំ។

យោងតាមការិយាល័យតម្រួតតំបន់ Lee បានឲ្យដឹងថា Marquez គឺជាសិស្សថ្នាក់ទី ៥ នៅសាលាបឋមសិក្សា Patriot ក្នុងទីក្រុង Cape Coral រដ្ឋ Florida។

បន្ទាប់ពីសម្ភាសន៍ដោយអាជ្ញាធរ, Marquez ត្រូវបានចោទប្រកាន់ពីបទគំរាមកំហែងជាលាយលក្ខណ៍អក្សរ ធ្វើការបាញ់ប្រហារសម្លាប់រង្គាល។

តម្រួត Carmine Marceno បាននិយាយនៅក្នុងសេចក្តីថ្លែងការណ៍ថា “អារម្មណ៍របស់សិស្សម្នាក់នេះកំពុងដិតដាម ជាពិសេសបន្ទាប់ពីសោកនាដកម្មនាពេលថ្មីៗនៅទីក្រុង Uvalde ក្នុងរដ្ឋតិចសាស់”។

ហេតុការណ៍​នេះ​កំពុង​ស្ថិតក្រោម​ការស៊ើបអង្កេត​ ដោយ​ក្រុម​ប្រឆាំង​ការគំរាមកំហែង​សាលា និង​ផ្នែក​ស៊ើបអង្កេត​ឧក្រិដ្ឋកម្ម​សេវាកម្ម​យុវជន​។

គួរបញ្ជាក់ថា នេះជាលើកទី២ហើយ ក្នុងរយៈពេលមួយសប្តាហ៍ ដែលសហគមន៍ Cape Coral មានការគំរាមកំហែងប្រើអំពើហិង្សា លើសាលារៀន។

កាលពីថ្ងៃទី២៦ខែឧសភា ស្រ្តីម្នាក់ឈ្មោះ Tracy Carter បានគំរាមបំផ្ទុះគ្រាប់បែក ក្នុងពិធីជប់លៀងបញ្ចប់ការសិក្សានៅវិទ្យាល័យមួយ៕

ប្រែសម្រួល៖ Vann Vann

ប្រភព៖ Daily Mail

ចុចអាន៖ ស្រ្តីម្នាក់ក្លាយជាវីរនារី ទប់ស្កាត់ការវាយប្រហារ កុំអីមានមនុស្សស្លាប់ច្រើននាក់ទៀតហើយនៅ អាមេរិក