Connect with us

ព័ត៌មានអន្ដរជាតិ

មនុស្ស​​ច្រើន​​នាក់​​កំពុង​​បាត់​​ខ្លួន​ ក្រោយ​​​​រុស្ស៊ី​​បាញ់​មីស៊ីល​​សម្លាប់​​មនុស្ស​​១៨​​នាក់​

បានផុស

នៅ

ក្រុម​​ពន្លត់​អគ្គីភ័យ​កាល​ពី​ថ្ងៃ​អង្គារ៍ ទី​២៨ ខែ​មិថុនា បាន​រុក​រក​ក្នុង​គំនរ​បាក់​បែក​នៃ​ផ្សារ​ទំនើប​របស់​ប្រទេស​​អ៊ុយក្រែន​មួយ​កន្លែង​ដែល​អាជ្ញាធរ​បាន​និយាយ​ថា ​មនុស្ស​៣៦​នាក់​បាន​កំពុង​បាត់​ខ្លួន បន្ទាប់​ពី​រុស្ស៊ី​បាន​បាញ់​​មីស៊ីល​​ និង​សម្លាប់​មនុស្ស​ហោច​ណាស់​១៨​នាក់។​

ការ​វាយ​ប្រហារ​​កើត​មាន​នៅ​​ភាគ​កណ្តាល​ទី​ក្រុង Kremenchuk ​ហើយ​ក៏​មាន​​សេចក្តី​រាយការណ៍ពី​ការ​វាយ​ប្រហារ​នៅ​តំបន់ Dnipropetrovsk ដែល​ឆ្ងាយ​ពីតំបន់​សមរភូមិ​ជួរ​មុខ។ ការវាយ​ប្រហារ​លើ​ផ្សារ​ទំនើប​មួយ​កន្លែង​បាន​ធ្វើ​ឲ្យ​មាន​ការ​ថ្កោល​ទោស​យ៉ាង​ខ្លាំង​ពី​ជុំ​វិញ​​ពិភព​លោក។​ សូម្បី​ប្រធានាធិបតី​បារាំង លោក Emmanuel Macron បាន​ហៅ​ថាជា​ឧក្រិដ្ឋ​កម្ម​សង្គ្រាម។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ៊ុយក្រែន​បាន​និយាយ​ថា រដ្ឋាភិបាល​ទី​ក្រុង​មូស្គូ​បាន​សម្លាប់​ជន​ស៊ីវិល​​ដោយ​ចេតនា​នៅ​ទី​ក្រុង Kremenchuk ប៉ុន្តែ​រុស្ស៊ី​បាននិយាយ​ថា ខ្លួន​បានវាយ​ប្រហារលើ​​ឃ្លាំង​ផ្ទុក​អាវុធ​នៅ​ជិត​នោះ។

អភិបាល​ក្រុង Dnipropetrovsk ​បាន​និយាយ​ថា ក្រុម​ជួយ​សង្គ្រោះ​បាន​កំពុង​រុក​រក​មនុស្ស​ដែល​ស្ថិត​ក្រោម​គំនរ​បាក់​បែក​នៅ​តំបន់ Dnipro ក្នុង​ទី​ក្រុង​សំខាន់។

មន្ត្រី​អ៊ុយក្រែន​​ឈ្មោះ Valentyn Reznychenko បាន​និយាយ​ថា រុស្ស៊ី​បាន​បាញ់មីស៊ីល​​៦​គ្រាប់​ ក្នុង​នោះ​មាន​៣​គ្រាប់​ត្រូវ​បាន​បាញ់​ទម្លាក់។ ហេដ្ឋារចនា​សម្ព័ន្ធ​រថភ្លើង និង​តំបន់​ឧស្សាហកម្ម​​មួយ​កន្លែង​​ត្រូវ​បាន​បំផ្លាញ ហើយក្រុម​ហ៊ុន​សេវាកម្ម​មួយ​កន្លែង​ត្រូវ​បាន​ភ្លើង​ឆេះ៕

ប្រែ​សម្រួល៖ វីរបុត្រ
ប្រភព៖ Reuters

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម