ព័ត៌មានអន្ដរជាតិ

បេសកជនរបស់ លោក ត្រាំ ចេញទៅស្វីសសម្រាប់បើកការចរចាជាមួយអ៊ីរ៉ង់ ក្រោយលុបចោលភ្លាមៗ

បានផុស

១០ វិនាទី មុន

នៅ

ថ្ងៃសៅរ៍ ២០ មិថុនា ២០២៦

ដោយ

មានសេចក្តីរាយការណ៍ថា បេសកជនអាមេរិក បានធ្វើដំណើរទៅកាន់ប្រទេសស្វីសសម្រាប់ការចរចាជាមួយអ៊ីរ៉ង់ដើម្បីបញ្ចប់សង្គ្រាមជាស្ថាពរ ក្រោយពីការលុបចោលភ្លាមៗពីដំណើរការចរចាដែលបានគ្រោងទុករវាងសហរដ្ឋអាមេរិក និង អ៊ីរ៉ង់ នៅប្រទេសស្វីសនៅថ្ងៃទី១៩ខែមិថុនានេះ បន្ទាប់ពីការចុះហត្ថលេខារបស់ ប្រធានាធិបតីសហរដ្ឋអាមេរិក លោក ដូណាល់ ត្រាំ និង សមភាគីអ៊ីរ៉ង់ លោក Masoud Pezeshkian ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក Steve Witkoff ដែលជាបេសកជនពិសេសរបស់ប្រធានាធិបតីអាមេរិក កំពុងធ្វើដំណើរទៅកាន់ប្រទេសស្វីស ដើម្បីពិភាក្សាជាមួយគណៈប្រតិភូអ៊ីរ៉ង់ ខណៈដែលអ្នកចរចាម្នាក់ទៀត គឺលោក Jared Kushner ដែលជាកូនប្រសាររបស់ លោក ត្រាំ បានទៅដល់ទីនោះរួចហើយ។ នេះជាការបញ្ជាក់របស់អ្នកយកព័ត៌មានអាមេរិក Axios ។

យោងទីភ្នាក់ងារព័ត៌រុស្ស៊ី TASS អ្នកឆ្លើយឆ្លងព័ត៌មាន Axios លោក Barak Ravid បានសរសេរនៅលើបណ្តាញសង្គម X ថា «បេសកជនសេតវិមាន លោក Steve Witkoff កំពុងធ្វើដំណើរទៅកាន់ប្រទេសស្វីស ជាកន្លែងដែលការចរចាជុំទីមួយជាមួយអ៊ីរ៉ង់លើកិច្ចព្រមព្រៀងនុយក្លេអ៊ែរដែលអាចកើតមានត្រូវបានគេរំពឹងថានឹងកើតឡើង មន្ត្រីអាមេរិកម្នាក់បានប្រាប់ខ្ញុំ»។

លោកបានបន្ថែមថា «លោក Jared Kushner កំពុងស្ថិតនៅប្រទេសស្វីសរួចហើយ»។

ប្រតិភូសហរដ្ឋអាមេរិកដែលគ្រោងដឹកនាំដោយអនុប្រធានាធិបតីសហរដ្ឋអាមេរិក លោក JD Vance និង ប្រតិភូអ៊ីរ៉ង់ បានលុបចោលដំណើរទៅចរចានៅប្រទេសស្វីសនៅថ្ងៃសុក្រ បន្ទាប់ពីការផ្ទុះអាវុធរវាងអ៊ីស្រាអែលនិងក្រុមហេសបូឡានៅប្រទេសលីបង់ ដែលធ្វើឲ្យប៉ះពាល់ដល់កិច្ចព្រមព្រៀងដែលចុះហត្ថលេខាដោយលោក ត្រាំ និង ប្រធានាធិបតីអ៊ីរ៉ង់។

ទោះបីយ៉ាងណា ប្រទេសអាមេរិក និង អ៊ីរ៉ង់មានពេល៦០ថ្ងៃដើម្បីចរចាលម្អិតសម្រាប់បិទបញ្ចប់សង្គ្រាមរវាងប្រទេសទាំងពីរ ដោយការពិភាក្សាផ្តោតលើកម្មវិធីនុយក្លេអ៊ែរអ៊ីរ៉ង់ និង ផែនការស្តារប្រទេសអ៊ិរ៉ង់ឡើងវិញ៕

រ៉ាន់ រើយ