អ៊ុយក្រែន បាញ់មីស៊ីលកម្ទេចច្រកឆ្លងកាត់ដ៏សំខាន់របស់ទ័ព រុស្ស៊ី

មន្ត្រីក្នុងតំបន់បាននិយាយថា កងកម្លាំងអ៊ុយក្រែនបានបាញ់មីស៊ីលកម្ទេចស្ពានមួយកន្លែងដែលជាផ្លូវដ៏សំខាន់សម្រាប់ផ្គត់ផ្គង់ដល់កងទ័ពរុស្ស៊ីនៅភាគខាងត្បូងអ៊ុយក្រែន ។

លោក Kirill Stremousov អនុប្រធានរដ្ឋបាលបណ្តោះអាសន្នសម្រាប់តំបន់ Kherson ភាគខាងត្បូងដែលគ្រប់គ្រងដោយប្រទេសរុស្ស៊ីបាននិយាយថា យោធាអ៊ុយក្រែនបានវាយប្រហារស្ពានឆ្លងកាត់ទន្លេ Dnipro ដោយការបាញ់មីស៊ីលចំនួន ១១ ដង ។

លោកបាននិយាយប្រាប់ទីភ្នាក់ងារសារព័ត៌មាន Interfax ថា ស្ពាននេះបានរងការខូចខាតយ៉ាងដំណំ ប៉ុន្តែការចល័តកងទ័ពរុស្ស៊ីមិនត្រូវបានរំខាននោះទេ ។

កន្លងមកក្រសួងការពារជាតិរបស់ចក្រភពអង់គ្លេសបាននិយាយថា “ការគ្រប់គ្រងរបស់រុស្ស៊ីលើច្រកឆ្លងកាត់នៃទន្លេ Dnipro ទំនងជាក្លាយជាកត្តាសំខាន់ ឈានទៅដល់ការប្រយុទ្ធគ្នាទ្រង់ទ្រាយធំនៅក្នុងតំបន់ Donbas” ៕

ប្រែសម្រួលដោយ ៖ ជីវ័ន្ត

ប្រភព ៖ Al Jazeera

ចុចអាន ៖ អាល្លឺម៉ង់ ប្រកាសអស់អាវុធផ្ដល់ឲ្យ អ៊ុយក្រែន ទៀតហើយ