ព័ត៌មានអន្ដរជាតិ
អាមេរិក ឲ្យ ចិន កុំប្រតិកម្មខ្លាំងពេក ចំពោះដំណើររបស់លោកស្រី Pelosi ទៅតៃវ៉ាន់
សហរដ្ឋអាមេរិកបានស្នើប្រទេសចិនកុំឲ្យបញ្ចេញប្រតិកម្មខ្លាំងពេកចំពោះដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi ទៅកាន់កោះតៃវ៉ាន់ ។

ការស្នើសុំរបស់ទីក្រុងវ៉ាស៊ីនតោនបានកើតឡើង បន្ទាប់ពីទីក្រុងប៉េកាំងបានដាក់ពង្រាយយន្តហោះ និងធ្វើសមយុទ្ធយោធាបាញ់គ្រាប់ពិតហោះរំលងកោះតៃវ៉ាន់ និងធ្លាក់ចូលសមុទ្រដែលជប៉ុនអះអាងថានៅជិតតំបន់សេដ្ឋកិច្ចរបស់ខ្លួន ។
ទន្ទឹមនោះអ្នកនាំពាក្យសន្តិសុខជាតិសេតវិមានលោក John Kirby បានប្រាប់សារព័ត៌មាន MSNBC ថា “យើងកំពុងតាមដានរឿងនេះយ៉ាងដិតដល់ ហើយយើងបន្តជំរុញឲ្យរដ្ឋាភិបាលចិនកុំឲ្យមានប្រតិកម្មខ្លាំងពេក ជាពិសេសពាក់ព័ន្ធនឹងដំណើរទស្សនកិច្ចរបស់លោកស្រី Pelosi ទៅកាន់កោះតៃវ៉ាន់” ។

អ្នកនាំពាក្យរូបនេះបានជំរុញឲ្យប្រទេសចិនកាត់បន្ថយភាពតានតឹងដូចដែលអាមេរិកកំពុងធ្វើ ដោយសារតែកន្លងមកអាមេរិកតែងតែមិនស្វែងរក ក៏ដូចជាមិនចង់បានវិបត្តិនោះទេ ជាពិសេសអាមេរិកគឺព្យាយាមចង់តែរក្សាទំនាក់ទំនងជាមួយចិនប៉ុណ្ណោះដើម្បីបញ្ចៀសភាពតានតឹង ។
គួរបញ្ជាក់ថា លោកស្រី Pelosi បានធ្វើដំណើរទៅកាន់កោះតៃវ៉ាន់កាលពីថ្ងៃអង្គារ ជាផ្នែកនៃដំណើរទស្សនកិច្ចរបស់លោកស្រីទៅកាន់តំបន់អាស៊ី ទោះបីជាមានការព្រមានជាច្រើនពីទីក្រុងប៉េកាំងក៏ដោយ ។

ទីក្រុងប៉េកាំងបាននិយាយថា ទង្វើបែបនេះគឺជាការញុះញង់ធ្វើឲ្យខូចទំនាក់ទំនងរវាងសហរដ្ឋអាមេរិក និងចិន ក៏ដូចជារំលោភលើគោលនយោបាយចិនតែមួយផងដែរ ហើយជាការឆ្លើយតប បន្ទាប់ពីដំណើរទស្សនកិច្ចនេះហើយ ចិនបានចាប់ផ្តើមសមយុទ្ធយោធាទ្រង់ទ្រាយធំជាមួយនឹងការបាញ់គ្រាប់ពិតជាដើម ៕
ប្រែសម្រួលដោយ ៖ ជីវ័ន្ត
ប្រភព ៖ US News
ចុចអាន ៖ រុស្ស៊ី ថា លោកស្រី Pelosi កំពុងធ្វើឲ្យ អាមេរិក ជួបផលវិបាកជាសកល

-
ព័ត៌មានអន្ដរជាតិ២ ថ្ងៃ ago
ផែថងថាន លើកយកជម្លោះព្រំដែនកម្ពុជា-ថៃនិងឧក្រិដ្ឋកម្មអនឡាញ ពិភាក្សាជាមួយ ម៉ាក្រុង
-
ព័ត៌មានអន្ដរជាតិ៤ ថ្ងៃ ago
ពលរដ្ឋថៃ រាប់ពាន់នាក់រត់ភៀសខ្លួន បន្ទាប់ពីយន្តហោះមីយ៉ាន់ម៉ា ទម្លាក់គ្រាប់បែកនៅព្រំដែន
-
សន្តិសុខសង្គម២ ថ្ងៃ ago
អាជ្ញាធរខេត្តព្រះវិហារ ដុតកម្ទេចចោលដូងក្រអូប១៥០០គីឡូក្រាម ដែលលួចនាំចេញពីថៃ ឆ្លងកាត់ប្រទេសឡាវចូលមកកម្ពុជាដោយខុសច្បាប់
-
ព័ត៌មានអន្ដរជាតិ៧ ថ្ងៃ ago
រុស្ស៊ី អះអាងថា ប្រទេសមួយចំនួន ត្រៀមបញ្ជូនក្បាលគ្រាប់នុយក្លេអ៊ែរ ឲ្យអ៊ីរ៉ង់ ដោយផ្ទាល់
-
ព័ត៌មានជាតិ៦ ថ្ងៃ ago
កម្ពុជា ទទួលរងឥទ្ធិពលពីព្យុះមួយទៀត គឺព្យុះទី២ ឈ្មោះ សេពផេត
-
ព័ត៌មានជាតិ៦ ថ្ងៃ ago
ជប៉ុន ប្រកាសពង្រឹងទំនាក់ទំនងកងទ័ពជាមួយកម្ពុជាឱ្យកាន់តែរឹងមាំ
-
នយោបាយ៧ ថ្ងៃ ago
ក្រោយបិទនាំចូលឥន្ធនៈនាយករដ្ឋមន្ត្រីថានៅអាចឆ្លើយតបថែមទៀតបើថៃចង់លេង
-
ព័ត៌មានអន្ដរជាតិ១ សប្តាហ៍ ago
PTT៖ ការផ្អាកនាំចូលប្រេងថៃរបស់កម្ពុជា មិនប៉ះពាល់ធ្ងន់ធ្ងរដល់ចំណូលក្រុមហ៊ុនទេ