ព័ត៌មានអន្ដរជាតិ

តៃវ៉ាន់ កំពុងអភិវឌ្ឍន៍យន្តហោះដ្រូនមានប្រសិទ្ធភាពដូច អ៊ុយក្រែន ប្រើទប់ រុស្ស៊ី

បានផុស

២ years មុន

នៅ

ថ្ងៃអាទិត្យ ១៤ សីហា ២០២២

ដោយ

តៃវ៉ាន់បានបើកមជ្ឈមណ្ឌលស្រាវជ្រាវ និងកំពុងអភិវឌ្ឍន៍យន្តហោះដ្រូនកាលពីថ្ងៃសៅរ៍ ដោយសារមើលឃើញប្រសិទ្ធភាពមិនធម្មតា ដែលអ៊ុយក្រែនធ្លាប់ប្រើប្រាស់ ដើម្បីទប់ទល់នឹងការវាយប្រហាររបស់រុស្ស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្នុងពិធីសម្ពោធនោះ ប្រធានាធិបតីតៃវ៉ាន់លោកស្រី Tsai Ing wen បាននិយាយថា ការលុកលុយរបស់រុស្ស៊ីលើអ៊ុយក្រែន បានបង្ហាញពីសារៈសំខាន់នៃយានជំនិះគ្មានមនុស្សបើក ហើយលោកស្រីរំពឹងថា ឧស្សាហកម្ម UAV នឹងកើនឡើងនៅក្នុងសារៈសំខាន់មួយនេះ។

លោកស្រីក៏បានបន្តទៀតថា តៃវ៉ាន់នឹងបង្កើនសមត្ថភាពរបស់ខ្លួនយ៉ាងសកម្មក្នុងការការពារខ្លួន និងទប់ទល់នឹងវិសមភាពក្នុងអំណាចយោធាជាមួយចិន។ ទន្ទឹមនោះដែរ ចំណាត់ការរបស់កោះតៃវ៉ាន់ ធ្វើឡើងនៅពេលដែលអ៊ុយក្រែន ត្រូវគេរាយការណ៍ថា បានប្រើប្រាស់យន្តហោះដ្រូនយ៉ាងមានប្រសិទ្ធភាព ដើម្បីទប់ទល់នឹងការវាយប្រហាររបស់រុស្ស៊ី។

ជាក់ស្ដែង តៃវ៉ាន់កំពុងព្យាយាមពន្លឿនកិច្ចខិតខំប្រឹងប្រែង ដើម្បីបង្កើតប្រព័ន្ធមួយ ដើម្បីផលិតយន្តហោះដ្រូន ដែលមានសមត្ថភាពខ្ពស់ដោយខ្លួនឯង ខណៈដែលប្រទេសចិន កំពុងបង្កើនសម្ពាធយោធារបស់ខ្លួនលើតៃវ៉ាន់កាន់តែខ្លាំងថែមទៀត៕

ប្រែសម្រួល៖ សាង ស្រីល័ក្ខ

ប្រភព៖NHK

ចុចអាន៖លោក Zelensky ថា កងទ័ព រុស្ស៊ី ចាត់ទុកការវាយប្រហាររោងចក្រនុយក្លេអ៊ែរ ជាគោលដៅពិសេស