កូវីដនៅ ថៃ រាលដាលដល់៣១ខេត្ត

នៅថ្ងៃសុក្រនេះ រដ្ឋាភិបាលបានរាយការណ៍ពីករណីឆ្លងកូវីដ១៩ថ្មីចំនួន៨១ករណីដែលក្នុងនោះមានអ្នកស្រុកចំនួន៣៧ករណី ពលករចំណាកស្រុក៣៥ករណីនិងនាំចូល៩ករណីដោយធ្វើឲ្យចំនួនសរុបកើនដល់៥,៩១០ករណី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោកវេជ្ជបណ្ឌិត Taweesilp Visanuyothin អ្នកនាំពាក្យមជ្ឈមណ្ឌលគ្រប់គ្រងស្ថានភាពជំងឺកូវីដ១៩បាននិយាយថា ការឆ្លងចំនួន២៦ករណីក្នុងចំណោម៣៧ករណីគឺជាប់ទាក់ទងទៅនឹងការផ្ទុះនៅខេត្ត Samut Sakhon។ ចំណែក១១ករណីទៀតកំពុងស្ថិតក្នុងការស៊ើបអង្កេតនៅឡើយ។

ការឆ្លងក្នុងសហគមន៍រួមមានអ្នកលក់ មន្ត្រីរដ្ឋាភិបាល កម្មករដឹកជញ្ជូនអាហារសមុទ្រនិងបុគ្គលិកធនាគារ។ គាត់និយាយថា អ្នកឆ្លងភាគច្រើនគឺស្ថិតក្នុងអាយុធ្វើការហើយបានបង្ហាញរោគសញ្ញានៃជំងឺនេះ។

អ្នកនាំពាក្យដដែលបាននិយាយថា រហូតមកដល់ពេលនេះ ការផ្ទុះវីរុសដែលបានកើតឡើងនៅផ្សារបង្គារខេត្ត សាមុត សាខន បានរាលដាលដល់៣១ខេត្តហើយ។

គួរបញ្ជាក់ថា ក្នុងចំណោមករណីសរុប៥,៩១០ករណី, មាន៤,១៣០នាក់បានជាសះស្បើយខណៈ១,៧១៣នាក់កំពុងព្យាបាលក្នុងមន្ទីរពេទ្យចំណែកអ្នកស្លាប់នៅតែមាន៦០នាក់៕

ប្រែសម្រួលដោយ៖ Vann Vann

ប្រភព៖ Bangkok Post

ចុចអាន៖ ឡាវ ហាមនាំចូលគ្រឿងសមុទ្រពី ថៃ បន្ទាប់ពីផ្ទុះកូវីដនៅ សាមុត សាខន

ចុចអាន៖ ខេត្តមួយរបស់ ថៃ អនុញ្ញាតឲ្យរៀបចំពិធីឆ្លងឆ្នាំ មិនខ្លាចកូវីដ