ព័ត៌មានអន្ដរជាតិ
យោធាមីយ៉ាន់ម៉ា ប្រតិកម្មខ្លាំងៗលើ អាស៊ាន បន្ទាប់ពីត្រូវរារាំង មិនឲ្យប្រជុំ (មានវីដេអូ)
ថ្នាក់ដឹកនាំយោធារបស់មីយ៉ាន់ម៉ា កាលពីថ្ងៃពុធទី១៧ខែសីហា បានរិះគន់ អាស៊ាន សម្រាប់ការដកឧត្តមសេនីយ៍របស់ខ្លួនពីកិច្ចប្រជុំក្នុងតំបន់ ដោយចោទប្រកាន់ថា អាស៊ាន ទប់ទល់នឹងសម្ពាធពីខាងក្រៅមិនបាន។
សមាជិកនៃសមាគមប្រជាជាតិអាស៊ីអាគ្នេយ៍ បានថ្កោលទោសយ៉ាងខ្លាំងលើ យោធាមីយ៉ាន់ម៉ា ដោយនិយាយថា យោធាបរាជ័យ មិនបានធ្វើឲ្យមានវឌ្ឍនភាពជាក់ស្តែង លើផែនការសន្តិភាពដែលបានព្រមព្រៀងជាមួយប្លុក១០ប្រទេសមួយនេះ កាលពីឆ្នាំមុន រួមទាំងការចូលរួមជាមួយគូប្រជែង និងការបញ្ឈប់អរិភាពផងដែរ។
យោធាមីយ៉ាន់ម៉ា បានដណ្តើមអំណាចពីរដ្ឋាភិបាលជាប់ឆ្នោត នៅក្នុងរដ្ឋប្រហារមួយកាលពីឆ្នាំមុន ហើយចាប់តាំងពីពេលនោះមក បានបង្រ្កាបការប្រឆាំងដោយកម្លាំងធ្ងន់ដៃ។ ថ្មីៗនេះ យោធាក៏ត្រូវបានគេរិះគន់ផងដែរ ចំពោះការប្រហារជីវិតសកម្មជននយោបាយ និងការដាក់ពន្ធនាគារលោកស្រី អ៊ុងសាន ស៊ូជី ដែលជានិមិត្តរូបនៃចលនាប្រឆាំង និងប្រជាធិបតេយ្យរបស់មីយ៉ាន់ម៉ា។
អាស៊ាន បានរារាំងឧត្តមសេនីយ៍របស់មីយ៉ាន់ម៉ា ពីការចូលរួមក្នុងកិច្ចប្រជុំថ្នាក់តំបន់ ហើយសមាជិកមួយចំនួនបាននិយាយកាលពីខែមុនថា ខ្លួននឹងត្រូវបង្ខំចិត្ត គិតឡើងវិញអំពីផ្លូវឆ្ពោះទៅមុខ ដរាបណាយោធាមីយ៉ាន់ម៉ា បង្ហាញវឌ្ឍនភាពលើផែនការសន្តិភាព។
យោធាមីយ៉ាន់ម៉ា បានបដិសេធសំណើឲ្យបញ្ជូនអ្នកតំណាងក្រៅនយោបាយ មកចូលរួមប្រជុំអាស៊ាន។
អ្នកនាំពាក្យយោធាលោក Zaw Min Tun បាននិយាយនៅក្នុងសន្និសីទសារព័ត៌មានមួយកាលពីថ្ងៃពុធថា “ប្រសិនបើកៅអីតំណាងឲ្យប្រទេសមួយនៅទំនេរ នោះវាមិនគួរត្រូវបានដាក់ស្លាកថាជាកិច្ចប្រជុំកំពូលអាស៊ានទេ។ អ្វីដែលគេចង់បានគឺ ឲ្យយើងជួប និងពិភាក្សាជាមួយភេរវករ”។ យោធាមីយ៉ាន់ម៉ា តែងតែងប្រើពាក្យថា “ភេរវករ” សំដៅទៅលើចលនាគាំទ្រលទ្ធិប្រជាធិបតេយ្យដែលបានកាន់អាវុធប្រឆាំងនឹងយោធា។
លោកអះអាងថា អាស៊ានកំពុងរំលោភលើគោលនយោបាយរបស់ខ្លួន នៃការមិនជ្រៀតជ្រែកក្នុងកិច្ចការអធិបតេយ្យភាពរបស់ប្រទេសមួយ ខណៈពេលកំពុងប្រឈមមុខនឹងសម្ពាធពីខាងក្រៅ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ Reuters
ចុចអាន៖ សម្ដេចតេជោ ៖ អាស៊ាន បានផ្លាស់ប្ដូរខ្លួនពីអង្គការមានក្របខ័ណ្ឌធូរលុង ទៅជាអង្គការមានរចនាសម្ព័ន្ធរឹងមាំ
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៦ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ