ជាប់ឆ្នោតមិនទាន់ចូលកាន់តំណែងផង សមាជិកសភាអាមេរិកស្លាប់ដោយសារជំងឺកូវីដ១៩

តំណាងរាស្រ្តទើបជាប់ឆ្នោតអាមេរិកបានទទួលមរណភាពដោយសារជំងឺកូវីដ១៩។ គាត់ជាសមាជិកសភាអាមេរិកដំបូងគេបង្អស់ដែលស្លាប់ដោយសារជំងឺនេះ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

អ្នកសាធារណរដ្ឋ Luke Letlow អាយុ៤១ឆ្នាំត្រូវបានបោះឆ្នោតជាតំណាងរាស្រ្តសង្កាត់ទី៥របស់រដ្ឋ Louisiana ហើយគ្រោងនឹងស្បថចូលកាន់តំណែងនៅថ្ងៃអាទិត្យនេះ។

គាត់បានប្រកាសកាលពីថ្ងៃទី១៨ធ្នូថា គាត់បានធ្វើតេស្តវិជ្ជមានវីរុសកូរ៉ូណាហើយត្រូវបានបញ្ជូនទៅមន្ទីរពេទ្យភ្លាមៗបន្ទាប់ពីនោះ។

អភិបាលរដ្ឋ Louisiana លោក John Bel Edwards បានបញ្ជាឲ្យបង្ហូតទង់ជាតិពាក់កណ្តាលដងនៅថ្ងៃបុណ្យសពរបស់លោក Letlow។

លោក Letlow ត្រូវបានបញ្ជូនទៅមន្ទីរពេទ្យនៅថ្ងៃទី១៩ខែធ្នូដោយសារធ្វើទុក្ខពីជំងឺកូវីដ១៩។ ស្ថានភាពរបស់គាត់កាន់តែអាក្រក់ទៅៗហើយនៅថ្ងៃទី២៣ខែធ្នូ គាត់ត្រូវបានផ្ទេរទៅផ្នែកសង្គ្រោះបន្ទាន់នៅមន្ទីរពេទ្យមួយក្នុងទីក្រុង Shreveport ដែលជាកន្លែងគាត់ស្លាប់នៅថ្ងៃពុធនេះ៕

ប្រែសម្រួលដោយ៖ Vann Vann

ប្រភព៖ BBC

ចុចអាន៖ ផ្ទុះ​កូវីដ​លើ​បុរស​ចិន​នៅកំពង់សោមថ្ងៃ​ចូល​ឆ្នាំ​ចិន មួយ​ឆ្នាំពេញ ពលរដ្ឋ​ដេក​ភ័យ​គ្រប់​ពេល

ចុចអាន៖ Breaking News! សិង្ហបុរីចាប់ផ្តើមយុទ្ធនាការចាក់វ៉ាក់សាំងកូវីដ ហើយ