Connect with us

ព័ត៌មានអន្ដរជាតិ

កូរ៉េខាងត្បូង ព្រមាន កូរ៉េខាងជើង

បានផុស

នៅ

ប្រធានាធិបតីកូរ៉េខាងត្បូង លោក Yoon Suk-yeol បាននិយាយថា ប្រទេសនេះ នឹងបង្កើនសមយុទ្ធរួម និងពង្រឹងសម្ព័ន្ធភាពរបស់ខ្លួនជាមួយសហរដ្ឋអាមេរិក ដើម្បីដោះស្រាយជាមួយនឹងទង្វើបង្កហេតុ និងការគំរាមកំហែងរបស់កូរ៉េខាងជើង។

លោក Yoon បាននិយាយបែបនេះក្នុងព្រឹត្តិការណ៍មួយ ដែលអបអរទិវាកងកម្លាំងប្រដាប់អាវុធនៅទីស្នាក់ការកណ្តាល របស់យោធាកូរ៉េខាងត្បូងក្នុងទីក្រុង Gyeryongdae ភាគខាងត្បូងនៃរដ្ឋធានីសេអ៊ូល នៅថ្ងៃសៅរ៍ទី០១ខែតុលា។

ប្រធានាធិបតីកូរ៉េខាងត្បូងនិយាយថា ទីក្រុងព្យុងយ៉ាងមិនបានបោះបង់ចោលគំនិតដែលឈ្លក់វង្វេងនឹងអាវុធនុយក្លេអ៊ែរ និងមីស៊ីលរបស់ខ្លួនទេក្នុងរយៈពេល ៣០ ឆ្នាំចុងក្រោយ បើទោះបីជាមានការប្រឆាំងពីសហគមន៍អន្តរជាតិក៏ដោយ។

លោក Yoon បន្តថា ប្រទេសកូរ៉េខាងជើង គួរតែធ្វើការសម្រេចចិត្តរំសាយអាវុធនុយក្លេអ៊ែរដើម្បីសន្តិភាព និងវិបុលភាពពិតប្រាកដនៅលើឧបទ្វីបកូរ៉េ។ ប្រសិនបើកូរ៉េខាងជើងព្យាយាមប្រើប្រាស់អាវុធនុយក្លេអ៊ែរ ពួកគេនឹងប្រឈមមុខនឹងការឆ្លើយតបយ៉ាងម៉ឺងម៉ាត់ និងលើសលប់ពីសម្ព័ន្ធភាពកូរ៉េខាងត្បូង-អាមេរិក។

អគ្គសេនាធិការចម្រុះរបស់កូរ៉េខាងត្បូង បាននិយាយថា ប្រទេសកូរ៉េខាងជើង បានបាញ់មីស៊ីលផ្លោងរយៈចម្ងាយខ្លីចំនួនពីរគ្រាប់ ចេញពីទីក្រុង Sunan ជិតរដ្ឋធានីព្យុងយ៉ាងឆ្ពោះទៅទិសខាងកើត នៅចន្លោះម៉ោង ៦:៤៥ ដល់ ០៧:០៣ ព្រឹកថ្ងៃសៅរ៍។ វា​ជា​ការ​បាញ់​បង្ហោះ​លើក​ទី​បួន​ក្នុងរយៈពេលត្រឹម​មួយ​សប្តាហ៍។

មីស៊ីលនេះ ធ្វើដំណើរក្នុងចម្ងាយប្រហែល ៣៥០ គីឡូម៉ែត្រ ដោយឈានដល់រយៈកម្ពស់ប្រហែល ៣០គីឡូម៉ែត្រ ក្នុងល្បឿនលឿនជាងសំឡេង៥ដង។

កូរ៉េ​ខាង​ជើង​ក៏​បាន​បាញ់​មីស៊ីល​ផ្លោង​រយៈ​ចម្ងាយ​ខ្លី​ពីរ​គ្រាប់ចេញ​ពីទីក្រុង​ Sunan ឆ្ពោះ​ទៅ​សមុទ្រ​ជប៉ុន​ផងដែរ កាល​ពី​ថ្ងៃ​ពុធ៕

ប្រែសម្រួល៖ Vann Vann

ប្រភព៖ NHK

ចុចអាន៖ កូរ៉េ ខាង ជើង បាញ់ មីស៊ីល ផ្លោង បន្ថែម ឡើង ដល់ ៤ គ្រាប់ ក្នុង សប្តាហ៍ នេះ

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

Sokha Hotels

ព័ត៌មានពេញនិយម