ព័ត៌មានអន្ដរជាតិ
នាយករដ្ឋមន្ត្រី អូស្ត្រាលី អរគុណសម្ដេចតេជោ ហ៊ុន សែន ដែលជួយជំរុញ មីយ៉ាន់ម៉ា ឲ្យដោះលែងលោក Sean Turnell
នាយករដ្ឋមន្ត្រីអូស្ត្រាលីលោក Anthony Albanese បានថ្លែងអំណរគុណដល់ថ្នាក់ដឹកនាំប្រទេសកម្ពុជាគឺសម្ដេចតេជោនាយករដ្ឋមន្ត្រី ហ៊ុន សែន និងប្រទេសថៃ ដែលបានជួយជ្រោមជ្រែងឲ្យយោធាមីយ៉ាន់ម៉ាដោះលែងលោក Sean Turnell សេដ្ឋវិទូអូស្ត្រាលី និងជាទីប្រឹក្សាប្រជាធិបតេយ្យរបស់លោកស្រី អ៊ុងសាន ស៊ូជី ។
លោក Albanese បានប្រាប់អ្នកយកព័ត៌មាននៅទីក្រុងបាងកក ជាកន្លែងដែលលោកកំពុងចូលរួមកិច្ចប្រជុំកំពូល APEC ថា “ខ្ញុំចង់អរគុណមិត្តអាស៊ានរបស់យើង ជាពិសេសសម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា ដែលបានធ្វើជាប្រធានអាស៊ាន រួមទាំងមិត្តភ័ក្តិក្នុងអាស៊ាន ដែលបានប្រកាន់ខ្ជាប់យ៉ាងខ្លាំងអំពីតម្រូវការដោះលែងលោកសាស្ត្រាចារ្យ Turnell” ។
លោកនាយករដ្ឋមន្ត្រីអូស្ត្រាលីបញ្ជាក់ថា “ខ្ញុំទើបតែបាននិយាយទៅកាន់លោក Turnell ដែលត្រូវបានដោះលែងពីការជាប់ពន្ធនាគាររយៈពេល ៦៥០ ថ្ងៃដោយអយុត្តិធម៌នៅក្នុងប្រទេសមីយ៉ាន់ម៉ា” ។
លោក Turnell ត្រូវបានចាប់ខ្លួនភ្លាមៗ និងចោទប្រកាន់ពីបទបំពានច្បាប់សម្ងាត់រដ្ឋ ហើយតុលាការមីយ៉ាន់ម៉ាបានកាត់ទោសអតីតទីប្រឹក្សារបស់លោកស្រី អ៊ុងសាន ស៊ូជី រូបនេះឲ្យជាប់ពន្ធនាគាររយៈពេល ៣ ឆ្នាំ ។
គួរបញ្ជាក់ថា កាលពីថ្ងៃព្រហស្បតិ៍ មេដឹកនាំយោធាមីយ៉ាន់ម៉ាបានដោះលែងអ្នកទោសជិត ៦,០០០ នាក់ សម្រាប់ទំនាក់ទំនងជាមួយប្រទេសផ្សេងទៀត និងសម្រាប់គោលបំណងមនុស្សធម៌ផងដែរ ខណៈក៏ដើម្បីអបអរថ្ងៃបុណ្យជាតិរបស់មីយ៉ាន់ម៉ាផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ Reuters
ចុចអាន ៖ មីយ៉ាន់ម៉ា ដោះលែងអ្នកទោស ៦,០០០ នាក់ រួមទាំងអតីតទីប្រឹក្សាលោកស្រី អ៊ុងសាន ស៊ូជី
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង