ការផ្ទុះភ្នំភ្លើងដ៏ធំ នៅក្នុងប្រទេសរុស្ស៊ី ជិតកើតឡើងហើយ (មានវីដេអូ)

អ្នកជំនាញភ្នំភ្លើងក្នុងតំបន់បានព្រមានថា ការផ្ទុះភ្នំភ្លើងដ៏ខ្លាំងក្លា ត្រូវបានគេរំពឹងថាជិតកើតឡើងហើយ នោក្នុងតំបន់ចុងបូព៌ា ប្រទេសរុស្ស៊ី។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ក្រុមអ្នកស្រាវជ្រាវនិយាយថា ភ្នំភ្លើងដ៏ធំបំផុតមួយក្នុងតំបន់ Kamchatka ឈ្មោះ Shiveluch បានបញ្ចេញសកម្មភាពកាន់តែខ្លាំងក្នុងរយៈពេលប៉ុន្មានថ្ងៃថ្មីៗនេះ។

នៅក្នុងសេចក្តីថ្លែងការណ៍មួយដែលដកស្រង់ដោយសារព័ត៌មានរុស្ស៊ី Ria Novosti កាលពីថ្ងៃអាទិត្យទី២០ខែវិច្ឆិកា លោក Aleksey Ozerov នាយកវិទ្យាស្ថានភ្នំភ្លើង និងរញ្ជួយដីនៅចុងបូព៌ានៃបណ្ឌិត្យសភាវិទ្យាសាស្ត្ររុស្ស៊ី បានព្រមានថា “មាត់ភ្នំភ្លើងកំពុងបញ្ចេញកម្តៅយ៉ាងខ្លាំង”។

លោក Ozerov កត់សម្គាល់ថា “នៅពេលយប់ មាត់ភ្នំភ្លើងបានបញ្ចេញពន្លឺ កម្អែកំពុងហូរចុះពីភ្នំភ្លើង ជាមួយសីតុណ្ហភាពកើនឡើងដល់ ១០០០អង្សាសេ។ សញ្ញាទាំងអស់នេះ ជាធម្មតាកើតឡើងមុនការផ្ទុះដ៏ខ្លាំងក្លា”។

ស្របពេលជាមួយគ្នានោះ ក្រុមអ្នកស្រាវជ្រាវភ្នំភ្លើង បានចេញការព្រមានអាកាសចរណ៍ “ពណ៌ទឹកក្រូច” នៅក្នុងតំបន់នេះ ហើយណែនាំប្រជាពលរដ្ឋ ឲ្យស្ថិតនៅចម្ងាយយ៉ាងតិច១៥គីឡូម៉ែត្រពីភ្នំភ្លើង ព្រោះការផ្ទុះដ៏ធំអាចកើតឡើងគ្រប់ពេល៕

សូមទស្សនាវីដេអូ៖

ប្រែសម្រួល៖ Vann Vann

ប្រភព៖ RT

ចុចអាន៖ ផ្ទុះឆេះទីលានកណ្ដាលទីក្រុងរបស់ រុស្ស៊ី មានទាំងអ្នកស្លាប់ផងដែរ