Connect with us

ព័ត៌មានអន្ដរជាតិ

រុស្ស៊ី បញ្ជូនគ្រូបង្វឹកបោសសំអាតគ្រាប់យុទ្ធភ័ណ្ឌមិនទាន់ផ្ទុះជួយដល់ ឡាវ

បានផុស

នៅ

រុស្ស៊ីបានបញ្ជូនក្រុមអ្នកជំនាញមួយក្រុមទៅជួយប្រទេសឡាវដើម្បីបង្វឹកលើជំនាញបោសសំអាតគ្រាប់យុទ្ធភ័ណ្ឌមិនទាន់ផ្ទុះដែលបន្សល់ទុកដោយយោធាអាមេរិកក្នុងអំឡុងសង្គ្រាមឥណ្ឌូចិន បើទោះជាសង្គ្រាមត្រូវបានបញ្ចប់ជាច្រើនឆ្នាំមកហើយក៏ដោយ ប៉ុន្តែបច្ចុប្បន្ននេះនៅតែមានពលរដ្ឋឡាវស្លាប់ និងរងរបួសជាច្រើនដោយសារគ្រាប់បែកដែលនៅកប់ក្នុងដីជាច្រើនលានគ្រាប់។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

កាលពីថ្ងៃទី២១ ខែវិច្ឆិកា ឆ្នាំ២០២២ មានពិធីកិច្ចបើកប្រតិបត្តិការរួមគ្នារុករក បោសសំអាត និងកំទេចគ្រាប់យុទ្ធភ័ណ្ឌមិនទាន់ផ្ទុះដែលនៅសេសសល់ក្នុងទឹកដីប្រទេសឡាវសម្រាប់ឆ្នាំ ២០២២-២០២៣ ដែលជាកិច្ចសហប្រតិបត្តិការរវាងក្រសួងការពារជាតិឡាវ និងក្រសួងការពារជាតិសហព័ន្ធរុស្ស៊ី។

ការបើកប្រតិបត្តិការរួមគ្នាដើម្បីរុករក និងបោសសំអាតគ្រាប់លើកនេះ នឹងត្រូវធ្វើឡើងនៅក្នុងភូមិសាស្ត្រស្រុកណាកាយ ខេត្តខាំមួន លើផ្ទៃដីសរុប ៥៦,៣ហិកតា ដោយគេរំពឹងថា នៅមានគ្រាប់បែក ឬគ្រាប់យុទ្ធភ័នណ្ឌមិនទាន់ផ្ទុះបន្សល់ទុកសម្រាប់ឱ្យក្រុមប្រតិបត្តិការចម្រុះនៃប្រទេសទាំង២ រុករកលើផ្ទៃដីដែលបានត្រៀមទុក។

អនុរដ្ឋមន្ត្រីក្រសួងការពារជាតិឡាវ លោកឧត្តមសេនីយត្រី ចាន់ថង សនតាអាត (Chanthong Sonta-at) បាននិយាយថា ប្រទេសឡាវ គឺជាប្រទេសដែលរងផលប៉ះពាល់យ៉ាងខ្លាំងពីគ្រាប់បែកដែលបានបន្សល់ទុកក្នុងសម័យសង្គ្រាមឥណ្ឌូចិន។ ក្នុងអំឡុងឆ្នាំ ១៩៦៤-១៩៧៣ កងទ័ពអាមេរិកបាននាំយន្តហោះមកទម្លាក់គ្រាប់បែកនៅក្នុងទឹកដីប្រទេសឡាវចំនួនជាង ៥៨០,០០០ជើង ជាមួយនឹងគ្រាប់បែកប្រភេទផ្សេងៗដែលត្រូវបានទម្លាក់ក្នុងប្រទេសឡាវមានទម្ងន់សរុបជាង ៣លានតោន ក្នុងនោះមានគ្រាប់បែកចង្កោមចំនួន ២៧០លានគ្រាប់ និងគ្រាប់បែកធុនធំប្រមាណ ៤លានគ្រាប់។

បើយោងតាមការស្រាវជ្រាវរបស់អ្នកជំនាញបានរកឃើញថា បច្ចុប្បន្ននៅមានគ្រាប់បែកប្រហែល ៨០លានគ្រាប់នៅកប់ក្រោមដីនៅក្នុងប្រទេសឡាវនៅឡើយ ដែលស្មើនឹងប្រមាណ ៣០% នៃចំនួនគ្រាប់បែកទាំងអស់ដែលសហរដ្ឋអាមេរិកទម្លាក់ក្នុងអំឡុងពេលសង្រ្គាម។ ហើយផ្ទៃដីដែលត្រូវបានទម្លាក់គ្រាប់បែកមានប្រហែល ២/៣ នៃផ្ទៃដីសរុបរបស់ប្រទេសឡាវ។

ទន្ទឹមគ្នានេះ មជ្ឈមណ្ឌលកម្ចាត់គ្រាប់បែករបស់រុស្ស៊ីបានបញ្ជូនអ្នកជំនាញមកបណ្តុះបណ្តាលបោសសំអាតគ្រាប់ដល់ឡាវចំនួន ៩៩នាក់ ដើម្បីពង្រឹងសមត្ថភាពប្រតិបត្តិការ៕

ប្រែសម្រួល៖​ គង់ សំអាន

ប្រភព៖ Mgronline

ចុចអាន៖ រុស្ស៊ី ចាំតែនាំចេញជីទៅកាន់ទីផ្សារពិភពលោកប៉ុណ្ណោះ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ជីវិតកម្សាន្ដ១២ នាទី មុន

ក្រុម Apink នឹងត្រលប់មកវិញ ជាមួយអាល់ប៊ុមថ្មីនៅឆ្នាំ ២០២៣

ព័ត៌មានអន្ដរជាតិ១៨ នាទី មុន

លោក ពូទីន បញ្ជាក់ច្បាស់ៗពីមូលហេតុ ដែលរុស្ស៊ី វាយប្រហារហេដ្ឋារចនាសម្ព័ន្ធអ៊ុយក្រែន

កីឡា៤៤ នាទី មុន

មាន៤ពិន្ទុដូចគ្នា គ្រាប់បាល់កាត់កងក៏ស្មើគ្នា ចុះហេតុអ្វី កូរ៉េខាងត្បូងឡើង អ៊ុយរូហ្គាយធ្លាក់?

សន្តិសុខសង្គម៤៧ នាទី មុន

សមត្ថកិច្ចឃាត់ខ្លួនជនសង្ស័យ​៧នាក់ ជាបន្តបន្ទាប់ ពាក់ព័ន្ធករណីកាច់កម៉ូតូ​ និងប្លន់ប្រដាប់អាវុធ

កីឡា៥៩ នាទី មុន

អត្តពលិកប្រណាំងម៉ូតូ Kara ៤៨នាក់ នឹងចូលរួមប្រកួតប្រជែង​ដណ្ដើមពានរង្វាន់​ប្រណាំងម៉ូតូ​លើវាលរាប

Sokha Hotels

ព័ត៌មានពេញនិយម