ព័ត៌មានអន្ដរជាតិ
យោធាមីយ៉ាន់ម៉ា ប្រារព្ធទិវាឯករាជ្យជាតិ ជាមួយនឹងការបង្ហាញ សព្វាវុធ
កងទ័ពមីយ៉ាន់ម៉ា និងសព្វាវុធ បានដង្ហែតាមរដ្ឋធានី ណៃពិដោ ដើម្បីប្រារព្ធទិវាឯករាជ្យរបស់ប្រទេសនេះ នៅថ្ងៃពុធទី០៤ខែមករា ពោលគឺប៉ុន្មានថ្ងៃ បន្ទាប់ពីយោធា បានកាត់ទោសមេដឹកនាំប្រជាធិបតេយ្យលោកស្រី អ៊ុងសាន ស៊ូជី ឲ្យជាប់ពន្ធនាគាររយៈពេល៣៣ឆ្នាំ។
ផ្នែកដ៏ធំនៃប្រទេសអាស៊ីអាគ្នេយ៍មួយនេះ បានធ្លាក់ចូលក្នុងការប្រយុទ្ធគ្នារវាងកងទ័ពរដ្ឋាភិបាល និងក្រុមឧទ្ទាមប្រឆាំងរដ្ឋប្រហារ ចាប់តាំងពីយោធាដណ្តើមអំណាច កាលពីជិតពីរឆ្នាំមុន។
អ្នកឆ្លើយឆ្លងព័ត៌មាន AFP បានរាយការណ៍ថា រថក្រោះ មីស៊ីល និងរថពាសដែក បានធ្វើដំណើរនាពេលព្រឹកព្រលឹម ឆ្ពោះទៅកាន់ទីលានព្យុហយាត្រាក្នុងរដ្ឋធានី ដោយចាប់ផ្តើមក្បួនព្យុហយាត្រាយោធារំលឹកខួបលើកទី៧៥ ចាប់តាំងពីមីយ៉ាន់ម៉ា ទទួលបានឯករាជ្យពីចក្រភពអង់គ្លេស។
មន្ត្រីរដ្ឋការ និងសិស្សវិទ្យាល័យ បានដើរតាមកងទ័ព អមដោយក្រុមតន្រ្តីយោធា។ ស្របពេលជាមួយគ្នានោះ ប្រមុខរដ្ឋាភិបាលលោក មីន អ៊ុងឡាំង ត្រូវបានស្វាគមន៍ដោយការបាញ់កាំជ្រួច ២១ដើម នៅពេលលោកមកដល់ទីលានដង្ហែ។
យោងតាមកាសែតរដ្ឋ Global New Light of Myanmar បានឲ្យដឹងថា ប្រធានាធិបតីរុស្ស៊ី លោក វ្ល៉ាឌីមៀរ ពូទីន ក៏បានផ្ញើសារ ស្វាគមន៍ដោយស្មោះ និងទន្ទឹងរង់ចាំការអភិវឌ្ឍន៍ទំនាក់ទំនងបន្ថែមទៀតផងដែរ។
រុស្ស៊ីគឺជាសម្ព័ន្ធមិត្តដ៏សំខាន់ និងជាអ្នកផ្គត់ផ្គង់សព្វាវុធឲ្យយោធាមីយ៉ាន់ម៉ា។
មីយ៉ាន់ម៉ា បានប្រកាសឯករាជ្យពីការគ្រប់គ្រងអាណានិគមអង់គ្លេសនៅថ្ងៃទី ៤ ខែមករា ឆ្នាំ១៩៤៨ បន្ទាប់ពីមានការប្រយុទ្ធដ៏យូរ ក្រោមការដឹកនាំដោយលោកឧត្តមសេនីយ៍ អ៊ុងសាន ដែលជាឪពុករបស់មេដឹកនាំស៊ីវិលលោកស្រី ស៊ូជី៕
ប្រែសម្រួល៖ Vann Vann
ប្រភព៖ CNA
ចុចអាន៖ យោធា មីយ៉ាន់ម៉ា ត្រៀមតែចរចាជាមួយលោកស្រី អ៊ុងសាន ស៊ូជី ប៉ុណ្ណោះ ក្រោយកាត់ទោសរួច
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ