ព័ត៌មានអន្ដរជាតិ
ណាតូ និង EU ប្តេជ្ញាគាំទ្រ អ៊ុយក្រែន បន្ថែមទៀត (មានវីដេអូ)
នៅថ្ងៃពុធទី១១ខែមករានេះ អង្គការសន្ធិសញ្ញាអាត្លង់ទិកខាងជើង (ណាតូ) និងសហភាពអឺរ៉ុប (EU) បានប្តេជ្ញាថា នឹងជំរុញការគាំទ្ររបស់ពួកគេសម្រាប់អ៊ុយក្រែន ដើម្បីប្រយុទ្ធប្រឆាំងនឹងការវាយលុករបស់រុស្ស៊ី ហើយបង្កើនកិច្ចសហប្រតិបត្តិការរវាងអឺរ៉ុប និងសម្ព័ន្ធមិត្តដឹកនាំដោយសហរដ្ឋអាមេរិកមួយនេះ។
ប្រមុខអង្គការណាតូ លោក Jens Stoltenberg បាននិយាយបន្ទាប់ពីចុះហត្ថលេខាលើសេចក្តីប្រកាសរួមមួយជាមួយមន្ត្រីកំពូលរបស់ EU ថា “យើងត្រូវតែបន្តពង្រីកភាពជាដៃគូរវាងណាតូ និង EU ហើយយើងត្រូវតែពង្រឹងបន្ថែមទៀតនូវការគាំទ្ររបស់យើងចំពោះអ៊ុយក្រែន”។
ប្រទេសនៅក្នុងអង្គការណាតូ និង EU បានបញ្ជូនសព្វាវុធក្នុងទំហំទឹកប្រាក់រាប់ពាន់លានដុល្លារទៅឲ្យទីក្រុងកៀវ ដើម្បីជួយវាយតបតកងកម្លាំងទីក្រុងមូស្គូ។
សហរដ្ឋអាមេរិក អាល្លឺម៉ង់ និងបារាំងបានប្រកាសថា ឥឡូវនេះពួកគេក៏នឹងផ្គត់ផ្គង់ដល់ អ៊ុយក្រែននូវរថពាសដែកប្រយុទ្ធផងដែរ ប៉ុន្តែទីក្រុងកៀវ បានអង្វរសុំឲ្យបញ្ជូនរថក្រោះធុនធ្ងន់ទំនើបៗថែមទៀត។
លោក Stoltenberg បន្តថា អ្នកគាំទ្រលោកខាងលិចរបស់ទីក្រុងកៀវ នឹងជួបប្រជុំនៅសប្តាហ៍ក្រោយ ជាមួយរដ្ឋមន្ត្រីការពារជាតិអ៊ុយក្រែន ដើម្បីពិភាក្សាឲ្យច្បាស់អំពីប្រភេទអាវុធដែលត្រូវការ ហើយតើសម្ព័ន្ធមិត្តនេះ អាចផ្តល់អាវុធទាំងនោះដោយរបៀបណា។
ស្របពេលជាមួយគ្នានោះ ប្រធានគណៈកម្មការអឺរ៉ុប លោកស្រី Ursula von der Leyen បាននិយាយថា “ខ្ញុំគិតថា អ៊ុយក្រែនគួរតែទទួលបានឧបករណ៍យោធាចាំបាច់ទាំងអស់តាមដែលពួកគេត្រូវការ ដូច្នេះ ពួកគេអាចដោះស្រាយបានដើម្បីការពារមាតុភូមិ”៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ CNA
ចុចអាន៖ រុស្ស៊ី ព្រមានប្រទេសជិត អ៊ុយក្រែន មួយទៀត ជុំវិញកិច្ចសហប្រតិបត្តិការ យោធាជាមួយ ណាតូ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៤ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ព័ត៌មានអន្ដរជាតិ៦ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង