ព័ត៌មានអន្ដរជាតិ
រុស្ស៊ី ព្រមានប្រទេសជិត អ៊ុយក្រែន មួយទៀត ជុំវិញកិច្ចសហប្រតិបត្តិការយោធាជាមួយ ណាតូ
អ្នកការទូតជាន់ខ្ពស់រុស្ស៊ីម្នាក់បានព្រមានប្រទេសម៉ុលដាវីថា កិច្ចសហប្រតិបត្តិការយោធាកាន់តែជិតស្និទ្ធរបស់ប្រទេសនេះជាមួយលោកខាងលិច និងអង្គការណាតូអាចនាំទៅរកគ្រោះមហន្តរាយ ។
អនុរដ្ឋមន្ត្រីការបរទេសរុស្ស៊ី លោក Mikhail Galuzin បាននិយាយអំពីប្រទេសម៉ុលដាវី ដែលជាអ្នកជិតខាងរបស់អ៊ុយក្រែន នៅក្នុងបទសម្ភាសន៍ជាមួយប្រព័ន្ធផ្សព្វផ្សាយរដ្ឋរុស្ស៊ីថា កិច្ចសហប្រតិបត្តិការកាន់តែជិតស្និទ្ធរបស់ម៉ុលដាវី ជាមួយអង្គការណាតូ មិនបានបន្ថែមលើសន្តិសុខរបស់ខ្លួនឡើយ ប៉ុន្តែវានាំឲ្យខិតទៅជិតគ្រោះមហន្តរាយទៅវិញទេ ។
លោក Galuzin ដែលទទួលបន្ទុកទំនាក់ទំនងជាមួយរដ្ឋឯករាជ្យ Commonwealth (CIS) បាននិយាយថា ប្រទេសម៉ុលដាវីគួរតែអាចមើលឃើញយ៉ាងច្បាស់អំពីបទពិសោធន៍ដ៏សោកសៅរបស់អ៊ុយក្រែនហើយ ។
ការព្រមានរបស់អ្នកការទូតជាន់ខ្ពស់របស់រុស្ស៊ីរូបនេះបានកើតឡើង បន្ទាប់ពីកន្លងមកប្រធានទីភ្នាក់ងារចារកម្មប្រទេសម៉ុលដាវីបានប្រាប់សារព័ត៌មានក្នុងស្រុកថា រុស្ស៊ីអាចឈ្លានពានប្រទេសនេះនៅដើមឆ្នាំក្រោយ ។
គួរបញ្ជាក់ថា តំបន់ផ្តាច់ខ្លួន Transdniestria ដែលគាំទ្រដោយរុស្ស៊ីក្នុងប្រទេសម៉ុលដាវីបានប្រកាសឯករាជ្យជាឯកតោភាគី ហើយបាននិងកំពុងធ្វើជាមូលដ្ឋាននៃកងកម្លាំងរុស្ស៊ី ខណៈរដ្ឋាភិបាលរបស់ប្រទេសម៉ុលដាវី ក្រោមការដឹកនាំរបស់លោកស្រីប្រធានាធិបតី Maia Sandu ក៏កំពុងតាមដានយ៉ាងដិតដល់លើចំណាត់ការរបស់យោធារុស្ស៊ីផងដែរ ៕
ប្រែសម្រួលដោយ ៖ ជីវ័ន្ត
ប្រភព ៖ NHK
ចុចអាន ៖ ដឹងទេ សង្គ្រាមលុកលុយរបស់ រុស្ស៊ី លើ អ៊ុយក្រែន អូសបន្លាយពេលប៉ុន្មាន រយថ្ងៃហើយ?
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ