Connect with us

ព័ត៌មានអន្ដរជាតិ

ចិន មិនអនុញ្ញាតឲ្យតំបន់ប៉ាស៊ីហ្វិកក្លាយជាចំណុចក្ដៅសម្រាប់ជម្លោះភូមិ​សាស្រ្តនយោបាយនោះទេ

បានផុស

នៅ

អ្នកនាំពាក្យក្រសួងការបរទេសចិនលោក Wang Wenbin បានប្រកាសកាលពីពេលថ្មីៗនេះថា ទីក្រុងប៉េកាំងនឹងមិនអនុញ្ញាតឲ្យតំបន់អាស៊ីប៉ាស៊ីហ្វិកក្លាយជាចំណុចក្តៅសម្រាប់ជម្លោះភូមិសាស្ត្រនយោបាយនោះទេ ហើយនឹងការពារអធិបតេយ្យភាព និងបូរណភាពរបស់ខ្លួន ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ថ្លែងនៅក្នុងសន្និសីទសារព័ត៌មានមួយ បន្ទាប់ពីគណៈប្រតិភូអាល្លឺម៉ង់ដែលមានសមាជិក ១០ នាក់បានអញ្ជើញមកបំពេញទស្សនកិច្ចកោះនេះនៅថ្ងៃអង្គារ ទី១០ ខែមករា, លោក Wang Wenbin បានឆ្លើយតបថា “សំណួរ និងចម្លើយដដែលគឺថា តៃវ៉ាន់នៅតែជាស្នូលនៃផលប្រយោជន៍របស់ចិន” ហើយបានជំរុញឲ្យទីក្រុងប៊ែរឡាំងគោរពគោលការណ៍ចិនតែមួយ ដោយទទួលស្គាល់ថា តៃវ៉ាន់គឺជាផ្នែកដែលមិនអាចកាត់ផ្តាច់បានរបស់ចិន ។

លោក Wang បាននិយាយទៀតថា “មូលហេតុដើមនៃភាពតានតឹងជាប្រវត្តិសាស្ត្ររវាងតៃវ៉ាន់ និងចិនគឺ ដោយសារតែការអនុវត្តច្បាប់ព្រៃ អនុត្តរភាព អាណានិគមនិយម និងយោធានិយមដែលបានធ្វើឲ្យប្រទេសចិនរងទុក្ខយ៉ាងធ្ងន់ធ្ងរអស់រយៈពេលជាច្រើនឆ្នាំ” ។

អ្នកការទូតបានព្រមានថា “ប្រជាជនចិនបានប្តេជ្ញាចិត្តរួចហើយក្នុងការប្រយុទ្ធប្រឆាំងនឹងចក្រពត្តិនិយម អនុត្តរភាព និងអាណានិគមនិយម ហើយក៏ប្ដេជ្ញារក្សាអធិបតេយ្យភាព បូរណភាពទឹកដី និងសេចក្តីថ្លៃថ្នូរជាតិផងដែរ ។ យើងនឹងមិនអនុញ្ញាតឲ្យកងកម្លាំងណាមួយបង្វែរអាស៊ីប៉ាស៊ីហ្វិកទៅជាវេទិកានៃល្បែងភូមិសាស្ត្រនយោបាយម្តងទៀតឡើយ” ។

តៃវ៉ាន់មិនដែលបានប្រកាសឯករាជ្យជាផ្លូវការពីទីក្រុងប៉េកាំងនោះទេ ប៉ុន្តែត្រូវបានគ្រប់គ្រងដោយខ្លួនឯង ចាប់តាំងពីចុងបញ្ចប់នៃសង្គ្រាមស៊ីវិលចិនក្នុងឆ្នាំ ១៩៤៩ នៅពេលដែលអ្នកជាតិនិយមដែលកំពុងប្រយុទ្ធនៅក្រោមពួកគួមីនតាង ត្រូវបានកម្ចាត់ដោយកងកម្លាំងកុម្មុយនិស្ត ហើយបានភៀសខ្លួនទៅកាន់កោះនេះ ។

ទន្ទឹមនោះ ភាពតានតឹងរវាងទីក្រុងប៉េកាំង និងតៃប៉ិក៏កាន់តែក្ដីដូចបាយពុះ បន្ទាប់ពីដំណើរទស្សនកិច្ចរបស់ប្រធានសភាអាមេរិកលោកស្រី Nancy Pelosi ទៅកាន់កោះនេះកាលពីខែសីហា ។

ពាក់ព័ន្ធនឹងបញ្ហានេះដែរ ប្រទេសចិនបានព្រមានម្តងហើយម្តងទៀតថា នឹងប្រើប្រាស់មធ្យោបាយចាំបាច់ទាំងអស់ដើម្បីបង្កើតការគ្រប់គ្រងពេញលេញលើកោះនេះ ប៉ុន្តែទោះយ៉ាងណាចិននៅតែទទូចថា ក៏នឹងស្វែងរកដំណោះស្រាយតាមលក្ខណៈការទូតផងដែរ ។

ទន្ទឹមនោះ កាលពីថ្ងៃចន្ទ ទីក្រុងប៉េកាំងបានប្រកាសសមយុទ្ធយោធាថ្មីមួយនៅជិតកោះតៃវ៉ាន់ ដើម្បីឆ្លើយតបទៅនឹងដំណើរទស្សនកិច្ចរបស់សមាជិកសភាអាល្លឺម៉ង់ និងលីទុយអានី ទៅកាន់កោះនេះ ។ យោងតាមអ្នកនាំពាក្យយោធាចិន បានឲ្យដឹងថា សមយុទ្ធនេះនឹងរួមបញ្ចូលទាំងសមយុទ្ធដែនសមុទ្រ និងលំហអាកាស ហើយនឹងផ្តោតលើការវាយលុកតាមដីគោក និងតាមអាកាស ៕

ប្រែសម្រួលដោយ ៖ ជីវ័ន្ត

ប្រភព ៖ RT

ចុចអាន ៖ ចិន ប្តូរតួនាទីអ្នកនាំពាក្យក្រសួងការបរទេស ដែលនិយាយមិនសំចៃមាត់

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

ព័ត៌មានអន្ដរជាតិ១ ម៉ោង មុន

ស្ត្រីវៀតណាមដែលបានលក់ផ្លែពុទ្រាក្នុងតម្លៃថ្លៃទៅឱ្យភ្ញៀវទេសចរម្នាក់ ត្រូវរងការព្រមានពីអាជ្ញាធរ

ព័ត៌មានជាតិ១ ម៉ោង មុន

ក្រសួង​ការងារ និង​បណ្តុះបណ្តាល​វិជ្ជាជីវៈ បើក​វគ្គ​បណ្តុះបណ្តាល​លើ​ជំនាញ​ផ្នែក​កំបោរ​ក្នុង​វិស័យ​សំណង់

ព័ត៌មានជាតិ២ ម៉ោង មុន

ក្រសួងការងារ៖ ការបំផ្លើសព័ត៌មានអំពីការបើកប្រាក់ឈ្នួលដល់កម្មករ Y & W នៅថ្ងៃស្អែកនេះ ជាព័ត៌មានមិនពិត

ព័ត៌មានជាតិ២ ម៉ោង មុន

មន្ត្រីជំនាញខេត្តកំពង់ចាម ចុះព្រមានម្ចាស់យានដ្ឋាន កែច្នៃ ឧបករណ៍បំពងសំឡេងខុសបច្ចេកទេស

ព័ត៌មានជាតិ៤ ម៉ោង មុន

នៅខែមេសា-ឧសភា កម្ពុជានឹងក្ដៅខ្លាំង កម្រិត៣៨°C និងមានបាតុភូតផ្គរ រន្ទះ និងខ្យល់កន្ត្រាក់

Sokha Hotels

ព័ត៌មានពេញនិយម