ព័ត៌មានអន្ដរជាតិ

រុស្ស៊ី ថា ការផ្ដល់អាវុធឲ្យ អ៊ុយក្រែន មិនអាចបង្អាក់គោលដៅប្រតិបត្តិការយោធាពិសេសនោះទេ

បានផុស

៣ years មុន

នៅ

ថ្ងៃសុក្រ ១៣ មករា ២០២៣

ដោយ

អ្នកនាំពាក្យក្រសួងការបរទេសរុស្ស៊ីលោកស្រី Maria Zakharova បានប្រាប់សន្និសីទសារព័ត៌មានកាលពីថ្ងៃព្រហស្បតិ៍ថា ទោះបីជាលោកខាងលិចផ្ដល់អាវុធវាយប្រហារឲ្យរដ្ឋាភិបាលទីក្រុងកៀវក្នុងទំហំណាក៏ដោយ ក៏មិនអាចបង្អាក់រុស្ស៊ីពីការសម្រេចបាននូវគោលដៅប្រតិបត្តិការយោធាពិសេសនៅអ៊ុយក្រែនបានដែរ ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ទីក្រុងមូស្គូបានចាត់ទុកផែនការបែបនេះ គឺជាការបន្តគោលនយោបាយរបស់លោកខាងលិច ហើយវាក៏ជាចេតនាធ្វើឲ្យជម្លោះកាន់តែកើនឡើង ជាពិសេសការអូសបន្លាយពេលនេះ គឺរឹតតែធ្វើឲ្យប្រជាជនអ៊ុយក្រែនឈឺចាប់” ។

ទន្ទឹមនោះ ការលើកឡើងរបស់លោកស្រី Zakharova ក៏បានកើតឡើង ស្របពេលដែលទីក្រុងមូស្គូព្រមានដល់ប្រទេសបារាំង ពាក់ព័ន្ធនឹងការផ្គត់ផ្គង់រថក្រោះឲ្យទីក្រុងកៀវតាមការសន្យារបស់លោកប្រធានាធិបតី Emmanuel Macron ។

គួរបញ្ជាក់ថា កាលពីថ្ងៃទី២៤ ខែកុម្ភៈ ឆ្នាំ២០២២ លោក វ្ល៉ាឌីមៀរ ពូទីន បានចាប់ផ្តើមប្រតិបត្តិការយោធាពិសេសមួយនៅអ៊ុយក្រែន ដើម្បីឆ្លើយតបនឹងសំណើសុំជំនួយពីប្រមុខនៃសាធារណរដ្ឋ Donbass ខណៈរហូតមកដល់ពេលនេះ វាមានរយៈពេលជាង ១០ ខែមកហើយ ។

បន្ទាប់មក លោកខាងលិចបានដាក់ទណ្ឌកម្មយ៉ាងខ្លាំងក្លាប្រឆាំងរុស្ស៊ី និងបង្កើនការផ្គត់ផ្គង់សព្វាវុធដល់រដ្ឋាភិបាលទីក្រុងកៀវ ដែលមានតម្លៃរាប់សិបពាន់លានដុល្លារ ៕

ប្រែសម្រួលដោយ ៖ ជីវ័ន្ត

ប្រភព ៖ TASS

ចុចអាន ៖ មកដឹងប្រាក់ចំណូលដែល រុស្ស៊ី កើបបាន ក្រៅពីប្រេង និងឧស្ម័ន

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា