ព័ត៌មានអន្ដរជាតិ

លោក Blinken ផ្អាកដំណើរទស្សនកិច្ចទៅចិន ដោយសារបាឡុងហោះ

បានផុស

៣ years មុន

នៅ

ថ្ងៃសៅរ៍ ៤ កុម្ភៈ ២០២៣

ដោយ

រដ្ឋមន្ត្រីការបរទេសអាមេរិកលោក Antony Blinken បានពន្យារពេលដំណើរទស្សនកិច្ចការទូតដែលគ្រោងទុកនៅចុងសប្តាហ៍នេះទៅកាន់ប្រទេសចិន ខណៈរដ្ឋបាលរបស់លោក Biden កំពុងថ្លឹងថ្លែងការឆ្លើយតប ចំពោះបាឡុងចិនហោះខ្ពស់លើទីតាំងដ៏រសើបនៅភាគខាងលិចសហរដ្ឋអាមេរិក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ការសម្រេចចិត្តនេះបានកើតឡើង បើទោះបីជាចិនអះអាងថា បាឡុងនោះជាផ្កាយរណបស្រាវជ្រាវអាកាសធាតុដែលហោះខុសផ្លូវក៏ដោយ។ យ៉ាងណាក្តី សហរដ្ឋអាមេរិកពណ៌នាថា វាជាផ្កាយរណបឃ្លាំមើល។

ដំណើរទស្សនកិច្ចត្រូវបានលុបចោលត្រឹមតែប៉ុន្មានម៉ោងប៉ុណ្ណោះ មុនពេលលោក Blinken នឹងត្រូវចាកចេញពីទីក្រុងវ៉ាស៊ីនតោនទៅកាន់ទីក្រុងប៉េកាំង។ នៅព្រឹកថ្ងៃសៅរ៍ទី០៤ខែកុម្ភៈ លោក Blinken បានប្រាប់សមភាគីចិនគឺលោក Wang Yi ថា ដំណើរនេះនឹងត្រូវពន្យារពេល ប៉ុន្តែលោកមានបំណងធ្វើទស្សនកិច្ចនៅថ្ងៃក្រោយ។

រដ្ឋមន្ត្រីការបរទេសអាមេរិកលោក Antony Blinken

កិច្ចប្រជុំដែលរំពឹងទុកជាយូរមកហើយរបស់លោក Blinken ជាមួយមន្ត្រីជាន់ខ្ពស់ចិន ត្រូវបានគេមើលឃើញថាជាមធ្យោបាយមួយ ដើម្បីស្វែងរកការសម្រុះសម្រួលចំពេលមានការខ្វែងគំនិតគ្នាលើបញ្ហាកោះតៃវ៉ាន់ សិទ្ធិមនុស្ស ការទាមទាររបស់ទីក្រុងប៉េកាំងនៅសមុទ្រចិនខាងត្បូង កូរ៉េខាងជើង សង្គ្រាមរុស្ស៊ីនៅអ៊ុយក្រែន គោលនយោបាយពាណិជ្ជកម្ម និងបម្រែបម្រួលអាកាសធាតុ។

តាមការគ្រោងទុក កិច្ចប្រជុំនឹងចាប់ផ្តើមនៅថ្ងៃអាទិត្យ ហើយឈានដល់ថ្ងៃចន្ទ៕

ប្រែសម្រួល៖ Vann Vann

ប្រភព៖ CBS

ចុចអាន៖ ប្រធាន សភា អាមេរិក ចោទ ចិន ថា មិន យក ចិត្ត ទុក ដាក់ ចំពោះ អធិបតេយ្យភាពរបស់ខ្លួន

ព័ត៌មានអន្ដរជាតិ១ ថ្ងៃ ago

អស់សង្ឃឹមហើយ ក្នុងការសង្គ្រោះជីវិត បុរស ២នាក់ទៀត ដែលជាប់ក្នុងរូងភ្នំ នៅឡាវ

សេចក្ដីជូនដំណឹង៣ ថ្ងៃ ago

ក្រុមហ៊ុន Danone ប្រារព្ធទិវាកុមារអន្តរជាតិ និងយុទ្ធនាការសុវត្ថិភាពចំណីអាហារដើម្បីបន្តកាត់បន្ថយភាពស្លេកស្លាំងដោយសារកង្វះជាតិដែកក្នុងភាពជាដៃគូជាមួយក្រសួងអប់រំ យុវជន និងកីឡា