ព័ត៌មានអន្ដរជាតិ
រុស្ស៊ី ព្រមាន អាមេរិក ថានឹងមិននៅស្ងៀមរឿងបំផ្ទុះបំពង់បង្ហូរប្រេង Nord Stream ងាយៗនោះទេ
ស្ថានទូតរុស្ស៊ីប្រចាំនៅសហរដ្ឋអាមេរិកបាននិយាយនៅថ្ងៃព្រហស្បតិ៍នេះថា ទីក្រុងមូស្គូនឹងមិនបញ្ចប់ ឬក៏នៅស្ងៀមចំពោះសកម្មភាពរបស់អាមេរិក ពាក់ព័ន្ធនឹងការបំផ្ទុះបំពង់បង្ហូរប្រេង Nord Stream ឡើយ ។
លោក Igor Girenko អ្នកនាំពាក្យស្ថានទូតរុស្ស៊ីបាននៅលើបណ្ដាញ Telegram ថា អាមេរិកមិនអាចបង្វែរដានចំពោះបញ្ហាបំផ្ទុះបំពង់ថាមពលដ៏សំខាន់នេះបានទេ ជាពិសេសត្រូវតែផ្តល់ការពិត ដោយសារមានភស្តុតាងជាច្រើននៅបាតសមុទ្រ ។
ជាមួយការបំផ្ទុះនេះ រុស្ស៊ីចាត់ទុកថា ជាអំពើភេរវកម្មអន្តរជាតិ ដែលទាមទារឲ្យមានការស៊ើបអង្កេតទ្រង់ទ្រាយធំ និងឯករាជ្យបំផុត ហើយអាមេរិកគួរតែទម្លាក់ចោលការចោទប្រកាន់ដោយគ្មានមូលដ្ឋានប្រឆាំងនឹងរុស្ស៊ី ហើយងាកទៅរកវិធីដោះស្រាយជំនួសវិញល្អជាង ។
គួររំឭកថា ករណីផ្ទុះនេះ កើតឡើងនៅថ្ងៃទី ២៦ ខែកញ្ញា ឆ្នាំ២០២២ ដោយបំពង់បង្ហូរឧស្ម័ន Nord Stream 1 និង Nord Stream 2 ចំនួន ៣ ខ្សែនៅបាតសមុទ្រ ត្រូវបានខូចខាត ។
ទន្ទឹមនោះកាលពីសប្តាហ៍មុន អ្នកកាសែតស៊ើបអង្កេតដ៏ល្បីល្បាញរបស់អាមេរិកឈ្មោះ Seymour Hersh ក៏បានចេញផ្សាយរបាយការណ៍មួយ ដោយបន្ទោសលើទីក្រុងវ៉ាស៊ីនតោនចំពោះការបំផ្លិចបំផ្លាញបំពង់បង្ហូរ Nord Stream មួយនេះផងដែរ ។
ស្របពេលជាមួយគ្នានេះ រដ្ឋាភិបាលអាមេរិកក៏បានចេញមកបដិសេធម្តងហើយម្តងទៀតផងដែរ អំពីការជាប់ពាក់ព័ន្ធក្នុងការបំផ្ទុះបំពង់បង្ហូរប្រេងរបស់រុស្ស៊ីមួយនេះ ខណៈដែលរដ្ឋាភិបាលរុស្ស៊ីបានទាមទារឲ្យមានការស៊ើបអង្កេតបើកចំហ ហើយថែមទាំងបានកោះហៅកិច្ចប្រជុំក្រុមប្រឹក្សាសន្តិសុខជាបន្ទាន់នៅសប្តាហ៍ក្រោយ ៕
ប្រែសម្រួលដោយ ៖ នាង រតនៈ
ប្រភព ៖ Sputnik
ចុចអាន ៖ អាមេរិក ថា ប្រទេសទាំងអស់ គួរតែព្រមានចិន ប្រឆាំងនឹងជម្លោះតៃវ៉ាន់
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ
-
ព័ត៌មានអន្ដរជាតិ៧ ថ្ងៃ ago
នាវាចម្បាំងថៃ ច្រឡំដៃបាញ់កាំភ្លើងធំ ចំនាវាគ្នាឯង