ព័ត៌មានអន្ដរជាតិ
រុស្ស៊ី៖ ឧប្បត្តិហេតុយន្តហោះគ្មានមនុស្សបើក បញ្ជាក់ពីការចូលរួមរបស់អាមេរិក នៅក្នុងជម្លោះអ៊ុយក្រែន (មានវីដេអូ)
លេខាធិការក្រុមប្រឹក្សាសន្តិសុខរុស្ស៊ីលោក Nikolai Patrushev បានប្រកាសថា ទីក្រុងមូស្គូនឹងព្យាយាមស្រង់បំណែកយន្តហោះគ្មានមនុស្សបើក MQ-9 Reaper របស់អាមេរិក ដែលធ្លាក់ចូលទៅក្នុងសមុទ្រខ្មៅកាលពីថ្ងៃអង្គារទី១៤ខែមីនា។

ថ្លែងលើទូរទស្សន៍សហព័ន្ធរុស្ស៊ី Rossiya 1 កាលពីថ្ងៃពុធ មន្ត្រីរូបនេះបានទទួលស្គាល់ថា លោកមិនដឹងថាតើរុស្ស៊ីអាចធ្វើដំណើរទៅដល់កន្លែងធ្លាក់យន្តហោះគ្មានមនុស្សបើកបានឬក៏អត់នោះទេ ប៉ុន្តែសង្កត់ធ្ងន់ថា វាមានសារសំខាន់ណាស់ ក្នុងកិច្ចខិតខំប្រឹងប្រែងស្វែងរក និងសិក្សាពីបំណែកយន្តហោះនោះ។
លោក Patrushev ក៏បានអះអាងផងដែរថា “អាមេរិក នៅតែបន្តនិយាយថា ពួកគេមិនចូលរួមក្នុងអរិភាពនៅប្រទេសអ៊ុយក្រែនទេ ប៉ុន្តែឧប្បត្តិហេតុជាមួយយន្តហោះគ្មានមនុស្សបើកចុងក្រោយនេះគឺជា ការបញ្ជាក់មួយផ្សេងទៀតដែលថា សហរដ្ឋអាមេរិកគឺពាក់ព័ន្ធដោយផ្ទាល់នៅក្នុងជម្លោះយោធាដែលកំពុងបន្ត”។

សេចក្តីថ្លែងការណ៍របស់លេខាធិការនេះ ធ្វើឡើងបន្ទាប់ពីទីបញ្ជាការអឺរ៉ុបរបស់ទីក្រុងវ៉ាស៊ីនតោន (EUCOM) បានរាយការណ៍ថា យន្តហោះគ្មានមនុស្សបើក MQ-9 Reaper មួយគ្រឿងរបស់ខ្លួន បានធ្លាក់នៅសមុទ្រខ្មៅកាលពីព្រឹកថ្ងៃអង្គារ ដោយសារតែសកម្មភាពគ្មានសុវត្ថិភាព និងគ្មានវិជ្ជាជីវៈ របស់យន្តហោះចម្បាំងរុស្ស៊ី Su-27 ចំនួនពីរគ្រឿង។
មន្ទីរបញ្ចកោណបានទទូចថា យន្តហោះស្ទាក់ចាប់រុស្ស៊ីមួយគ្រឿង បានវាយប្រហារស្លាបយន្តហោះគ្មានមនុស្សបើក ខណៈពេលដែលខ្លួនកំពុងបំពេញបេសកកម្មឈ្លបយកការណ៍នៅក្នុងដែនអាកាសអន្តរជាតិ៕
សូមទស្សនាវីដេអូ៖
ប្រែសម្រួល៖ Vann Vann
ប្រភព៖ RT
ចុចអាន៖ តើ យន្តហោះគ្មានមនុស្សបើក MQ-9 Reaper របស់អាមេរិក ដែលធ្លាក់នៅសមុទ្រខ្មៅ មានតម្លៃប៉ុន្មាន?
-
ជីវិតកម្សាន្ដ៣ ថ្ងៃ មុន
តារាសម្ដែងថៃជួរមុខ ៦ ដួង ស៊ីថ្លៃខ្ពស់ជាងគេក្នុងឆ្នាំនេះ
-
ជីវិតកម្សាន្ដ៤ ថ្ងៃ មុន
ទស្សនិកជនសរសើរគំនិត Mai Davika ក្រោយច្នៃឈុតដូចស្លឹកចេក ក្នុងកម្មវិធីប្រេនលំដាប់
-
ជីវិតកម្សាន្ដ៣ ថ្ងៃ មុន
តារាសម្ដែងសិង្ហបុរី ទម្លាយថា មានវិញ្ញាណខ្មោចតាមដល់ផ្ទះ ក្រោយថតភាពយន្តនៅកម្ពុជា
-
ព័ត៌មានជាតិ៤ ថ្ងៃ មុន
ប្រវត្តិសង្ខេបរបស់ព្រះរាជដំណាក់ នៅក្រុងសៀមរាប
-
ព័ត៌មានជាតិ៣ ថ្ងៃ មុន
ស្វែងយល់ មកដល់ពេលនេះមានផ្លូវស្ពានណាខ្លះកំពុងសាងសង់ និងគ្រោងបញ្ចប់?
-
ជីវិតកម្សាន្ដ៤ ថ្ងៃ មុន
Yaya បង្អួតប៊ីគីនីឆ្លុះសាច់ពណ៌ខ្មៅ លើកោះ ម៉ាល់ឌីវ
-
ព័ត៌មានអន្ដរជាតិ៣ ថ្ងៃ មុន
ធនាគារ អង់គ្លេស ចាយលុយតែ ១ ដុល្លារទិញយកសាខាធនាគារដែលក្ស័យធនរបស់ អាមេរិក
-
ជីវិតកម្សាន្ដ៦ ថ្ងៃ មុន
ឃ្លិប ២០ ឆ្នាំមុន ទស្សនិកជនស្ទើរមិនជឿថា ជាតារាស្រី ៣ ដួងកំពុងល្បីល្បាញសព្វថ្ងៃនេះ