ព័ត៌មានអន្ដរជាតិ
អាមេរិក បង្កើតមូលដ្ឋានយោធាអចិន្ត្រៃយ៍នៅក្នុងប្រទេសជាប់របង អ៊ុយក្រែន
រដ្ឋមន្ត្រីការពារជាតិប៉ូឡូញលោក Mariusz Blaszczak បាននិយាយនៅក្នុងពិធីមួយនៅឯជំរំទ័ព Camp Kosciuszko ក្នុងទីក្រុង Poznan កាលពីថ្ងៃអង្គារថា កងទ័ពសហរដ្ឋអាមេរិកបានបង្កើតមូលដ្ឋានយោធាអចិន្ត្រៃយ៍លើកដំបូងរបស់ខ្លួននៅក្នុងប្រទេសប៉ូឡូញ ។
លោករដ្ឋមន្ត្រីបាននិយាយថា “មូលដ្ឋានយោធានៅទីក្រុង Poznan បានកើតមានឡើង បន្ទាប់ពីប៉ូឡូញបាននិងកំពុងជំរុញឲ្យមានវត្តមានជាអចិន្ត្រៃយ៍នៃកងទ័ពអាមេរិកអស់រយៈពេលជាច្រើនឆ្នាំ ហើយមូលដ្ឋានយោធាថ្មីរបស់កងទ័ពអាមេរិកនៅក្នុងប្រទេសជាប់របងរបស់អ៊ុយក្រែនមួយនេះ គឺជាមូលដ្ឋានអចិន្ត្រៃយ៍ទី ៨ ហើយសម្រាប់កងកម្លាំងប្រដាប់អាវុធអាមេរិកនៅអឺរ៉ុប” ។
ទន្ទឹមនោះ អង្គភាពនេះនឹងផ្តល់ការគាំទ្រផ្នែកហេដ្ឋារចនាសម្ព័ន្ធដល់ទាហានអាមេរិក ដែលឈរជើងនៅក្នុងប្រទេសប៉ូឡូញ ហើយអង្គភាពនេះក៏នឹងដឹកនាំ ក៏ដូចជាគ្រប់គ្រងប៉ុស្តិ៍យោធាជួរមុខរបស់អាមេរិកក្នុងប្រទេសប៉ូឡូញផងដែរ ។
ស្របពេលជាមួយគ្នានេះ ក្រសួងការពារជាតិប៉ូឡូញបាននិយាយនៅក្នុងសេចក្តីថ្លែងការណ៍មួយថា “ភារកិច្ចចម្បងរបស់អង្គភាពនេះ គឺដើម្បីសម្របសម្រួលសកម្មភាព និងត្រួតពិនិត្យកងកម្លាំងជើងគោករបស់សហរដ្ឋអាមេរិកនៅអឺរ៉ុប ជាពិសេសគឺកិច្ចសហប្រតិបត្តិការ និងអនុវត្តភារកិច្ចព្រមគ្នារវាងកងកម្លាំងអាមេរិកជាមួយកងទ័ពណាតូ” ។
គួរបញ្ជាក់ថា បច្ចុប្បន្នសហរដ្ឋអាមេរិកមានទាហានជាង ១០,០០០ នាក់កំពុងឈរជើងនៅប្រទេសប៉ូឡូញ ក្រោយពេលដែលបញ្ជាការកងទ័ពជើងគោកអាមេរិក V Corps បានដាក់ដំណើរការជំរំ Camp Kosciuszko ចាប់តាំងពីឆ្នាំ ២០២០ មក ៕
ប្រែសម្រួលដោយ ៖ ជីវ័ន្ត
ប្រភព ៖ TASS
ចុចអាន ៖ យន្តហោះចម្បាំង Su-35 របស់ រុស្ស៊ី ស្ទាក់ចាប់យន្តហោះទម្លាក់គ្រាប់បែក អាមេរិក លើសមុទ្របាល់ទិក
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សន្តិសុខសង្គម៧ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានអន្ដរជាតិ៩ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ