ព័ត៌មានអន្ដរជាតិ
ជនស៊ីវិលស្លាប់ កើនដល់ជិត១០០នាក់ ក្នុងការប្រយុទ្ធគ្នានៅ ស៊ូដង់
មនុស្សជិត១០០នាក់ត្រូវស្លាប់ និងរាប់រយនាក់រងរបួស ខណៈការប្រយុទ្ធគ្នា បានរាលដាលពាសពេញប្រទេសស៊ូដង់ ហើយអង្គការសុខភាពពិភពលោក (WHO) និយាយថា មន្ទីរពេទ្យមួយចំនួន លែងមានសមត្ថភាពព្យាបាលអ្នករបួសហើយ ព្រោះច្រើនពេក។
ការប្រយុទ្ធគ្នា បានផ្ទុះឡើងកាលពីថ្ងៃសៅរ៍ទី១៥ខែមេសា រវាងអង្គភាពកងទ័ពដែលស្មោះត្រង់នឹងប្រធានក្រុមប្រឹក្សាអធិបតេយ្យបណ្តោះអាសន្នរបស់ស៊ូដង់ គឺលោកឧត្តមសេនីយ៍ Abdel Fattah al-Burhan និងកងកម្លាំងគាំទ្ររហ័ស (RSF) ដែលដឹកនាំដោយឧត្តមសេនីយ៍ Mohamed Hamdan Dagalo ឬគេស្គាល់ថា Hemedti។
ក្នុងសេចក្តីថ្លែងការណ៍មួយនៅព្រឹកថ្ងៃចន្ទទី១៧ខែមេសា សហជីពវេជ្ជបណ្ឌិត និយាយថា ជនស៊ីវិលចំនួន៩៧នាក់ត្រូវបានសម្លាប់ និង ៣៦៥នាក់ផ្សេងទៀតរងរបួសចាប់តាំងពីការប្រយុទ្ធគ្នា ផ្ទុះឡើង។
នេះគឺជាការប្រយុទ្ធលើកដំបូង ចាប់តាំងពីក្រុមទាំងពីររួមកម្លាំងគ្នា ដើម្បីបណ្តេញមេដឹកនាំផ្តាច់ការឥស្លាមនិយមជើងចាស់ Omar al-Bashir ក្នុងឆ្នាំ២០១៩។
អំពើហិង្សានេះ ត្រូវបានបង្កឡើងដោយការខ្វែងគំនិតគ្នាលើការរួមបញ្ចូល RSF ទៅក្នុងយោធា ដែលជាផ្នែកមួយនៃការផ្លាស់ប្តូរឆ្ពោះទៅកាន់ការគ្រប់គ្រងដោយស៊ីវិល ដើម្បីបញ្ចប់វិបត្តិនយោបាយ-សេដ្ឋកិច្ច ដែលបង្កឡើងដោយរដ្ឋប្រហារយោធាឆ្នាំ២០២១៕
ប្រែសម្រួល៖ Vann Vann
ប្រភព៖ The Guardian
ចុចអាន៖ ការប្រយុទ្ធដណ្តើមអំណាចគ្នានៅស៊ូដង់ សម្លាប់មនុស្សកាន់តែច្រើន រួមទាំងបុគ្គលិករបស់ UN
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៤ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៧ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៥ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៥ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ