Connect with us

ព័ត៌មានអន្ដរជាតិ

ហ្វីលីពីន មិនអនុញ្ញាតឲ្យអាមេរិក យកមូលដ្ឋានរបស់ខ្លួន ធ្វើជាកន្លែងបើកប្រតិបត្តិការ ប្រឆាំងចិន

បានផុស

នៅ

រដ្ឋាភិបាលហ្វីលីពីនបាននិយាយថា ខ្លួននឹងមិនអនុញ្ញាតឲ្យសហរដ្ឋអាមេរិក ប្រើប្រាស់មូលដ្ឋានរបស់ខ្លួន ធ្វើជាកន្លែងសម្រាប់ប្រតិបត្តិការដ៏មានសក្តានុពល ប្រឆាំងនឹងប្រទេសចិនក្នុងករណីមានសង្រ្គាមលើកោះតៃវ៉ាន់នោះទេ។

(រូបថត៖ AP)
សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

រដ្ឋមន្ត្រីការបរទេសហ្វីលីពីន លោក Enrique Manalo បានផ្តល់ព័ត៌មាននេះកាលពីថ្ងៃពុធទី១៩ខែមេសា ក្នុងអំឡុងសវនាការនៅព្រឹទ្ធសភាហ្វីលីពីន ទាក់ទងនឹងកិច្ចព្រមព្រៀងសហប្រតិបត្តិការការពារជាតិ (EDCA) រវាងប្រទេសទាំងពីរ។

លោក Manalo និយាយថា “យើងនឹងមិនយល់ព្រមចំពោះសកម្មភាពណាមួយ ឬសូម្បីតែសម្ភារដែលខុសពីអ្វីដែលបានព្រមព្រៀងគ្នា។ ទស្សនៈរបស់យើងគឺថា EDCA មិនមែនសំដៅលើប្រទេសទីបីណាមួយ ដែលនៅខាងក្រៅគោលបំណងរបស់ហ្វីលីពីនឡើយ”។

រដ្ឋមន្ត្រីការបរទេសហ្វីលីពីន លោក Enrique Manalo (រូបថត៖ Rappler)

លោកបន្ថែមថា ការសម្រេចចិត្តអំពីថាតើត្រូវអនុញ្ញាតឲ្យសហរដ្ឋអាមេរិក រក្សាទុកអាវុធនៅកន្លែងជាក់លាក់ក្នុងប្រទេសហ្វីលីពីនដែរឬក៏អត់នោះ នឹងត្រូវធ្វើតាមគោលបំណងសំខាន់នៃកិច្ចព្រមព្រៀងនេះ។

គួរបញ្ជាក់ថា កិច្ចព្រមព្រៀងឆ្នាំ២០១៤មួយនេះ គឺជាការបូកបន្ថែមលើកិច្ចព្រមព្រៀងកងកម្លាំងបំពេញទស្សនកិច្ចឆ្នាំ១៩៩៨ដែលអនុញ្ញាតឲ្យកងកម្លាំងសហរដ្ឋអាមេរិក ឈរជើងបណ្តោះអាសន្ននៅតាមមូលដ្ឋានយោធាជាច្រើនដែលគ្រប់គ្រងដោយហ្វីលីពីន៕

ប្រែសម្រួល៖ Vann Vann

ប្រភព៖ Sputnik

ចុចអាន៖ ប្រមុខណាតូ អំពាវនាវឲ្យចិន ចូលរួម ក្នុងការបង្កើតក្របខ័ណ្ឌ គ្រប់គ្រងអាវុធ

Helistar Cambodia - Helicopter Charter Services
Sokimex Investment Group

ចុច Like Facebook កម្ពុជាថ្មី

កីឡា៦ ថ្ងៃ មុន

ឈ្នះខ្សែក្រវាត់ថ្ងៃជាមួយ​ ឈឿង ល្វៃ កីឡាករ Erdene ក៏មានរថយន្តទទួល

ព័ត៌មានជាតិ៥ ថ្ងៃ មុន

ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅ​តែរឹងទទឹងមិនព្រមវាយកម្ទេចរបងចេញ

សន្តិសុខសង្គម៧ ថ្ងៃ មុន

ដកហូតមុខតំណែង មេបញ្ជាការរងស្រុកស្វាយជ្រុំ​៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ

ព័ត៌មានជាតិ៥ ថ្ងៃ មុន

ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល

ព័ត៌មានអន្ដរជាតិ៥ ថ្ងៃ មុន

អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ

Sokha Hotels

ព័ត៌មានពេញនិយម