ព័ត៌មានអន្ដរជាតិ
ប្រមុខណាតូ អំពាវនាវឲ្យចិន ចូលរួម ក្នុងការបង្កើតក្របខ័ណ្ឌ គ្រប់គ្រងអាវុធ
អគ្គលេខាធិការអង្គការសន្ធិសញ្ញាអាត្លង់ទិកខាងជើង ហៅកាត់ ណាតូ បានអំពាវនាវឲ្យប្រទេសចិន បង្កើនតម្លាភាពទាក់ទងនឹងសមត្ថភាពអាវុធនុយក្លេអ៊ែររបស់ខ្លួន និងចូលរួមក្នុងការបង្កើតក្របខ័ណ្ឌអន្តរជាតិស្តីពីការគ្រប់គ្រងអាវុធ។
តាមរយៈ Video Link ក្នុងសន្និសីទអង្គការណាតូនៅទីក្រុងវ៉ាស៊ីនតោនកាលពីថ្ងៃអង្គារទី១៨ខែមេសា លោក Jens Stoltenberg បានលើកឡើងពីបញ្ហាប្រឈមផ្នែកសន្តិសុខ ដែលប្រទេសជាសមាជិកណាតូកំពុងប្រឈមមុខ។
លោកនិយាយថា ចិន កំពុងរីកចម្រើនយ៉ាងឆាប់រហ័ស ក្នុងដំណើរការនៅឃ្លាំងអាវុធនុយក្លេអ៊ែរដោយគ្មានតម្លាភាពអំពីសមត្ថភាពរបស់ខ្លួន ហើយគេប៉ាន់ស្មានថា ប្រទេសនេះនឹងមានក្បាលគ្រាប់ចំនួន១៥០០គ្រាប់នៅត្រឹមឆ្នាំ២០៣៥។
លោកបន្តថា ក្នុងនាមជាមហាអំណាចពិភពលោកមួយ ប្រទេសចិនត្រូវមានទំនួលខុសត្រូវជាសកល ហើយថា ទីក្រុងប៉េកាំងក៏នឹងទទួលបានអត្ថប្រយោជន៍ពីការបង្កើនតម្លាភាព និងសន្តិសុខនៃកិច្ចព្រមព្រៀងគ្រប់គ្រងអាវុធផងដែរ។
ស្របពេលជាមួយគ្នានោះ នៅក្នុងសន្និសីទដដែលនេះ អនុរដ្ឋមន្ត្រីការបរទេសអាមេរិក លោកស្រី Wendy Sherman ក៏បានរិះគន់រុស្ស៊ីផងដែរ ចំពោះសេចក្តីប្រកាសកាលពីខែមីនាដែលថា ខ្លួនកំពុងរៀបចំដាក់ពង្រាយអាវុធនុយក្លេអ៊ែរយុទ្ធសាស្ត្រនៅក្នុងប្រទេសបេឡារុស។
លោកស្រីបានហៅរឿងនោះថាជាការបង្កើនអរិភាពដ៏គ្រោះថ្នាក់ ហើយគូសបញ្ជាក់ថា សហរដ្ឋអាមេរិកនឹងនៅតែឃ្លាំមើលស្ថានការណ៍យ៉ាងដិតដល់៕
ប្រែសម្រួល៖ Vann Vann
ប្រភព៖ NHK
ចុចអាន៖ ណាតូ ប្រកាសធ្វើសមយុទ្ធដែនអាកាស ទ្រង់ទ្រាយធំបំផុតក្នុងប្រវត្តិសាស្រ្ត
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៥ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ