ព័ត៌មានអន្ដរជាតិ
ធនាគារមួយរបស់ អាមេរិក នឹងជម្រុះបុគ្គលិក ៤ ពាន់នាក់នៅខែមិថុនាខាងមុខ
ទោះបីជាត្រីមាសទី ១ ធនាគារ Bank of America ទទួលបានប្រាក់ចំណេញខ្ពស់ក៏ដោយ ប៉ុន្តែធនាគារនេះត្រៀមនឹងជម្រុះបុគ្គលិកចំនួន ៤ ពាន់នាក់នៅក្នុងខែមិថុនាខាងមុខនេះ ដោយសារតែព្រួយបារម្ភពីការធ្លាក់ចុះសេដ្ឋកិច្ចនៅត្រីមាសទី ២ ។
នាយកប្រតិបត្តិធនាគារលោក Brian Moynihan បាននិយាយថា ការកាត់បន្ថយនេះ គឺដើម្បីឲ្យទីផ្សារការងារមានភាពស្ងប់ស្ងាត់ ហើយការកាត់បន្ថយនេះដែរ មិនគួរត្រូវបានចាត់ទុកថា ជាភាពទន់ខ្សោយនៅក្នុងអាជីវកម្មធនាគារនោះទេ ។
លោក Moynihan លើកឡើងថា ការព្យាករណ៍នេះ គឺសម្រាប់ការធ្លាក់ចុះសេដ្ឋកិច្ចនៅក្នុងឆមាសទី ២ នៃឆ្នាំនេះ ប៉ុន្តែមិនទាន់មានសកម្មភាពនៃការធ្លាក់ចុះចំនួនអតិថិជនដល់កម្រិតព្រួយបារម្ភនោះទេ ។
ចំណែកនាយកប្រតិបត្តិហិរញ្ញវត្ថុលោក Alastair Borthwick បានបង្ហាញថា ការកាត់បន្ថយបុគ្គលិកនៅពេលនេះ គឺតំណាងឲ្យ ២ ភាគរយប៉ុណ្ណោះនៃកម្លាំងការងារពេញម៉ោងសរុបរបស់ធនាគារ ហើយការជម្រុះនេះកើតឡើង បន្ទាប់ពីបុគ្គលិកកើនឡើងដល់ ២១៨,០០០ នាក់ក្នុងខែមករា ។
លោកបញ្ជាក់ថា “នៅក្នុងត្រីមាសទី ១ មានបុគ្គលិកជាង ២១៧,០០០ នាក់នៅក្នុងក្រុមហ៊ុន ហើយយើងរំពឹងថា នៅចុងត្រីមាសទី ២ នេះ ចំនួនបុគ្គលិកពេញម៉ោង នឹងមានប្រហែល ២១៣,០០០ នាក់ប៉ុណ្ណោះ” ។
ដោយឡែក អ្នកបង្កើតគោលនយោបាយនៅធនាគារកណ្ដាលរបស់អាមេរិកព្យាករណ៍ថា សហរដ្ឋអាមេរិក នឹងជួបប្រទះវិបត្តិសេដ្ឋកិច្ចកម្រិតស្រាលនៅចុងឆ្នាំនេះ ដែលអាចចំណាយពេល ២ ឆ្នាំដើម្បីដោះស្រាយបញ្ហាទាំងនោះ ។
គួរឲ្យដឹងថា ធនាគារ Bank of America ក៏បានកាត់បន្ថយមុខតំណែងជាង ១,០០០ ក្នុងរយៈពេល ២ សប្តាហ៍ដំបូងនៃខែមេសា ហើយគ្រោងនឹងលុបចោលការងារបន្ថែមចំនួន ៣ ពាន់ទៀតនៅចុងត្រីមាសទី ២ នេះផងដែរ ៕
ប្រែសម្រួលដោយ ៖ នាង រតនៈ
ប្រភព ៖ Sputnik
ចុចអាន ៖ អាមេរិក ប្រកាសផ្តល់ជំនួយថ្មីទៅឲ្យអ៊ុយក្រែន រួមទាំងមីស៊ីលទំនើប ផងដែរ
-
កីឡា៥ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៣ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
សេដ្ឋកិច្ច១ សប្តាហ៍ ago
តាសក់ផ្អែម ៥ តោន របស់ កសិករម្នាក់ លក់ចេញអស់ ក្រោយសហគមន៍កសិកម្មជួយរកទីផ្សារ
-
ព័ត៌មានអន្ដរជាតិ១ សប្តាហ៍ ago
នាឡិកា ៦ គ្រឿងរបស់កូនពៅសេដ្ឋី ឥណ្ឌា ដែលខំសន្សំទុក មានមួយមេ Facebook ទាក់ចិត្តខ្លាំង
-
សន្តិសុខសង្គម៦ ថ្ងៃ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ៦ ថ្ងៃ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៤ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ជីវិតកម្សាន្ដ៤ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ