អាមេរិក ប្រកាសផ្តល់ជំនួយថ្មីទៅឲ្យអ៊ុយក្រែន រួមទាំងមីស៊ីលទំនើប ផងដែរ

កាលពីថ្ងៃពុធទី១៩ខែមេសា រដ្ឋបាលប្រធានាធិបតីអាមេរិក ចូ បៃដិន បានប្រកាសផ្តល់ជំនួយយោធាថ្មីក្នុងទំហំទឹកប្រាក់ ៣២៥លានដុល្លារសម្រាប់អ៊ុយក្រែន ដើម្បីជួយយោធាទីក្រុងកៀវ ក្នុងសង្គ្រាមប្រឆាំងរុស្ស៊ី។ សម្រាប់កញ្ចប់ជំនួយថ្មីនេះ រួមមានទាំងគ្រាប់បន្ថែម សម្រាប់ប្រព័ន្ធរ៉ុកកែតចល័តកម្រិតខ្ពស់ (HIMARS) មីស៊ីលទំនើប និងមីនប្រឆាំងរថក្រោះផងដែរ។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

នេះគឺជាកញ្ចប់សន្តិសុខទី៣៦ហើយសម្រាប់អ៊ុយក្រែន ចាប់តាំងរុស្ស៊ីបើកការវាយលុកក្នុងខែកុម្ភៈឆ្នាំ២០២២ ហើយនាំឲ្យជំនួយយោធាសរុបដែលសហរដ្ឋអាមេរិកជួយរដ្ឋាភិបាលទីក្រុង កៀវ កើនដល់ជាង៣៥.៤ពាន់លានដុល្លារ។

HIMARS គឺជាប្រព័ន្ធ​បំពាក់​លើ​រថយន្ត ដែល​អាច​បាញ់​មី​ស៊ី​លបាន​ច្រើន​គ្រាប់​ជា​បន្តបន្ទាប់​។ កាំជ្រួច​ដែល​ផ្គត់ផ្គង់​ដល់​អ៊ុយក្រែន គឺ​មាន​រយៈ​ចម្ងាយ​ដល់​ទៅ៨០គីឡូម៉ែត្រ ហើយ​កង​កម្លាំង​អ៊ុយក្រែន​ បានទទួល​​ជោគជ័យ​យ៉ាងធំធេង​ការ​ប្រើ​វា​ដើម្បី​កំណត់​គោលដៅ​របស់​រុស្ស៊ី។

រដ្ឋមន្ត្រីការបរទេសអាមេរិក លោក Antony Blinken បាននិយាយថា “រុស្ស៊ីអាចបញ្ចប់សង្រ្គាមរបស់ខ្លួននៅថ្ងៃនេះ។ បើរុស្ស៊ីមិនឈប់, សហរដ្ឋអាមេរិក និងសម្ព័ន្ធមិត្ត ព្រមទាំងដៃគូរបស់យើង នឹងឈររួបរួមគ្នាជាមួយអ៊ុយក្រែន ដរាបណាពួកគេត្រូវការ”។

គួរបញ្ជាក់ថា កញ្ចប់ជំនួយថ្មីនេះ នឹងត្រូវបានផ្តល់មូលនិធិដោយប្រើប្រាស់អាជ្ញាធរ Presidential Drawdown Authority, ឬ PDA ដែលអនុញ្ញាតឲ្យប្រធានាធិបតីផ្ទេរសម្ភារ និងសេវាកម្មពីស្តុកអាមេរិក ដោយគ្មានការយល់ព្រមពីសភាក្នុងអំឡុងពេលមានអាសន្ន៕

ប្រែសម្រួល៖ Vann Vann

ប្រភព៖ CNA

ចុចអាន៖ ជម្លោះ បង្ហូរឈាម បំផុត ក្នុងពិភពលោក កាលពី ឆ្នាំមុន មិនមែន នៅ អ៊ុយ ក្រែ ន ទេ