ព័ត៌មានអន្ដរជាតិ

ប៉ូលិសថៃរកឃើញលុយ ៧៨ លានបាត ក្នុងគណនីរបស់ឃាតកបំពុលសម្លាប់មនុស្សដោយសារធាតុ Cyanide

បានផុស

១១ ខែ មុន

នៅ

ថ្ងៃព្រហស្បតិ៍ ១១ ឧសភា ២០២៣

ដោយ

អគ្គស្នងការរងនគរបាលជាតិបាននិយាយថា ប៉ូលិសបានតាមដានគណនីធនាគារជាច្រើនហើយរកឃើញទឹកប្រាក់សរុបចំនួន ៧៨ លានបាត ជាប់ពាក់ព័ន្ធនឹងឃាតក Sararat ឬ Am ដែលបំពុលសម្លាប់មនុស្សដោយសារធាតុ Cyanide កក្រើកប្រទេសថៃកន្លងមក។

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

ឧត្ដមសេនីយ៍ Surachat Hakparn បាននិយាយកាលពីថ្ងៃអង្គារថា មានលំហូរថេរនៃការផ្ទេរប្រាក់ទៅកាន់គណនីធនាគារផ្សេងៗគ្នាពីមនុស្សយ៉ាងហោចណាស់ ១២ នាក់។ លោកបន្តថា ហេតុនេះប៉ូលិសកំពុងពិនិត្យមើលបន្ថែមទៀតលើការផ្ទេរ ដើម្បីដោះស្រាយទំនាក់ទំនងជាមួយជនសង្ស័យ។

លោក Surachate បានបន្ថែមថា ប៉ូលិសកំពុងពន្លឿនការប្រមូលភស្តុតាងសំខាន់ៗ ហើយអាចទទួលបានដីកាចាប់ខ្លួនបន្ថែមទៀតសម្រាប់បុគ្គលផ្សេងទៀតដែលពាក់ព័ន្ធនឹងករណីនេះ។ ក្នុងនោះ ប៉ូលិសក៏ជឿថាឃាតក Sararat បានបំពុលជនរងគ្រោះ ១៤ នាក់ដើម្បីលួចវត្ថុមានតម្លៃរបស់ពួកគេហើយគេចពីបំណុលដែលនាងជំពាក់ ខណៈជនរងគ្រោះម្នាក់បានរួចជីវិត ហើយបានរាយការណ៍ប្រាប់ប៉ូលិស ។

ក្រោយមកប៉ូលិសបានចាប់ខ្លួន Sararat នៅអគាររដ្ឋាភិបាល Chaengwattana ក្នុងទីក្រុងបាងកក កាលពីថ្ងៃទី ២៥ ខែមេសា។ រហូតមកដល់ពេលនេះ នាងត្រូវបានចោទប្រកាន់ពីបទមនុស្សឃាតចំនួន ១០ ស្របពេលដែលប៉ូលិសបាននិយាយថា ពួកគេមានភស្តុតាងគ្រប់គ្រាន់ ដើម្បីកាត់ទោសនាងចំពោះការស្លាប់ទាំង ១៤ នាក់៕