ព័ត៌មានអន្ដរជាតិ
ទោះឈ្នះឆ្នោត ក៏លោក ប្រាយុទ្ធ មិនអាចកាន់តំណែងជានាយករដ្ឋមន្ត្រី បានពេញអាណត្តិដែរ
នៅថ្ងៃអាទិត្យទី១៤ខែឧសភានេះ ប្រទេសថៃ នឹងរៀបចំការបោះឆ្នោតសកល ខណៈគណបក្សថៃរួបរួមជាតិ (UTN) របស់លោក ប្រាយុទ្ធ ចាន់អូចា ត្រូវបានគេមើលឃើញថា ក៏ស្ថិតក្នុងចំណោមគណបក្សមានសង្ឃឹមទទួលបានជ័យជម្នះដែរ។
លោក ប្រាយុទ្ធ ប្រកាសថា គាត់នឹងលាឈប់ពីឆាកនយោបាយ ប្រសិនបើគណបក្សរបស់គាត់ មិនទទួលបានអាសនៈសភាគ្រប់គ្រាន់ដើម្បីបង្កើតរដ្ឋាភិបាលទេនោះ។
យ៉ាងណាក្តី ទោះលោកប្រាយុទ្ធជាប់ឆ្នោត ក៏គាត់មិនអាចកាន់តំណែងជានាយករដ្ឋមន្ត្រីបានពេញមួយអាណត្តិ៤ឆ្នាំដែរ។
រដ្ឋធម្មនុញ្ញថៃបច្ចុប្បន្ន បានកំណត់រយៈពេល៨ឆ្នាំលើបុគ្គលណាដែលធ្វើជានាយករដ្ឋមន្ត្រី។ ដូចនេះតាមច្បាប់ លោក ប្រាយុទ្ធ អាចបន្តធ្វើជានាយករដ្ឋមន្ត្រីបានតែពីរឆ្នាំទៀតប៉ុណ្ណោះ។
អតីតមេដឹកនាំរដ្ឋប្រហាររូបនេះ បានឡើងកាន់អំណាចជាប្រមុខរដ្ឋាភិបាលយោធាក្នុងឆ្នាំ២០១៤ បន្ទាប់ពីផ្ដួលរំលំរដ្ឋបាលរបស់គណបក្សភឿថៃ។
ថ្វីបើគូប្រជែងបានប្រកែកថា អាណត្តិរបស់លោក ប្រាយុទ្ធ បញ្ចប់នៅឆ្នាំ២០២២ ហើយព្យាយាមដកលោកចេញពីតំណែងកាលពីឆ្នាំមុនក៏ដោយ ប៉ុន្តែតុលាការធម្មនុញ្ញបានសម្រេចថា ការរាប់អាណត្តិរបស់គាត់គឺចាប់ផ្តើមក្នុងឆ្នាំ២០១៧ នៅពេលរដ្ឋធម្មនុញ្ញបច្ចុប្បន្នត្រូវបានអនុម័ត។
ដូចនេះ ប្រសិនបើគាត់ក្លាយជានាយករដ្ឋមន្ត្រីបន្ទាប់ពីការបោះឆ្នោតឆ្នាំ២០២៣មែន លោក ប្រាយុទ្ធ និយាយថា មេដឹកនាំគណបក្ស UTN លោក Pirapan Salirathavibhaga នឹងបន្តតំណែងក្នុងរយៈពេល២ឆ្នាំដែលនៅសល់ពីលោក ប្រាយុទ្ធ៕
ប្រែសម្រួល៖ Vann Vann
ប្រភព៖ Straits Times
-
កីឡា៦ ថ្ងៃ ago
ឈ្នះខ្សែក្រវាត់ថ្ងៃជាមួយ ឈឿង ល្វៃ កីឡាករ Erdene ក៏មានរថយន្តទទួល
-
ព័ត៌មានជាតិ៥ ថ្ងៃ ago
ម្ចាស់សំណង់របងថ្មនៅរមណីយដ្ឋានឆ្នេរនេសាទ នៅតែរឹងទទឹងមិនព្រមវាយកម្ទេចរបងចេញ
-
ព័ត៌មានអន្ដរជាតិ១៧ ម៉ោង ago
Breaking News! បណ្ដាញសង្គម Facebook មានបញ្ហានៅទូទាំងពិភពលោកជាថ្មី
-
សន្តិសុខសង្គម១ សប្តាហ៍ ago
ដកហូតមុខតំណែង មេបញ្ជាការរងស្រុកស្វាយជ្រុំ៣នាក់ ពាក់ព័ន្ធករណីទារប្រាក់ពីអ្នកប្រើប្រាស់គ្រឿងញៀនជាង១ពាន់ដុល្លារ
-
ជីវិតកម្សាន្ដ១ សប្តាហ៍ ago
មនុស្សស្និទ្ធស្នាលទម្លាយពីស្ថានភាព Ngoc Trinh ក្រោយចេញពីពន្ធនាគារជាង៣ខែ
-
ព័ត៌មានជាតិ៦ ថ្ងៃ ago
ដើម្បីកុំឱ្យភោជនីយដ្ឋានដួលរលំបះជើងទាន់ សម្ដេចធិបតី បញ្ជាឱ្យកែម៉ោងពិនិត្យជាតិអាល់កុល
-
ព័ត៌មានអន្ដរជាតិ៥ ថ្ងៃ ago
អ្នកវិទ្យាសាស្ត្រស្កុតឡែនរកឃើញហ្វូស៊ីលចម្លែករូបរាងដូចសត្វនាគចិនអាយុកាល ២៤០ លានឆ្នាំ
-
ជីវិតកម្សាន្ដ៦ ថ្ងៃ ago
តួជនទី៣ Benz ត្រលប់មកតំណែងស្រីស្អាតម្ដងទៀត ទោះឈានដល់អាយុ៤៣ឆ្នាំ