ព័ត៌មានអន្ដរជាតិ

លោក ប្រាយុទ្ធ ប្រកាសឈប់ធ្វើនយោបាយ បើចាញ់ឆ្នោត

បានផុស

៣ years មុន

នៅ

ថ្ងៃសុក្រ ១២ ឧសភា ២០២៣

ដោយ

នាយករដ្ឋមន្ត្រីថៃ លោក ប្រាយុទ្ធ ចាន់អូចា បានថ្លែងថា លោកនឹងលាឈប់ពីឆាកនយោបាយ ប្រសិនបើគណបក្សថៃរួបរួមជាតិ (UTN) របស់លោក មិនទទួលបានអាសនៈសភាគ្រប់គ្រាន់ដើម្បីបង្កើតរដ្ឋាភិបាលក្នុងការបោះឆ្នោតថ្ងៃអាទិត្យទី១៤ខែឧសភាទេនោះ។

លោក ប្រាយុទ្ធ អំឡុងយុទ្ធនាការឃោសនាបោះឆ្នោត (រូបថត៖ Bangkok Post)

សូមចុច Subscribe Channel Telegram កម្ពុជាថ្មី ដើម្បីទទួលបានព័ត៌មានថ្មីៗទាន់ចិត្ត

លោក ប្រាយុទ្ធ បានប្រកាសបែបនេះនៅស្រុក Pak Phanang ខណៈពេលលោកធ្វើយុទ្ធនាការឃោសនារកសំឡេងឆ្នោតសម្រាប់ការបោះឆ្នោតសកលនាថ្ងៃទី១៤ ខែឧសភាខាងមុខនេះ ។

លោកថ្លែងថា “បេក្ខជនគណបក្សនៅគ្រប់មណ្ឌលគឺសំខាន់សម្រាប់ខ្ញុំ។ ប្រសិនបើយើងឈ្នះត្រឹមអាសនៈមណ្ឌលមួយចំនួនតូច ខ្ញុំនឹងត្រលប់ទៅផ្ទះវិញ ហើយសម្រាក” ។

លោកបន្ត “យើងត្រូវឈ្នះអាសនៈសភាឲ្យបានច្រើនតាមដែលអាចធ្វើទៅបាន ដូច្នេះយើងអាចបង្កើតរដ្ឋាភិបាលដ៏រឹងមាំមួយ ដែលអាចធ្វើការបានលឿនជាងមុន”។

លោកនាយករដ្ឋមន្ត្រីបានបន្ថែមថា “ប្រជាជនបានជឿទុកចិត្តខ្ញុំម្តងហើយនៅក្នុងការបោះឆ្នោតលើកមុន។ ដូច្នេះ សូមទុកចិត្តខ្ញុំម្តងទៀតនៅក្នុងការបោះឆ្នោតថ្ងៃអាទិត្យនេះ”។

គួរបញ្ជាក់ថា យោងតាមការស្ទង់មតិនាពេលថ្មីៗនេះ, គណបក្សរបស់លោក ប្រាយុទ្ធ ទទួលបានសំឡេងគាំទ្រត្រឹមតែ ១២.១ ភាគរយប៉ុណ្ណោះក្នុងការបោះឆ្នោត ។

ទន្ទឹមនោះ គណបក្សភឿថៃ របស់កូនស្រីលោក ថាក់ស៊ីន ស៊ីណាវ៉ាត់ត្រា កំពុងទទួលបានការគាំទ្រយ៉ាងខ្លាំង ព្រោះតែគោលនយោបាយដំឡើងប្រាក់ឈ្នួលអប្បបរមា ៕

ប្រែសម្រួល៖ Vann Vann

ប្រភព៖ Bangkok Post

ចុចអាន៖ តើ ថៃ នឹងមានការផ្លាស់ប្ដូររដ្ឋាភិបាលយោធាក្នុងការបោះឆ្នោតខាងមុខឬក៏យ៉ាងណា?